Kapahayagan 9:6 - Marahay na Bareta Biblia

⁶ Sa laog kan limang bulan na iyan, an mga tawo magmamawot na magadan, alagad dai iyan mangyayari; maski boot nanggad nindang magadan, dai sinda magagadan.

Kapahayagan 9:6 ပူးပေါင်းရင်းမြစ်များ

2 Samuel 1:9

Dangan nagsabi siya, ‘Madya asin gadana ako! Nalugadan ako, asin madali nang magadan.’

Isaias 2:19

An mga tawo matarago sa mga lungib sa kagapoan asin sa mga kalot sa daga, sa pagdulag sa kaanggotan nin Kagurangnan, asin sa saiyang kamurawayan sa saiyang pagtindog sa pagyugyog kan kinaban.

Jeremias 8:3

Para sa matatada sa makasalan na nasyon na ini na nag-eerok sa mga lugar na winarakan sa sainda, mas marahay pa an magadan ki sa padagos na mabuhay. Ako, an Kagurangnan nin mga hukbo, an nagtaram.”

Oseas 10:8

Magkakagaraba an mga lugar na pagsasambahan sa kabubuldan nin Aven, saen nagsasamba nin mga dios-dios an banwaan nin Israel. Matalubo sa mga altar ninda an mga tonok saka doot. Maapod an mga tawo sa mga bukid, “Tagoa kami!” asin sa mga bulod, “Tahobi kami!”

Lukas 23:30

Sa panahon na iyan, an mga tawo masabi sa mga bukid, ‘Rumpagi nindo kami!’ dangan sa mga bulod, ‘Tambonan nindo kami!’

Kapahayagan 6:16

Nagkurahaw sinda sa mga bukid saka sa mga darakulang gapo, “Rumpagi kami nindo asin tagoa kami tanganing dai mi mahiling an nakatukaw sa trono asin tanganing makaligtas kami sa kaanggotan kan Kordero!