Kapahayagan 22:20 - Marahay na Bareta Biblia

²⁰ An nagsasaksi kan gabos na ini nagsasabi, “Totoo nanggad! Madali na akong umabot!” Mangyari logod iyan. Madya na, Kagurangnan na Jesus!

Kapahayagan 22:20 ပူးပေါင်းရင်းမြစ်များ

Awit nin mga Awit 8:14

Madya, sakong namomotan, maghidali ka siring sa usa, siring sa ogbon na usa sa kabukidan, saen nagtatalubo an mga pahamot.

Isaias 25:9

Kun mangyari na ini, masabi an gabos, “Siya an samong Dios! Ibinugtak mi sa saiya an samong pagsarig, asin ilinigtas niya kami. Siya an Kagurangnan! Ibinugtak mi sa saiya an samong pagsarig, asin maogma kami saka magayagaya huli ta ilinigtas niya kami.”

Juan 21:25

Dakul pang ibang mga bagay an ginibo ni Jesus na kun isurat gabos, sa paghona ko, an mga librong susuratan dai makakaigo sa bilog na kinaban.

1 Corinto 16:22

An siisay man na dai namomoot sa Kagurangnan, maldisyonon man logod! Maranatha—madya, samong Kagurangnan!

2 Timoteo 4:8

Kaya ngunyan naghahalat na sako an korona nin katanosan na itatao sako sa Aldaw na idto nin Kagurangnan, an matanos na hukom, itatao bako sana sako, kundi sa gabos na dahel sa pagkamoot naghahalat kan saiyang pagdatong.

Hebreyo 10:37

Huli ta nasasabi sa kasuratan, “Dikit na sanang panahon, siya na madigdi maabot na; dai siya mag-aabala.

Hebreyo 9:28

Siring man si Cristo inatang saro sanang beses para sa paghale kan mga kasalan kan dakul na tawo. Maabot siya giraray, bako nang sa paghale kan kasalan, kundi sa pagligtas kan mga naghahalat saiya.

Kapahayagan 1:18

an Nabubuhay! Nagadan ako, alagad ngunyan, buhay ako sagkod pa man. May kapangyarihan ako sa kagadanan asin sa Hades.

Kapahayagan 1:2

Sinabi ni Juan an gabos niyang nahiling. Ini an sinurat niya manongod kan mensahe nin Dios asin kan patotoo kaiyan ni Jesu-Cristo.

Kapahayagan 2:16

Kaya magbakle kamo! Ta kun dai, madiyan tolos ako dangan lalabanan ko an mga tawong iyan kan espada nin sakong ngoso.

Kapahayagan 22:10

Nagsabi pa siya sako, “Dai mo paghilomon an mga propesiya sa librong ini, huli ta madali nang maotob ini.

Kapahayagan 22:12

“Hinanyoga ako!” an sabi ni Jesus. “Madali na akong umabot! Dara ko an mga premyo na itatao ko sa lambang saro sosog sa saiyang ginibo.

Kapahayagan 22:18

Ako, si Juan, nagpapatanid sa gabos na nakakadangog kan mga propesiya sa librong ini: sa kiisay man na magdagdag nin anoman sa mga propesiya sa librong ini, idadagdag nin Dios saiya an mga peste na isinurat sa librong ini.

Kapahayagan 22:7

“Paghinanyog kamo!” an sabi ni Jesus. “Madali na akong mag-abot! Paladan an mga nagkukuyog kan mga propesiya sa librong ini!”