Kapahayagan 22:2 - Marahay na Bareta Biblia

² sagkod sa tahaw kan tinampo kan syudad. Sa mag-ibong na pangpang kan salog idtoon an kahoy nin buhay, na minabunga doseng beses sa taon, sarong beses lambang bulan. An mga dahon kaiyan ginagamit na pambulong sa mga nasyon.

Kapahayagan 22:2 ပူးပေါင်းရင်းမြစ်များ

Genesis 2:9

Pinatalubo niya duman an manlaen-laen na kahoy na magayon paghilingon asin nagtatao nin masiram na bunga. Sa tahaw kan tatamnan idtoon an kahoy na nagtatao nin buhay, saka an kahoy na nagtatao nin pakaaram kan marahay asin kan maraot.

Salmo 147:3

Binobolong niya an mga pusong naraot, an mga lugad ninda saiyang binubugkos.

Mga Talinhaga 3:18

An kadonongan sarong kahoy nin buhay para sa mga namumugol saiya; an mga namumugol saiya nin maigot inaapod na paladan.

Isaias 6:10

Pahiboga an puso kan banwaan na ini, pagabata an talinga ninda, asin taklobi an mga mata ninda, ta tibaad makahiling sinda asin makadangog patin makasabot dangan magbalik sako saka magpabolong.”

Jeremias 17:14

Kagurangnan, bolonga ako asin maoomayan ako; ligtasan ako asin magigin ligtas ako. Ika sana an inoomaw ko!

Ezekiel 47:1

Dangan ibinalik ako kan lalaki sa laogan kan Templo. Igwa nin tubig na nagbubulos hale sa irarom kan laogan kan Templo pasiring sa sirangan, huli ta an Templo atubang sa sirangan. An tubig nagbubulos hale sa habagat na parte kan Templo asin sa parteng habagat man kan altar.

Oseas 14:4

Nagsasabi an Kagurangnan. “Papabalikon ko giraray sako an sakong banwaan. Bilog na puso ko sindang mamomotan; bako na akong anggot sainda.

Zacarias 14:8

Pag-abot kan aldaw na iyan, mabulos hale sa Jerusalem an preskong tubig; an kabanga kaiyan mapasiring sa Gadan na Dagat asin sa Mediteraneo an kabanga. Magbubulos iyan sa bilog na taon, tig-init man o tig-lipot.

Malakias 4:2

Alagad sa saindo na nagkukuyog sa sako, masirang sa saindo arog kan aldaw an sakong nakakaligtas na kapangyarihan, asin magdadara iyan nin kaomayan arog kan saldang kan aldaw. Magigin talingkas asin maogma kamo siring sa mga ogbon nin baka na pinaluwas sa toril.

Lukas 4:18

“Nasa sako an Espiritu nin Kagurangnan, huli ta linahidan niya ako sa paghulit kan Marahay na Bareta sa mga dukha. Sinugo niya ako sa pagpahayag kan katalingkasan sa mga bihag, sa pagtao nin pakahiling sa mga buta, sa pagpatalingkas sa mga inaapi,

1 Pedro 2:24

Dinara ni Cristo an satong mga kasalan sa saiyang hawak duman sa krus tanganing magadan kita sa satong kasalan asin mabuhay sa katanosan. Naomayan kamo huli kan saiyang mga lugad.

Kapahayagan 2:7

“An may talinga, magdangog sa sinasabi kan Espiritu sa mga simbahan! “Sa mga manggagana, itatao ko an deretsong magkakan kan bunga kan kahoy nin buhay na nasa Paraiso nin Dios.

Kapahayagan 21:21

Perlas an doseng trangkahan; an lambang trangkahan gibo sa saro sanang perlas. An tinampo kan syudad gibo sa purong bulawan, silag siring sa salming.

Kapahayagan 21:24

Maglalakaw sa kaliwanagan kaiyan an mga nasyon, saka dadarahon diyan kan mga hade sa daga an saindang mga kayamanan.

Kapahayagan 22:1

Ipinahiling pa sako kan anghel an salog kan tubig nin buhay, nagkikintab siring sa kristal, na nagbubulos hale sa trono kan Dios asin kan Kordero,

Kapahayagan 22:14

Paladan an mga naglinig kan saindang mga gubing, huli ta tatawan sinda nin deretsong magkakan kan bunga kan kahoy nin buhay, saka maglaog sa mga trangkahan kan syudad.

Kapahayagan 22:19

An siisay man na mag-ina nin anoman sa mga propesiya sa librong ini, hahalean man nin Dios kan saiyang kahirasan sa bunga kan kahoy nin buhay asin sa Banal na Syudad na isinurat sa librong ini.