Kapahayagan 4:5 - Marahay na Bareta Biblia

⁵ May mga kikilat, hagubohob saka daguldol na naghahale sa trono. Sa atubangan kan trono may naglalaad na pitong karaba na iyo an pitong Espiritu nin Dios.

Kapahayagan 4:5 ပူးပေါင်းရင်းမြစ်များ

Genesis 15:7

Dangan tinaraman nin Kagurangnan si Abram, “Ako an Kagurangnan na nagkua saimo sa Ur kan Babilonia tanganing itao saimo ining daga bilang sadiri.”

2 Mga Cronica 4:20

an mga kandelero asin an mga ilawan na gibo sa purong bulawan na maglalaad sa atubangan kan Kabanal-banaleng Lugar, sosog sa plano;

Salmo 68:35

Kinatatakotan an Dios sa saiyang santwaryo, an Dios nin Israel; siya minatao nin kapangyarihan asin kosog sa saiyang banwaan. Pag-omawon an Dios!

Exodo 19:16

Pagkaaga kan ikatolong aldaw, nagkaigwa nin daguldol saka kikilat, nagtunga sa bukid an sarong mahibog na panganoron asin nadangog an makosog na tanog kan trompeta. An gabos na tawo sa kampo nagtarakig sa takot.

Exodo 20:18

Kan madangog kan mga tawo an daguldol saka an tanog kan trompeta asin kan mahiling ninda an kikilat sagkod an nag-aasong bukid, nagtarakig sinda sa takot; kaya nagtirindog sinda sa harayo.

Exodo 25:37

Gumibo man kamo nin pitong ilawan para sa kandelero dangan ibugtak nindo sa ibabaw tanganing magliwanag iyan pasiring sa atubangan.

Exodo 37:23

Ginibo niya an pitong ilawan para sa kandelero. An mga pansipit sa mitsa asin an mga bandehado ginibo niya sa purong bulawan.

Ezekiel 1:13

Sa tahaw kan mga linalang igwa nin sarong bagay na danay na naghihiro, na garo naglalaad na karaba. An kalayo kaini minapaitaas, asin minapaluwas nin mga kikilat.

Joel 3:16

Hale sa Bukid nin Sion nagdadaguldol an Kagurangnan; an saiyang tingog nagdadaguldol hale sa Jerusalem; an kinaban saka an langit tinatakigan. Alagad susurogon niya an saiyang banwaan.

Zacarias 4:2

Hinapot niya ako, “Ano an nahihiling mo?” Nagsimbag ako, “Sarong bulawan na kandelero na igwang mangko para sa lana sa parteng ibabaw. Igwa man nin pitong ilawan an kandelero, na an lambang saro igwang pitong bugtakan nin mitsa.

Mateo 25:1

“An Kahadean nin langit nakakaagid sa sampolong daraga na nagkua kan saindang mga ilawan asin nagluwas tanganing sabaton an nobyo.

Mateo 3:11

Binubunyagan ko kamo sa tubig sa pagpahiling na kamo nagbakle na, alagad an maabot sunod sako mabunyag saindo sa Espiritu Santo asin sa kalayo. Mas mapangyari siya ki sa sako; asin dai ako maninigong magbitbit kan saiyang sandalyas.

Mga Gibo 2:3

Dangan nahiling ninda an garo mga dilang kalayo na naghugpa sa lambang saro sainda.

Kapahayagan 1:4

Ako, si Juan, nagsusurat sa pitong simbahan na yaon sa Asia: Mapasaindo an biyaya asin an katoninongan hale sa Dios—Dios ngunyan, kaidto, asin sa madatong pang panahon—hale man sa pitong espiritu na nasa atubangan kan saiyang trono,

Kapahayagan 10:3

saka nagkurahaw sa makosog na tingog arog sa nag-uungal na leon. Pakakurahaw niya, may pitong daguldol na nagsimbag saiya.

Kapahayagan 11:19

Dangan nabuksan an templo nin Dios sa langit, kaya nahiling an Kaban nin Tipan nin Dios. Nagkaigwa nin mga kikilat, hagubohob, daguldol, linog saka makosog na uran nin yelo.

Kapahayagan 3:1

“Suratan mo an anghel kan simbahan sa Sardis: “Iyo ini an mensahe kan igwa kan pitong espiritu nin Dios asin pitong bitoon. Aram ko an saimong mga ginigibo; sa ngaran ka sana buhay, an totoo gadan ka na.

Kapahayagan 5:6

Dangan nahiling ko an Kordero na nakatindog sa pagultanan kan trono asin kan apat na buhay na linalang, sa tahaw kan mga kamagurangan. Nahihiling an tanda na an Kordero ginadan. An Kordero igwa nin pitong sungay saka pitong mata, na iyo an pitong Espiritu nin Dios na ipinadara sa bilog na kinaban.

Kapahayagan 8:5

Dangan kinua kan anghel an insensaryo, pinano nin nagkakalayong baga hale sa altar, saka itinapok sa daga. Nagkaigwa nin makosog na daguldol, hagubohob, kikilat asin linog.