Kapahayagan 9:7 - Marahay na Bareta Biblia

⁷ Kun paghilingon, an mga doron garong mga kabayo na andam sa pakilaban; an saindang mga payo igwa nin garo koronang bulawan; an lalawogon ninda garo sa tawo.

Kapahayagan 9:7 ပူးပေါင်းရင်းမြစ်များ

Daniel 7:4

An enot nakakaagid sa sarong leon alagad igwa ini nin mga pakpak nin agila. Mantang naghihiling ako, natangkas an mga pakpak kan hayop. Dangan initaas an hayop asin pinatindog arog sa sarong tawo. Pakatapos, tinawan ini nin isip nin tawo.

Daniel 7:8

Mantang minamaanan ko an mga sungay, nahiling kong nagtunga an sarong sadit na sungay sa kaibahan kan sampolo. Binulnot kan sadit na sungay an tolo sa sampolo. An sungay na ini igwa nin mga matang arog kan sa tawo, asin sarong ngoso na nagtataram nin kapalangkawan.

Nahum 3:17

An saimong mga opisyal nakakaagid sa sarong ariponpon nin mga doron na nagtutugdon sa mga kudal sa aldaw nin tig-lipot. Alagad pagtunga kan aldaw, minaralayog sinda, asin mayong nakakaaram kun saen sinda nagduman!

Kapahayagan 6:2

Nahiling ko an sarong kabayong puti. An nangangabayo may kapot na pana, asin tinawan siya nin korona. Dangan nagluwas siya bilang sarong mapanggana tanganing padagos pang manggana.

Kapahayagan 9:3

Hale sa asong iyan, nagluwas an mga doron pasiring sa daga; tinawan sinda nin kapangyarihan na arog sa mga uyang.