Kapahayagan 8:11 - Marahay na Bareta Biblia

¹¹ Kapaitan an ngaran kan bitoon.) An ikatolong kabtang kan tubig nagin mapait, kaya dakul na tawo an nagkagaradan sa pag-inom kaiyan.

Kapahayagan 8:11 ပူးပေါင်းရင်းမြစ်များ

Exodo 15:23

Dangan nakaabot sinda sa Mara, alagad dai ninda nainom an tubig duman huli ta mapait, kaya Mara an ngaran kan lugar.

Mga Talinhaga 5:4

alagad sa kataposan, mapait siya arog sa apdo, matarom arog sa espadang duwa an tarom.

Jeremias 23:15

“Kaya iyo ini an sinasabi ko, an Kagurangnan nin mga hukbo, manongod sa mga propeta nin Jerusalem: Pakakakanon ko sinda nin mapait na mga tinanom asin paiinomon ko sinda nin hudong, huli ta iwinarak ninda an bakong diosnon na pamumuhay sa bilog na daga.”

Jeremias 9:15

Kaya hinanyoga an gigibohon ko, ako an Kagurangnan nin mga hukbo, an Dios nin Israel: Papakakanon ko nin mapait na tinanom an sakong banwaan asin papainomon ko sinda nin tubig na may hudong.

Mga Panambitan 3:19

An giromdom kan sakong kulog, sakong paglalagalag, sarong mapait na hudong.

Mga Panambitan 3:5

Sinalakay niya ako asin ibinilanggo sa kapaitan asin sa kasakitan.

Amos 5:7

Herak man saindo, kamo na nagbibiko kan hustisya asin nagdadaya kan deretso nin mga tawo!

Amos 6:12

Pinapadalagan daw sa kagapoan an kabayo? Ipinag-aarado daw an baka sa dagat? Alagad an hustisya ginibo nindong hudong asin an tama ginibo nindong sala.

Zacarias 13:8

asin duwa sa tolong kabtang kan mga tawo an magagadan sa bilog na daga.

Zacarias 13:9

Babaloon ko an ikatolong kabtang na matatada dangan lilinigan ko sinda arog kan paglinig kan plata sa paagi nin kalayo. Babaloon ko sinda siring sa pagbalo sa bulawan. Mamimibi sinda sa sako, asin sisimbagon ko sinda. Sasabihan ko sinda na sinda an sakong banwaan, asin ipapahayag ninda na ako an saindang Dios.”

Deuteronomio 29:18

Maglikay kamo ta tibaad igwa saindo digdi ngunyan nin lalaki o babae, pamilya o tribu na matalikod sa Kagurangnan na satong Dios, tanganing maglingkod sa mga dios-dios kan ibang nasyon. Nakakaagid ini sa sarong kahoy na nagin mapait asin nakakahudong an bunga.

Hebreyo 12:15

Hingowahon nindo na mayo nin siisay man na magtalikod sa biyaya nin Dios; mayo nin siisay man saindo na magin siring sa sarong mapait na tanom na minatalubo saka ginigikanan nin karibokan asin nakakadigta sa dakul.

Kapahayagan 12:4

Ginuyod niya kan saiyang ikog an ikatolong kabtang kan mga bitoon saka itinapok sa daga. Nagtindog siya sa atubangan kan babaeng madali nang mangaki, tanganing halonon an omboy pagkamundag kaiyan.

Kapahayagan 8:7

Pinatanog kan enot na anghel an saiyang trompeta. Nag-uran sa daga nin yelo saka kalayong may kasalak na dugo. Nasulo an ikatolong kabtang kan daga, an ikatolong kabtang kan mga kahoy saka an gabos na berdeng doot.

Kapahayagan 9:15

Dangan binutasan an apat na anghel sa paggadan kan ikatolong kabtang kan gabos na tawo, huli ta inandam mananggad sinda para sa gibong ini sa talaan na oras, aldaw, bulan saka taon.

Kapahayagan 9:18

An ikatolong kabtang kan mga tawo nagkagaradan huli sa tolong pesteng ini na nagluluwas sa ngoso kan mga kabayo: kalayo, aso saka asupre.

Ruth 1:20

“Dai nindo ako pag-apodon Naomi,” an simbag niya. “Apodon nindo akong Mara huli ta an sakong buhay ginibong mapait kan Makakamhan na Dios.