Kapahayagan 6:12 - Marahay na Bareta Biblia

¹² Nahiling ko na tinangkas kan Kordero an ikaanom na selyo. Naglinog nin makosog, nagdiklom an aldaw arog kan itom na tela, saka an bulan nagpula na garo dugo;

Kapahayagan 6:12 ပူးပေါင်းရင်းမြစ်များ

Isaias 24:23

Magdidiklom an bulan, asin dai na maliwanag an aldaw, huli ta an Kagurangnan nin mga hukbo an maghahade sa Jerusalem, sa Bukid nin Sion, asin mahihiling kan mga kamagurangan kan banwaan an saiyang kamurawayan.

Isaias 29:6

ililigtas ka kan Kagurangnan nin mga hukbo sa paagi nin daguldol, bagyo, asin linog. Mapadara siya nin mga aripuros, bagyo, asin nanghahalon na kalayo.

Isaias 34:4

An aldaw, bulan, saka bitoon maroronot siring sa alpog. Mawawara an langit siring sa sarong banig na linukot, asin mahuhulog an mga bitoon siring sa mga dahon na natatakdag hale sa balagon o sa kahoy nin higera.

Isaias 50:3

Mapapadiklom ko an kalangitan, na garong nagmomondo iyan para sa gadan.”

Joel 2:10

Tinatakigan an daga mantang nagdadangadang sinda; minakobog-kobog an kalangitan. Minadiklom an aldaw saka an bulan, asin dai minaliwanag an mga bitoon.

Joel 3:15

An aldaw saka an bulan nagdidiklom, asin dai na nagliliwanag an mga bitoon.

Amos 1:1

Iyo ini an mga tataramon ni Amos, an pastor hale sa banwa nin Tekoa. Duwang taon bago an paglinog, kan si Uzzias iyo pa an hade nin Juda asin si Jeroboam na aking lalaki ni Jehoas iyo man an hade nin Israel, ipinahayag nin Dios ki Amos an mga bagay na ini manongod sa Israel.

Amos 8:9

Maabot an panahon na pasusulnopon ko an aldaw sa kaodtohan asin papadiklomon ko an kinaban maski aldaw. Ako, an Kagurangnan Dios, an nagtaram.

Zacarias 14:5

An kapantayan na ini na minabanga kan bukid iyo an saindong aagihan sa pagdulag. Madulag kamo arog kan mga ginikanan nindo kan maglinog sa panahon ni Hadeng Uzzias nin Juda. Dangan madatong an Kagurangnan na sakong Dios, kaiba an gabos niyang mga anghel.

Mateo 11:21

Nagsabi siya, “Herak man saimo, Corazin! Herak man saimo, Betsaida! Huli ta kun an mga milagrong ginibo diyan saindo ginibo sa Tiro saka sa Sidon, haloy na kutanang nagsulot nin sako asin nagtukaw sa abo an mga tawo duman sa pagpahiling na sinda nagbakle.

Mateo 24:29

“Pakatapos tolos kan kasakitan sa panahon na iyan, madiklom an aldaw, dai na maliwanag an bulan, mahuhulog an mga bitoon, asin magkakayorogyog an mga planeta sa kaawagan nin langit.

Mateo 24:7

Huli ta an sarong nasyon malaban sa kapwa nasyon; an sarong kahadean malaban sa kapwa kahadean. Magkakaigwa nin gutom asin paglinog saen man na lugar.

Mateo 27:45

Pagkaodto, nagdiklom sa bilog na daga sagkod alas tres nin hapon.

Mateo 27:54

Natakot nin makuri an kapitan asin an mga soldados na nagbabantay ki Jesus kan mamatean ninda an linog saka kan mahiling ninda an gabos na nangyari. Nagsabi sinda, “Totoo mananggad na Aki nin Dios an tawong ini!”

Mateo 28:2

Biglang naglinog nin makosog huli ta may sarong anghel nin Kagurangnan na naghilig hale sa langit, nagduman sa lulubngan, pinaligid an gapo na nakatakop dangan tuminukaw sa ibabaw kaiyan.

Markos 15:33

Pagkaodto, nagdiklom sa bilog na daga sagkod alas tres nin hapon.

Kapahayagan 11:13

Kan oras man sanang iyan naglinog nin makosog asin narumpag an ikasampolong kabtang kan syudad; pitong ribo katawo an nagadan. Sa makuring takot kan mga natadang buhay, inomaw ninda an Dios nin langit.

Kapahayagan 16:18

Nagkaigwa nin kikilat, makosog na urogudog, daguldol saka makosog na linog. Mayo pa nin siring kakosog na linog poon na lalangon an tawo; ini an pinakakosog sa gabos!

Kapahayagan 16:8

Dangan inula kan ikaapat na anghel an nasa saiyang mangko duman sa aldaw, asin tinugotan ini na suloon sa init an mga tawo.

Kapahayagan 8:12

Dangan pinatanog kan ikaapat na anghel an saiyang trompeta. Nagdiklom an ikatolong kabtang kan aldaw, an ikatolong kabtang kan bulan asin an ikatolong kabtang kan mga bitoon, kaya nawara an ikatolong kabtang kan saindang liwanag. Nainaan nin ikatolong kabtang an liwanag kan aldaw, saka nadagdagan nin ikatolong kabtang an kadikloman kan banggi.

Kapahayagan 8:5

Dangan kinua kan anghel an insensaryo, pinano nin nagkakalayong baga hale sa altar, saka itinapok sa daga. Nagkaigwa nin makosog na daguldol, hagubohob, kikilat asin linog.