Kapahayagan 22:14 - Marahay na Bareta Biblia

¹⁴ Paladan an mga naglinig kan saindang mga gubing, huli ta tatawan sinda nin deretsong magkakan kan bunga kan kahoy nin buhay, saka maglaog sa mga trangkahan kan syudad.

Kapahayagan 22:14 ပူးပေါင်းရင်းမြစ်များ

Genesis 2:9

Pinatalubo niya duman an manlaen-laen na kahoy na magayon paghilingon asin nagtatao nin masiram na bunga. Sa tahaw kan tatamnan idtoon an kahoy na nagtatao nin buhay, saka an kahoy na nagtatao nin pakaaram kan marahay asin kan maraot.

Genesis 3:22

Dangan nagtaram an Kagurangnan Dios, “Ngunyan, arog na satuya an tawo: aram na niya an marahay asin an maraot. Kaipuhan dai na siya makakakan kan bunga kan kahoy na nagtatao nin buhay, asin mabuhay sagkod lamang.”

Salmo 112:1

Omawon an Kagurangnan! Paladan an tawong may pagkatakot sa Kagurangnan, na naoogma sa pagkuyog kan saiyang mga kabotan.

Salmo 118:20

Iyo ini an trangkahan nin Kagurangnan; an mga matanos sana an makakalaog diyan.

Exodo 19:10

Tinaraman siya nin Kagurangnan, “Magduman ka sa mga tawo asin sabihan mo na maglinig sinda ngunyan sagkod sa aga. Palabahan mo sainda an saindang mga gubing

Daniel 12:12

Paladan an mga tawong magdadanay na maimbod sagkod na matapos an mil tres syentos treynta y singkong aldaw!

Juan 10:7

Kaya nagsabi giraray sainda si Jesus, “Sa katotoohan sinasabihan ko kamo, ako an pintoan na inaagihan kan mga karnero.

Juan 10:9

Ako an pintoan; an siisay man na minalaog na minaagi sako, makakaligtas; malaog siya saka maluwas asin makakakua siya nin sabsabon.

Juan 14:15

“Kun namomotan nindo ako, kukuyogon nindo an sakong mga togon.

Juan 14:6

Sinimbag siya ni Jesus, “Ako an dalan, an katotoohan asin an buhay; dai nin makakaduman sa Ama, kun bakong huli sako.

Juan 4:12

Mas dakula ka pa daw ki Jacob na samong ginikanan na iyo an nagtao samo kan bubon na ini? Nag-inom siya digdi asin an saiyang mga aki saka an saiyang mga hayop.”

1 Corinto 7:19

Mayong halaga kun an tawo pagkaniserkomsisyonado o bako; an mahalaga iyo an pagkuyog kan mga katogonan nin Dios.

1 Corinto 8:9

Alagad maglikay man giraray kamo ta tibaad sa pagkakan nindo nin anoman na kakanon makapakasala kamo sa mga maluya pa sa pagtubod.

1 Corinto 9:5

Mayo daw ako nin deretsong mag-iba nin agom na Cristiano, arog kan gibo kan ibang mga apostol asin kan mga tugang nin Kagurangnan patin ni Pedro?

Galacia 5:6

Huli sa pakisumaro ta ki Cristo Jesus, mayong kalaenan kun pagkaniserkomsisyonado man o bako an tawo; an mahalaga iyo na igwa siya nin pagtubod dahel sa pagkamoot.

1 Juan 3:3

An siisay man na igwa kan paglaom na ini ki Cristo nagdadanay na malinig, arog ki Cristo.

1 Juan 5:3

Huli ta an namomoot sa Dios nagkukuyog kan saiyang mga togon. An saiyang mga togon bako man masakit na pag-otobon,

Kapahayagan 2:7

“An may talinga, magdangog sa sinasabi kan Espiritu sa mga simbahan! “Sa mga manggagana, itatao ko an deretsong magkakan kan bunga kan kahoy nin buhay na nasa Paraiso nin Dios.

Kapahayagan 21:12

Dakula asin halangkaw an kudal kaiyan, na may doseng trangkahan na binabantayan nin doseng anghel. Nakasurat sa mga trangkahan an mga ngaran kan doseng tribu nin Israel.

Kapahayagan 21:27

Alagad mayong anoman na maati na makakalaog sa syudad, ni an mga naggigibo nin karatan o nagtataram nin kaputikan. An makakalaog sa syudad iyo sana an mga tawo na an ngaran nasusurat sa libro kan Kordero—an libro nin buhay.

Kapahayagan 22:2

sagkod sa tahaw kan tinampo kan syudad. Sa mag-ibong na pangpang kan salog idtoon an kahoy nin buhay, na minabunga doseng beses sa taon, sarong beses lambang bulan. An mga dahon kaiyan ginagamit na pambulong sa mga nasyon.

Kapahayagan 22:7

“Paghinanyog kamo!” an sabi ni Jesus. “Madali na akong mag-abot! Paladan an mga nagkukuyog kan mga propesiya sa librong ini!”

Kapahayagan 7:14

Sinimbag ko siya, “Dai ko aram; ika an nakakaaram.” Sinabihan niya ako, “Ini an mga tawong nakatagal sa makuring kasakitan. Linabahan ninda an saindang mga gubing asin pinaputi sa paagi kan dugo kan Kordero.