Kapahayagan 3:14 - Marahay na Bareta Biblia

¹⁴ “Suratan mo an anghel kan simbahan sa Laodicea: “Iyo ini an mensahe kan Amen, an maimbod saka totoong saksi, an ginikanan kan gabos na linalang nin Dios.

Kapahayagan 3:14 ပူးပေါင်းရင်းမြစ်များ

Genesis 49:3

“Ika Ruben, an sakong matua, an sakong kosog, An enot na bunga kan sakong pagkalalaki, Pinakamapaabaw-abaw asin pinakamakosog sa gabos kong aki.

Mga Talinhaga 14:5

An maimbod na saksi dai nagpuputik, alagad nagsasabi nin kaputikan an bakong totoong saksi.

Mga Talinhaga 8:22

“Ako an enot na linalang nin Kagurangnan, an enot sa mga ginibo niya kaidtong panahon.

Isaias 55:4

Ginibo ko siyang lider asin pamayo nin mga nasyon, dangan sa paagi niya ipinahiling ko sainda an sakong kapangyarihan.

Isaias 65:16

An siisay man sa daga na maghagad nin bendisyon, maghahagad kan bendisyon kan maimbod na Dios. An siisay man na magsumpa, magsusumpa huli sa ngaran kan maimbod na Dios. An kasakitan kan nakalihis na panahon mawawara asin malilingawan.”

Jeremias 42:5

Dangan nagsabi sinda sako, “Magin logod totoo saka maimbod na saksi laban samo an Kagurangnan kun dai mi sunodon an gabos na pagboot na itatao saimo nin Kagurangnan na satong Dios para samo.

Juan 1:3

Sa paagi niya ginibo nin Dios an gabos; dai nin anoman na linalang na bakong sa paagi niya.

Juan 8:14

Nagsimbag si Jesus, “Maski nagsasaksi ako para sako, totoo an sinasabi ko, huli ta aram ko kun saen ako hale o kun saen ako maduman. Alagad dai nindo aram an sakong hinalean o an sakong padudumanan.

2 Corinto 1:20

Si Cristo an “Iyo” kan gabos na panuga nin Dios. Kaya, sa paagi niya minasabi kitang “Amen” bilang pag-omaw sa Dios.

Deuteronomio 21:17

Doble an dapat na itao niyang kahirasan sa saiyang matua, minsan aki siya kan bako niyang padangat na agom. Kaipuhan midbidon niya an saiyang matua asin itao saiya an kahirasan na para saiya.

Colosas 1:15

Si Cristo an ladawan kan Dios na dai nahihiling. Siya an panganay—an pinakamapangyari sa gabos na linalang.

Colosas 1:18

Siya an payo kan saiyang hawak na iyo an simbahan; siya an kapinonan, an enot na binuhay liwat sa mga gadan tanganing siya an magin pinakadakula sa gabos na bagay.

Colosas 2:1

Boot kong maaraman nindo na kanigoan an sakit ko sa pagtrabaho para saindo, para sa mga taga Laodicea, asin para sa gabos na dai pa nakakamidbid sako nin personal.

Colosas 4:16

Pakabasa nindo kan surat na ini, ipabasa man nindo sa simbahan sa Laodicea. Basahon man nindo an surat na hale sa Laodicea.

Kapahayagan 1:11

na nagsabi sako, “Isurat mo sa sarong libro an nahihiling mo, pakatapos ipadara mo iyan sa pitong simbahan sa syudad nin Efeso, Esmirna, Pergamo, Tiatira, Sardis, Filadelfia saka Laodicea.”

Kapahayagan 1:5

asin hale ki Jesu-Cristo, an maimbod na saksi, na iyo an enot na binuhay liwat, saka iyo man an kagsakop kan mga hade sa kinaban. Namomotan kita ni Cristo. Sa paagi kan saiyang dugo, kinalda niya kita sa satong mga kasalan.

Kapahayagan 19:11

Dangan nahiling kong nagbukas an langit, asin nahiling ko duman an sarong puting kabayo. An nangangabayo kaiyan inaapod na Maimbod saka Totoo, huli ta matanos an saiyang paghukom saka pakipaglaban.

Kapahayagan 2:1

“Suratan mo an anghel kan simbahan sa Efeso: “Iyo ini an mensahe kan nagkakapot nin pitong bitoon sa too niyang kamot, kan naglalakaw sa tahaw kan pitong kandelerong bulawan.

Kapahayagan 21:6

Dangan nagsabi siya, “Natapos na! Ako an Alfa asin an Omega; ako an kapinonan asin an kataposan. An siisay man na napapaha, mayong bayad na papainomon ko hale sa burabod nin tubig na nagtatao nin buhay.

Kapahayagan 22:13

Ako an Alfa asin Omega, an enot asin an huri, an kapinonan saka an kataposan.”

Kapahayagan 22:6

Dangan nagsabi sako an anghel, “An mga tataramon na ini totoo asin masasarigan. An Kagurangnan na Dios, na iyo an nagtao kan saiyang Espiritu sa mga propeta, iyo man an nagsugo kan saiyang anghel tanganing ipahiling sa saiyang mga sorogoon an mga bagay na madali nang mangyari.”

Kapahayagan 3:7

“Suratan mo an anghel kan simbahan sa Filadelfia: “Iyo ini an mensahe kan Banal asin Totoo, na nagkakapot kan lyabe ni David; an pintoan na binubuksan niya mayo nin nakakasera; an sineserahan niya mayo nin nakakabukas.