Kapahayagan 3:8 - Marahay na Bareta Biblia

⁸ Aram ko an saimong mga ginigibo; aram kong igwa ka nin dikit na kapangyarihan. Sinunod mo an sakong katukdoan saka dai mo ako pinagnegaran. Kaya binuksan ko an sarong pintoan sa atubang mo na mayo nin siisay man na makakasera.

Kapahayagan 3:8 ပူးပေါင်းရင်းမြစ်များ

Mga Talinhaga 30:9

Kun ako magyaman tibaad makapagsabi ako na dai taka kaipuhan. Alagad kun ako magin dukha, tibaad manghabon ako asin matawan ko nin kasosopgan an sakong Dios.

Daniel 11:34

Mantang nagpapadagos an panggagadan, an banwaan nin Dios maako nin tabang maski an dakul sa mga maapil sainda magibo kaiyan huli sa makasadiring dahelan.

Lukas 12:9

alagad an magnegar sako sa atubangan nin mga tawo, nenegaran man kan Aki nin Tawo sa atubangan kan mga anghel nin Dios.

Juan 15:20

Giromdoma an itinaram ko saindo: ‘Mayong oripon na mas dakula pa ki sa saiyang kagurangnan.’ Kun pinasakitan ninda ako, papasakitan man ninda kamo; kun kinuyog ninda an sakong mga katukdoan, kukuyogon man ninda an mga katukdoan nindo.

Juan 17:6

“Ipinamidbid taka sa mga tawong itinao mo sako hale sa kinaban. Sadiri mo sinda, dangan itinao mo sinda sako. Kinuyog ninda an mga tataramon mo;

Mga Gibo 14:27

Pag-abot sa Antiokia, tiniripon ninda an mga paratubod saka inosipan kan gabos na ginibo nin Dios sainda, asin kun paanong binuksan nin Dios an dalan nin pagtubod sa mga pagano.

1 Corinto 16:9

Igwa kaya ako nin dakulang oportunidad digdi para sa marahay saka mapapakinabangan na trabaho, maski ngani dakul an minasalungat.

2 Corinto 2:12

Pag-abot ko sa Troas sa paghulit kan Marahay na Bareta dapit ki Cristo, inandam nang enot kan Kagurangnan an dalan para sa misyon duman.

Filipos 4:13

An gabos magigibo ko huli ki Cristo na nagpapakosog sako.

Colosas 4:3

Ipamibi man nindo kami tanganing itao samo nin Dios an marahay na oportunidad na ikahulit an saiyang mensahe dapit sa misteryo ni Cristo, na iyo an dahelan kan pagkabilanggo ko ngunyan.

1 Timoteo 5:8

An siisay man na dai nag-aataman sa saiyang mga kadugo, orog na sa sadiri niyang pamilya, nagtalikod na sa pagtubod asin mas maraot pa siya ki kan bakong paratubod.

2 Timoteo 4:7

Nakilaban ako nin marahay, natapos ko na an pagdalagan, asin nagdanay akong maimbod sa pagtubod.

Judas 1:4

Huli ta may nagkapirang tawo na dai nagtutubod sa Dios an hilom na nakaayon sato, mga tawo na kaidto pa nakatalaan nang hukoman, mga mayong dios na ginigibong karompotan an biyaya nin satuyang Dios, asin isinisikwal ninda si Jesu-Cristo, an iyo sanang Kagrogaring saka Kagurangnan ta.

Kapahayagan 2:13

Aram ko kun saen ka nag-eerok; yaon ka sa lugar na namumugtakan kan trono ni Satanas. Alagad nagdadanay kang maimbod sako. Dai mo binayaan an saimong pagtubod sako, maski kan si Antipas, an maimbod kong saksi, gadanon duman sa lugar na pinag-eerokan ni Satanas.

Kapahayagan 2:2

Aram ko an mga ginibo mo, an saimong kapagalan saka an saimong pagkamatinios. Aram ko na dai mo matitios an mga maraot na tawo. Binalo mo an mga nagsasabi na sinda mga apostol, na bako man totoo, asin napatunayan mo na mga putikon sinda.

Kapahayagan 22:7

“Paghinanyog kamo!” an sabi ni Jesus. “Madali na akong mag-abot! Paladan an mga nagkukuyog kan mga propesiya sa librong ini!”

Kapahayagan 3:1

“Suratan mo an anghel kan simbahan sa Sardis: “Iyo ini an mensahe kan igwa kan pitong espiritu nin Dios asin pitong bitoon. Aram ko an saimong mga ginigibo; sa ngaran ka sana buhay, an totoo gadan ka na.

Kapahayagan 3:10

Huli ta sinunod mo an pagboot ko na magin matinios ka, ililikay taka sa kasakitan na maabot sa bilog na kinaban, sa pagbalo kan gabos na tawo diyan.

Kapahayagan 3:15

Aram ko an saimong mga ginigibo; aram ko na bako kang malipot o mainit. Marahay pa logod kun malipot ka o mainit!

Kapahayagan 3:7

“Suratan mo an anghel kan simbahan sa Filadelfia: “Iyo ini an mensahe kan Banal asin Totoo, na nagkakapot kan lyabe ni David; an pintoan na binubuksan niya mayo nin nakakasera; an sineserahan niya mayo nin nakakabukas.