Dai kamo maghale sa may pintoan kan Tabernakulo tanganing dai kamo magadan, huli ta kinonsagra na kamo sa paagi kan paglahid saindo kan lana nin Kagurangnan.” Kaya ginibo ninda an sinabi ni Moises.
“Dai ka nanggad maglaog sa Tabernakulo ni an saimong mga aki, kun kamo nakainom nin arak o maisog na inomon; sa oras na gibohon nindo iyan, magagadan kamo. Saro ining pagsusundon na ootobon nindo sa gabos na henerasyon.
