Kapahayagan 6:4 - Marahay na Bareta Biblia

⁴ Nagluwas naman an sarong kabayong pula. An nangangabayo tinawan nin kapangyarihan na magdara nin gera sa kinaban tanganing an mga tawo maggaradanan. Tinawan siya nin sarong dakulang espada.

Kapahayagan 6:4 ပူးပေါင်းရင်းမြစ်များ

Salmo 17:13

Madya, Kagurangnan, atubanga asin daoga sinda! Sa mga maraot ligtasan ako kan saimong espada;

Daniel 5:19

Huli kan kadakulaan na itinao nin Dios saiya, an gabos na banwaan, nasyon, rasa saka lengwahe natatakot saiya asin tinatakigan. Kun boot niyang gadanon an siisay man, ginagadan niya; kun boot niyang buhayon an siisay man, binubuhay niya. Ilinalangkaw niya o ibinababa an siisay man na booton niya.

Zacarias 1:8

Nahiling ko an sarong anghel nin Kagurangnan na naglulunad sa sarong pulang kabayo. Nag-ontok siya sa tahaw kan mga kahoy na mirto sa sarong kapantayan. Sa likodan niya igwa nin mga kabayong pula, kabang, saka puti.

Zacarias 6:2

An enot na karwahe guyod nin pulang mga kabayo, an ikaduwa nin itom na mga kabayo,

Mateo 10:34

“Dai kamo maghona na nagdigdi ako sa pagdara nin katoninongan sa kinaban; dai ako nagdigdi sa pagdara nin katoninongan, kundi espada.

Mateo 24:6

Makakadangog kamo nin ralaban saka mga huringhuding dapit sa gera. Alagad dai kamo mahandal, huli ta kaipuhan mangyari an mga bagay na ini, alagad bako pa iyan an kataposan.

Juan 19:11

Nagsimbag si Jesus, “Mayo ka kutana nin kapangyarihan sako kun dai iyan itinao saimo nin Dios. Kaya mas dakula an kasalan kan nagdara sako saimo.”

Kapahayagan 12:3

Saro pang tanda an nagtunga sa langit; igwa nin sarong dakulang dragon na kolor pula, may pitong payo saka sampolong sungay, asin may korona an lambang payo kaiyan.

Kapahayagan 13:10

An para sa pagkabihag, mabibihag mananggad; an para sa espada, magagadan sa espada. Kaya an mga banal dapat na magkaigwa nin pakatagal saka pagtubod.”

Kapahayagan 17:3

Sinangkoban ako kan Espiritu, dangan dinara ako kan anghel duman sa sarong kalangtadan. Nahiling ko duman an sarong babaeng nakatukaw sa sarong hayop na pula an kolor, na igwang nakasurat na mga mararaot na ngaran sa bilog na hawak kaiyan tumang sa Dios. An hayop may pitong payo saka sampolong sungay.

Kapahayagan 17:6

Nahiling ko na an babae naburat kan dugo kan mga banal asin kan dugo kan mga ginadan huli ta nagdanay sindang maimbod ki Jesus. Kan mahiling ko siya, napangalas ako nin marahay.