Kapahayagan 6:10 - Marahay na Bareta Biblia

¹⁰ Nagkurahaw sinda, “Mapangyaring Kagurangnan, banal asin totoo! Nuarin mo huhukoman asin papadusahan an mga tawong guminadan samo?”

Kapahayagan 6:10 ပူးပေါင်းရင်းမြစ်များ

Genesis 4:10

Dangan nagtaram an Kagurangnan, “Tano ta ginibo mo an makangirhat na bagay na ini? An tingog kan dugo kan tugang mo nag-aagrangay sako hale sa irarom kan daga, naghahagad nin pagbalos.

Salmo 119:84

Sagkod nuarin ako maghahalat? Nuarin mo papadusahan an mga nagpapasakit sako?

Salmo 13:1

Sagkod nuarin mo ako lilingawan, Kagurangnan? Sagkod nuarin mo tatagoon sako an saimong lalawogon?

Salmo 35:17

Sagkod nuarin ka magmamasid sana, Kagurangnan? Ligtasan ako sa saindang mga pagsalakay; sa mga leon na ini, ligtasan an sakong buhay!

Salmo 79:10

Tano ta maghapot an mga nasyon, “Haen an saindang Dios?” Mahiling mi logod an pagsingil asin pagpadusa mo sa mga nasyon, huli ta pinabulos ninda an dugo kan saimong mga sorogoon.

Salmo 9:12

Ginigiromdom nin Dios an mga nagtitios; dai niya nalilingawan an saindang inagrangay, asin an naggigibo sainda nin maraot saiyang pinapadusahan.

Isaias 61:2

Sinugo niya ako tanganing ipagrukyaw na duminatong na an panahon kan pagligtas nin Kagurangnan sa saiyang banwaan, asin kan pagkadaog kan saindang mga kaiwal. Sinugo niya ako tanganing rangahon an mga nagmomondo,

Mga Panambitan 3:64

“Padusahan mo sinda, Kagurangnan, sosog sa saindang mga gibo.

Daniel 12:6

Hinapot kan saro an anghel na nagtitindog sa may parteng itaas, “Sagkod nuarin matatapos an makangangalas na mga bagay na ini?”

Daniel 8:13

Dangan nadangog kong hinapot kan sarong anghel an saro pang anghel, “Sagkod nuarin magpapadagos an mga bagay na ini na nahiling sa bisyon? Sagkod nuarin riribayan nin makangirhat na kasalan an aroaldaw na atang? Sagkod nuarin titimaktimakan an langitnon na hukbo saka an Templo?”

Zacarias 1:12

Dangan nagtaram an anghel, “O Kagurangnan nin mga hukbo, setentang taon na ngunyan na naaanggot ka sa Jerusalem saka sa mga syudad nin Juda. Sagkod nuarin pa kaya bago mo ipahiling sainda an pagkaherak?”

Lukas 2:29

“Kagurangnan, tugote nang magadan sa katoninongan an saimong sorogoon sosog sa saimong panuga,

Lukas 21:22

Huli ta iyo iyan an ‘Mga Aldaw nin Padusa,’ tanganing maotob an gabos na nasusurat.

Roma 12:19

Namomotan kong mga tugang, dai nanggad kamo magbalos; pabayaan nindong an kaanggotan nin Dios an magbalos, huli ta nasusurat, “Sako an pagbalos, ako an mabayad, an sabi nin Kagurangnan.”

Hebreyo 12:24

Nagdolok kamo ki Jesus na iyo an tagapagultanan kan bagong tipan, asin sa iwinirik na dugo na igwang mas marahay na mga panuga ki sa panuga kan dugo ni Abel.

2 Pedro 2:1

Kun kaidtong panahon may nagluwas na mga bakong tunay na propeta sa mga tawo, siring man may maluwas na mga bakong tunay na paratukdo diyan saindo. Hilom na itutukdo ninda an mga nakakaraot saka salang doktrina; nenegaran ninda an Kagurangnan na nagtubos sainda. Dahel kaiyan, biglang maabot sainda an kapahamakan.

Kapahayagan 11:18

Nagkaaranggot an mga nasyon, alagad an panahon kan saimong kaanggotan nagdatong, asin an panahon sa paghukom sa mga gadan, sa pagtao nin balos sa saimong mga sorogoon, an mga propeta saka an mga banal, asin an mga may pagkatakot sa saimong ngaran, sadit man o dakula. Nag-abot na an panahon sa paglaglag kan mga naglalaglag kan kinaban!”

Kapahayagan 18:20

Mag-ogma ka, O kalangitan, huli kan saiyang pagkarumpag! Mag-ogma kamo, mga banal, mga apostol asin mga propeta, huli ta hinukoman na siya nin Dios dahel kan ginibo niya saindo!

Kapahayagan 18:24

Pinadusahan an Babilonia huli ta sa saiya pinabulos an dugo kan mga propeta asin kan mga banal patin kan gabos na ginadan sa ibabaw kan daga.

Kapahayagan 19:2

Tama asin matanos an saiyang mga paghukom! Pinadusahan niya an pinakamaraot na babae na iyo an nagparaot kan kinaban huli kan saiyang karigsokan. Pinadusahan siya nin Dios dahel ta ginadan niya an mga sorogoon nin Dios.”

Kapahayagan 3:10

Huli ta sinunod mo an pagboot ko na magin matinios ka, ililikay taka sa kasakitan na maabot sa bilog na kinaban, sa pagbalo kan gabos na tawo diyan.

Kapahayagan 3:7

“Suratan mo an anghel kan simbahan sa Filadelfia: “Iyo ini an mensahe kan Banal asin Totoo, na nagkakapot kan lyabe ni David; an pintoan na binubuksan niya mayo nin nakakasera; an sineserahan niya mayo nin nakakabukas.

Hukom 16:28

Dangan namibi si Samson, “O Kagurangnan Dios, giromdoma ako; maherak ka man sako, O Dios, asin pakosoga giraray ako, maski ngunyan na sana, tanganing makabalos ako sa mga Filisteo na nagbuta sako.”

1 Samuel 24:12

Hukoman logod kita nin Kagurangnan kun siisay sato an may sala! Padusahan ka logod nin Kagurangnan huli kan ginibo mo sako; alagad dai ako matumang saimo.