Levitico 10:15 - Marahay na Bareta Biblia

¹⁵ Dadarahon ninda an toong hurihan na bitis kan hayop asin an daghan sa panahon na idinodolot an taba bilang dolot na pagkakan sa Kagurangnan. An mga kabtang na ini kan hayop iyo an kahirasan nindo saka kan saindong mga aki sagkod sa maabot na panahon, siring sa pagboot nin Kagurangnan.”

Levitico 10:15 ပူးပေါင်းရင်းမြစ်များ

Genesis 13:15

huli ta an gabos na daga na nahihiling mo itatao ko sa saimo asin sa mga kapagarakian mo sagkod lamang.

Genesis 17:13

Kaipuhan serkomsisyonon an lambang saro; an tanda na ini sa saindong hawak iyo an magpapatotoo kan satong daing kataposan na tipan.

Genesis 17:17

Nagdapa si Abraham sa daga, alagad napangisi siya kan saiyang isaboot, “Pwede pa daw magkaaki an sarong arog sakong sanggatos na an edad? Pwede pa daw mag-aki si Sara sa edad na nubenta?”

Genesis 17:8

Itatao ko saimo asin sa saimong mga kapagarakian an dagang ini, saen saro kang dayuhan ngunyan. An bilog na Canaan masasadirihan kan saimong mga kapagarakian sagkod pa man, asin ako an magigin Dios ninda.”

Exodo 29:27

“An daghan asin an hita kan karnerong ginagamit sa ordenasyon iitaas sako bilang sarong espesyal na dolot asin lalaenon para ki Aaron saka sa saiyang mga aki.

Exodo 29:28

Sagkod pa man ini an sakong pagboot na kun madolot an mga tawo kan dolot para sa katoninongan, an daghan saka an hita kan hayop lalaenon para sa mga padi. Ini an dolot sako kan mga tawo.

Levitico 2:3

An tada kan idinolot na pagkakan mapapaduman sa mga padi; banal iyan huli ta kabtang iyan kan pagkakan na idinolot sa Kagurangnan.

Levitico 3:17

Sagkod pa man dai nin siisay man sa mga Israelita an pwedeng magkakan kan taba saka dugo; iyan sarong pagboot na kukuyogon kan gabos na Israelita saen man sinda mag-erok.

Levitico 7:34

An daghan kan hayop sarong espesyal na regalo, asin an nasa hurihan na toong bitis sarong espesyal na kahirasan na kinua nin Kagurangnan hale sa mga Israelita asin itinao sa mga padi. Iyo iyan an kaipuhan na itao kan mga Israelita sa mga padi sagkod pa man.

Mga Bilang 5:9

An lambang banal na dolot na dinadara kan mga Israelita sa padi magigin sadiri kan padi.