Kapahayagan 9:5 - Marahay na Bareta Biblia

⁵ Alagad dai sinda tinugotan na gadanon an mga tawong ini, kundi pasakitan sana sa laog nin limang bulan. An kulog kan pagpasakit ninda garo an kulog na tinitios nin sarong tawong kinagat nin uyang.

Kapahayagan 9:5 ပူးပေါင်းရင်းမြစ်များ

2 Mga Cronica 10:11

Binugtakan kamo kan sakong ama nin magabat na pasan; orog ko ining pagagabaton. An sakong ama naggamit saindo nin badas, alagad gagamitan ko kamo nin pamakol na may tonok!’”

2 Mga Cronica 10:14

siring kan hatol kan mga hoben na lalaki. Nagsabi siya, “Binugtakan kamo kan sakuyang ama nin magabat na pasan; orog ko ining pagagabaton. Naggamit siya saindo nin badas; gagamitan ko kamo nin pamakol na may tonok!”

An Libro ni Job 2:6

Kaya sinabihan nin Kagurangnan si Satanas, “Ibinubugtak ko siya sa saimong kapangyarihan, alagad dai mo siya paggadanon.”

Ezekiel 2:6

“Alagad ika, aki nin tawo, dai ka matakot sainda ni sa saindang mga tataramon. Lalabanan ka ninda asin kaoongisan; an pakiiba mo sainda garo pagtukaw sa tahaw nin mga uyang. Alagad dai ka matakot sa saindang tataramon o sa saindang mga hilingon, huli ta mga rebelde sinda.

Daniel 7:6

Mantang naghihiling ako, saro pang hayop an nagtunga. Nakakaagid ini sa sarong leopardo, alagad igwa ini nin apat na pakpak sa likod, na siring kan sa gamgam; igwa pa ini nin apat na payo. An lalawogon kaini naglaladawan nin awtoridad.

Juan 19:11

Nagsimbag si Jesus, “Mayo ka kutana nin kapangyarihan sako kun dai iyan itinao saimo nin Dios. Kaya mas dakula an kasalan kan nagdara sako saimo.”

Kapahayagan 11:7

Asin kun tapos na an saindang pagsaksi, lalabanan sinda kan hayop na maluwas hale sa dai matugkad na kairaroman. Dadaogon sinda kan hayop dangan gagadanon,

Kapahayagan 13:5

Tinugotan an hayop na mag-orgulyo saka maglanghad sa Dios, asin magkaigwa nin awtoridad sa laog nin kwarenta y dos na bulan.

Kapahayagan 13:7

Tinugotan man siyang makilaban sa mga banal sagkod na madaog niya sinda; tinawan siya nin awtoridad sa gabos na tribu, nasyon, lengwahe saka rasa.

Kapahayagan 9:10

Igwa sinda nin ikog na may kamandag arog sa uyang. Nasa ikog an kapangyarihan nindang magkulog sa tawo sa laog nin limang bulan.

Kapahayagan 9:3

Hale sa asong iyan, nagluwas an mga doron pasiring sa daga; tinawan sinda nin kapangyarihan na arog sa mga uyang.