Kapahayagan 4:7 - Marahay na Bareta Biblia

⁷ An enot na linalang nakakaagid sa leon; an ikaduwa nakakaagid sa baka; an ikatolo may lalawogon na garo sa tawo; an ikaapat nakakaagid sa agilang naglalayog.

Kapahayagan 4:7 ပူးပေါင်းရင်းမြစ်များ

Genesis 49:9

Si Juda arog sa sarong leon, Ginagadan niya an saiyang biktima dangan minapuli sa saiyang lungib, Minaunat kan saiyang lawas asin minahigda. Mayong nangangahas na magpukaw saiya.

2 Samuel 1:23

“Saul asin Jonatan, namomotan asin magayon! Sa buhay saka sa kagadanan, sinda magkaibahan; mas maliksi ki sa mga agila, mas makosog ki sa mga leon.

Mga Talinhaga 28:2

Kun nagkakasala an sarong nasyon, nagkakaigwa ini nin dakul na kagsakop. Alagad magdadanay na pusog an sarong nasyon kun igwa iyan nin mga madonong asin may pakasabot na mga lider.

Isaias 40:31

Alagad an mga nagsasarig sa tabang nin Kagurangnan makakakua nin bagong kosog. An kosog ninda makakaarog sa mayong kapagalan na mga pakpak nin agila; madalagan sinda alagad dai mapapagal; malakaw sinda alagad dai manluluya.

Ezekiel 1:10

An lambang linalang igwa nin apat na manlaen-laen na lalawogon: lalawogon nin tawo sa atubangan, lalawogon nin leon sa too, lalawogon nin torong baka sa wala, asin lalawogon nin agila sa likod.

Ezekiel 1:8

Laen pa kan apat nindang lalawogon saka apat nindang mga pakpak, igwa pa sinda nin apat na kamot nin tawo, saro sa irarom kan lambang pakpak.

Ezekiel 10:14

An lambang kerubin igwa nin apat na lalawogon: an enot lalawogon nin torong baka, an ikaduwa lalawogon nin tawo, an ikatolo lalawogon nin leon, asin an ikaapat lalawogon nin agila.

Ezekiel 10:21

An lambang kerubin igwa nin apat na lalawogon, apat na pakpak asin mga kamot na garo sa tawo sa irarom kan lambang pakpak.

Daniel 7:4

An enot nakakaagid sa sarong leon alagad igwa ini nin mga pakpak nin agila. Mantang naghihiling ako, natangkas an mga pakpak kan hayop. Dangan initaas an hayop asin pinatindog arog sa sarong tawo. Pakatapos, tinawan ini nin isip nin tawo.

Obadias 1:4

Maski siring kahalangkaw kan salagan nin agila an saimong harong; maski pa iyan kapantay kan mga bitoon, alagad guguyodon taka paibaba.

Mga Bilang 23:24

Siring sa makosog na leon an nasyon nin Israel; Dai nag-oontok sagkod na makakan an biktima, Asin mainom an dugo kan saiyang ginadan.

Mga Bilang 24:9

An nasyon nin Israel arog sa makosog na leon; Mayo nin mangangahas na magpukaw kun natotorog siya. Bebendisyonan an magbebendisyon saimo, Asin mamaldisyonon an magmamaldisyon saimo.”

1 Corinto 14:20

Mga tugang, dai kamo mag-isip na garo aki. Kun manongod sa karatan, magin kamong siring sa aki, alagad mag-isip kamo siring sa gurang.

Deuteronomio 28:49

Hale sa poro kan kinaban, ipapadara nin Kagurangnan laban saindo an sarong nasyon, na an lengwahe dai nindo masasabotan. Siring sa sarong agila, sasakloton kamo kan saindong mga kaiwal.

Kapahayagan 4:6

Igwa man nin garo dagat na salming, malinaw arog sa kristal. Sa palibot kan trono, sa lambang gilid kaiyan, igwa nin apat na buhay na linalang na pano nin mga mata sa atubangan saka sa likod.

Kapahayagan 6:3

Tinangkas kan Kordero an ikaduwang selyo. Nadangog ko an ikaduwang buhay na linalang na nagsabi, “Madya!”

Kapahayagan 6:5

Tinangkas kan Kordero an ikatolong selyo. Nadangog ko an ikatolong buhay na linalang na nagsabi, “Madya!” Nahiling ko an sarong kabayong itom. An nangangabayo may kapot na sarong timbangan.

Kapahayagan 6:7

Tinangkas kan Kordero an ikaapat na selyo. Nadangog ko an ikaapat na buhay na linalang na nagsabi, “Madya!”