Kapahayagan 8:8 - Marahay na Bareta Biblia

⁸ Dangan pinatanog kan ikaduwang anghel an saiyang trompeta. May itinapok sa dagat na garo dakulang bukid na nagkakalayo.

Kapahayagan 8:8 ပူးပေါင်းရင်းမြစ်များ

Jeremias 51:25

Babilonia, arog ka sa sarong bukid na nagraraot kan bilog na kinaban, alagad ako, an Kagurangnan, iyo an saimong kalaban. Tutupagon taka, papatagon, asin babayaan na abo na sana.

Ezekiel 14:9

“Kun an sarong propeta nadagkang magtao nin salang kasimbagan, nangyari iyan huli ta ako, an Kagurangnan, an nagdagka saiya. Hahaleon ko siya sa sakuyang banwaan nin Israel.

Amos 7:4

Nagkaigwa pa ako nin sarong bisyon hale sa Kagurangnan Dios. Sa bisyon na iyan nahiling kong nag-aandam siya sa pagpadusa kan saiyang banwaan sa paagi nin kalayo. An dakulang dagat sa irarom kan daga nagmara huli sa init kan kalayo asin nasulo na an daga.

Zacarias 13:8

asin duwa sa tolong kabtang kan mga tawo an magagadan sa bilog na daga.

Zacarias 13:9

Babaloon ko an ikatolong kabtang na matatada dangan lilinigan ko sinda arog kan paglinig kan plata sa paagi nin kalayo. Babaloon ko sinda siring sa pagbalo sa bulawan. Mamimibi sinda sa sako, asin sisimbagon ko sinda. Sasabihan ko sinda na sinda an sakong banwaan, asin ipapahayag ninda na ako an saindang Dios.”

Markos 11:23

Sa katotoohan sinasabihan ko kamo, na an siisay man na magsabi sa bulod na ini, ‘Humale ka diyan asin lumampaw ka sa dagat.’ Kun dai siya magduwa-duwa sa saiyang puso, kundi magtubod na an saiyang sinasabi mangyayari, mahihimo iyan para saiya.

Kapahayagan 11:6

An duwang saksing ini igwa nin kapangyarihan sa pagsera kan langit nganing dai mag-uran sa panahon kan saindang pagpropesiya. May kapangyarihan man sinda na gibohon dugo an tubig, saka pasakitan an kinaban nin gabos na klaseng peste anoman na oras na booton ninda.

Kapahayagan 12:4

Ginuyod niya kan saiyang ikog an ikatolong kabtang kan mga bitoon saka itinapok sa daga. Nagtindog siya sa atubangan kan babaeng madali nang mangaki, tanganing halonon an omboy pagkamundag kaiyan.

Kapahayagan 8:7

Pinatanog kan enot na anghel an saiyang trompeta. Nag-uran sa daga nin yelo saka kalayong may kasalak na dugo. Nasulo an ikatolong kabtang kan daga, an ikatolong kabtang kan mga kahoy saka an gabos na berdeng doot.

Kapahayagan 9:15

Dangan binutasan an apat na anghel sa paggadan kan ikatolong kabtang kan gabos na tawo, huli ta inandam mananggad sinda para sa gibong ini sa talaan na oras, aldaw, bulan saka taon.

Kapahayagan 9:18

An ikatolong kabtang kan mga tawo nagkagaradan huli sa tolong pesteng ini na nagluluwas sa ngoso kan mga kabayo: kalayo, aso saka asupre.