Levitico 1:1 - Marahay na Bareta Biblia

¹ Hale sa Tabernakulo, inapod nin Kagurangnan si Moises asin tinawan kan minasunod na pagsusundon

Levitico 1:1 ပူးပေါင်းရင်းမြစ်များ

2 Mga Hade 16:13

kaya nagtutong siya nin mga atang na hayop asin dolot na pagkakan. Inula niya sa altar an dolot na arak sagkod an dugo kan dolot para sa katoninongan.

2 Mga Cronica 29:32

Nagdara an mga tawo nin setentang baka, sanggatos na karnero asin duwang gatos na kordero; ini gabos idinolot bilang mga tinutong na atang sa Kagurangnan.

Exodo 19:3

Nagtukad si Moises sa bukid tanganing tuparon an Dios. Inapod siya nin Kagurangnan hale sa bukid asin tinaraman, “Sabihan mo an mga kapagarakian ni Jacob, an banwaan nin Israel:

Exodo 24:12

Nagtaram an Kagurangnan ki Moises, “Tumukad ka sa bukid pasiring sako asin maghalat ka huli ta itatao ko saimo an duwang tablang gapo na sinuratan ko kan mga togon asin kan mga pagboot na itutukdo mo sa mga tawo.”

Exodo 25:22

Diyan taka tatagboon sa ibabaw kan takop, sa tahaw kan duwang kerubin; diyan ko itataram saimo an sakong mga togon para sa banwaan nin Israel.

Exodo 29:42

Sa gabos na panahon, ining tinutong na atang idodolot nindo sako sa may pintoan kan Tabernakulo, saen tatagboon ko kamo tanganing kaolayon.

Exodo 3:4

Kan mahiling nin Kagurangnan na nagrarani si Moises, nag-apod siya hale sa tahaw kan nagkakalayong tinanom, “Moises! Moises!” “Uya ako,” an simbag ni Moises.

Exodo 33:7

Ugale na ni Moises na kuahon an tolda asin patindogon sa sarong lugar na harayo sa luwas kan kampo; ini inapod niyang toldang pinagtatagboan. An siisay man na boot makihumapot sa Kagurangnan minaduman sa toldang pinagtatagboan na nasa luwas kan kampo.

Exodo 39:32

Natapos an gabos na trabaho sa Tabernakulo; ginibo kan mga Israelita an gabos siring sa ipinagboot nin Kagurangnan ki Moises.

Exodo 40:29

asin duman sa atubang kan kurtina ibinugtak niya an altar na tututongan nin mga atang. Dangan sa ibabaw kan altar nagdolot siya nin tinutong na atang asin nin dolot na pagkakan, siring sa ipinagboot nin Kagurangnan.

Levitico 7:38

Duman sa kalangtadan, sa Bukid nin Sinai, itinao nin Kagurangnan ki Moises an mga pagboot na ini, sa parehong aldaw na tinaraman niya an mga Israelita na magdara kan saindang mga dolot.

Levitico 9:16

Kinua man niya an hayop para sa tinutong na atang dangan idinolot sosog sa mga pagsusundon.

Mga Bilang 1:1

Kan enot na aldaw kan ikaduwang bulan kan ikaduwang taon pakahale kan banwaan nin Israel sa Egipto, nagtaram an Kagurangnan ki Moises sa Tabernakulo duman sa Desyerto nin Sinai:

Mga Bilang 7:89

Kan maglaog si Moises sa Tabernakulo tanganing makipag-olay sa Kagurangnan, nadangog niya an Kagurangnan na nagtataram saiya hale sa ibabaw kan takop kan Kaban nin Tipan, sa tahaw kan duwang kerubin na nasa ibabaw kan Kaban nin Tipan.

Juan 1:17

An Katogonan itinao nin Dios sa paagi ni Moises, alagad an biyaya asin katotoohan nag-abot sa paagi ni Jesu-Cristo.

Deuteronomio 27:6

Huli ta an arin man na altar na itugdok nindo para sa Kagurangnan na saindong Dios, kaipuhan gibo sa mga gapo na dai tinabas. Diyan nindo idodolot an mga tinutong na atang sa Kagurangnan na saindong Dios.