Kapahayagan 6:13 - Marahay na Bareta Biblia

¹³ an mga bitoon sa kalangitan nahulog sa daga na garo mga hilaw pang bunga kan higera na nararakdag kun yinuyugyog nin makosog na doros.

Kapahayagan 6:13 ပူးပေါင်းရင်းမြစ်များ

An Libro ni Job 15:33

Makakaagid siya sa balagon nin ubas na nagkararakdag an mga bunga; siring sa kahoy na oliba na nawaran nin burak.

Isaias 13:10

An gabos na bitoon saka planeta mawawaraan nin liwanag, an aldaw magigin madiklom sa saiyang pagsirang, asin dai matao nin liwanag an bulan.

Isaias 33:9

Mayo na nin tinanom an daga asin mayo na nin nag-eerok diyan. Naalang na an kadlagan nin Lebanon, asin nagin siring sa sarong desyerto an matubang na Kapantayan nin Sharon; nagtatakig an mga dahon kan mga kahoy sa Basan asin sa Bukid nin Carmelo.

Isaias 34:4

An aldaw, bulan, saka bitoon maroronot siring sa alpog. Mawawara an langit siring sa sarong banig na linukot, asin mahuhulog an mga bitoon siring sa mga dahon na natatakdag hale sa balagon o sa kahoy nin higera.

Isaias 7:2

Kan maaraman kan hade nin Juda na nasa teritoryo na nin Israel an hukbo nin Siria, natakot siya nin makuri, siring man an saiyang mga nasasakopan. Nagtarakig sinda siring sa mga kahoy na hinuhuyop nin doros.

Ezekiel 32:7

Sa panahon na gadanon taka, tatahoban ko an kalangitan asin papadiklomon ko an mga bitoon. An aldaw matago sa mga panganoron asin an bulan dai matao nin liwanag.

Daniel 4:14

Nagpahayag siya sa makosog na tingog, ‘Paloda an kahoy asin purutola an mga sanga kaiyan; rapgosa nindo an mga dahon dangan warakan an mga bunga kaiyan. Pahalea nindo an mga hayop sa irarom kaiyan asin an mga gamgam sa mga sanga.

Daniel 8:10

Orog na nagkosog an sadit na sungay sagkod na sinalakay kaini an hukbo nin langit, an mismong mga bitoon asin itinapok kaini an nagkapira sainda sa daga dangan tinimaktimakan.

Joel 2:31

An aldaw magdiklom an bulan mapula na garo dugo bago umabot an dakula saka mangirhat na aldaw nin Kagurangnan.

Nahum 3:12

An saimong mga bantayan makakaagid sa mga poon nin higera na hinog na an bunga: yugyoga an poon, asin mahuhulog an bunga sa ngoso kan makakan!

Mateo 24:29

“Pakatapos tolos kan kasakitan sa panahon na iyan, madiklom an aldaw, dai na maliwanag an bulan, mahuhulog an mga bitoon, asin magkakayorogyog an mga planeta sa kaawagan nin langit.

Markos 13:25

mahuhulog an mga bitoon hale sa langit asin magkakayorogyog an mga kapangyarihan sa kalangitan.

Lukas 21:25

“Magkakaigwa nin mga tanda sa aldaw, sa bulan, asin sa mga bitoon. Sa daga, mawawaran nin paglaom an mga nasyon dahel sa kosog kan hagubohob kan dagat saka darakulang alon.

Kapahayagan 9:1

Pinatanog kan ikalimang anghel an saiyang trompeta. Nahiling ko an sarong bitoon na nahulog sa daga; itinao sa bitoon na ini an lyabe kan dai matugkad na kairaroman.