Kapahayagan 6:14 - Marahay na Bareta Biblia

¹⁴ Napara an langit arog sa nalukot na banig asin an gabos na bukid saka isla nahale sa saindang mga namumugtakan.

Kapahayagan 6:14 ပူးပေါင်းရင်းမြစ်များ

Salmo 102:26

Matutunaw ini gabos, alagad ika magdadanay; magigin daan sinda siring sa gubing. Riribayan mo sinda arog kan pagsangle mo nin gubing, asin sinda mapapara.

Isaias 34:4

An aldaw, bulan, saka bitoon maroronot siring sa alpog. Mawawara an langit siring sa sarong banig na linukot, asin mahuhulog an mga bitoon siring sa mga dahon na natatakdag hale sa balagon o sa kahoy nin higera.

Isaias 54:10

Pwedeng magkaroronot an kabukidan saka kabubuldan, alagad an sakong pagkamoot saimo dai magkakaigwa nin kataposan; an sakong panuga na katoninongan ootobon ko sagkod lamang.” Iyan an sinasabi nin Kagurangnan na namomoot saimo.

Jeremias 3:23

Mayo nin ikinataong tabang samo an pagsamba sa mga dios-dios sa ibabaw kan kabubuldan. An tabang para sa Israel minahale nanggad sa Kagurangnan na samong Dios.

Jeremias 51:25

Babilonia, arog ka sa sarong bukid na nagraraot kan bilog na kinaban, alagad ako, an Kagurangnan, iyo an saimong kalaban. Tutupagon taka, papatagon, asin babayaan na abo na sana.

Ezekiel 38:20

An lambang sira, an lambang gamgam, asin an lambang hayop, dakula man o sadit, patin an gabos na tawo sa ibabaw nin daga magtatarakig huli sa takot sako. Marurumpag an kabukidan, mabagsak an mga ampas asin maroronot an lambang kudal.

Nahum 1:5

Minalinog an kabukidan sa atubangan nin Kagurangnan; natutunaw an kabubuldan. Kun minatunga an Kagurangnan tinatakigan an kinaban; minakubogkubog an daga asin an mga tawong nag-eerok diyan.

Habakkuk 3:10

Kan mahiling ka kan kabukidan, tinakigan sinda; nagbulos an tubig hale sa kalangitan. Naghagubohob an katubigan sa irarom kan daga, asin nag-orolanto an saindang mga alon.

Habakkuk 3:6

Kun siya minaontok, an daga minakunogkunog; sa saiyang paghiling an mga nasyon minakubogkubog. Nagkawarasak an mayong kataposan na kabukidan; nag-urulnod an mayong kataposan na kabubuldan, an kabubuldan na saiyang linakawan kan suanoy na panahon.

2 Pedro 3:10

Alagad an Aldaw nin Kagurangnan maabot siring sa pag-abot nin sarong parahabon. Sa Aldaw na iyan mapapara an kalangitan kasabay an makosog na ribok. Dangan an aldaw, an bulan saka an mga bitoon sa kalangitan matutunaw sa kalayo, siring man an daga saka an gabos na yaon diyan.

Kapahayagan 16:20

Nawara an gabos na isla saka napara an gabos na bukid.

Kapahayagan 20:11

Dangan nahiling ko an sarong dakula asin puting trono saka an nakatukaw duman. Napara sa atubang niya an daga saka an langit asin dai na nanggad nahiling an mga ini.

Kapahayagan 21:1

Dangan nahiling ko an sarong bagong langit asin an sarong bagong daga. An enot na langit saka an enot na daga napara, siring man an dagat.