Kapahayagan 21:27 - Marahay na Bareta Biblia

²⁷ Alagad mayong anoman na maati na makakalaog sa syudad, ni an mga naggigibo nin karatan o nagtataram nin kaputikan. An makakalaog sa syudad iyo sana an mga tawo na an ngaran nasusurat sa libro kan Kordero—an libro nin buhay.

Kapahayagan 21:27 ပူးပေါင်းရင်းမြစ်များ

Salmo 101:8

Aroaldaw gagadanon ko an gabos na tampalasan sa daga, papahaleon ko sa syudad nin Kagurangnan an gabos na paragibo nin karatan.

Exodo 32:32

Nakikimaherak ako na patawadon mo sinda kan saindang mga kasalan; alagad kun dai mo sinda mapapatawad, paraon mo na man an sakong ngaran sa libro na sinuratan mo kan mga ngaran kan saimong banwaan.”

Isaias 35:8

Magkakaigwa nin sarong dalan duman na aapodon “An Dalan nin Kabanalan.” Mayo nin parakasala na mag-aagi sa dalan na iyan; mayo nin lolong na malagalag sa mga nagsusunod kan dalan na iyan.

Isaias 52:1

Pagmata, O Jerusalem! Pagmakosog asin pagin dakula giraray! Banal na syudad nin Dios, sulotan an magagayon mong gubing! Dai na nanggad makakalaog sa saimong mga trangkahan an mga pagano.

Isaias 60:21

Magigin matanos an saimong namamanwaan, asin sasadirihon ninda an daga sagkod lamang. Ako an nagtanom sainda, an naggibo sainda, tanganing ipahayag ninda an sakong kamurawayan.

Ezekiel 44:9

“Ako, an Kagurangnan Dios, nagpapahayag na mayo nin siisay man na bakong sirkomsisyonadong dayuhan, mayo nin siisay man na dai nagsusunod sako, na makakalaog sa sakong Templo, maski na an mga dayuhan na nag-eerok sa kaibahan kan mga Israelita.”

Joel 3:17

“Dangan, Israel, maaaraman mo na ako an Kagurangnan na saimong Dios. Nag-eerok ako sa Sion, an banal kong bulod. An Jerusalem magigin banal na syudad; dai na nanggad iyan masasakop kan mga dayuhan.

Levitico 13:46

Sagkod na igwa siya kan helang na iyan, siya maati asin kaipuhan na mag-erok siya sa luwas kan kampo.

Zacarias 14:21

An gabos na kagamitan sa pagluto sa Jerusalem asin sa Juda lalaenon tanganing gamiton sa pagsamba sa Kagurangnan nin mga hukbo. Gagamiton an mga iyan kan mga tawong nagdodolot nin sakripisyo para sa paglabon nin karne. Pag-abot kan panahon na iyan, dai na magkakaigwa nin negosyante sa Templo kan Kagurangnan nin mga hukbo.

Mga Bilang 12:15

Kaya pitong aldaw si Miriam sa luwas kan kampo, asin dai nagpadagos sa pagbaklay an mga Israelita sagkod na dai siya nakalaog giraray.

Mga Bilang 5:3

Iluwas nindo sinda, babae man o lalaki, tanganing dai ninda madigtaan an kampo na pinag-eerokan ko kaiba an sakong banwaan.”

Mateo 13:41

susugoon kan Aki nin Tawo an saiyang mga anghel nganing tiponon saka paluwason sa saiyang Kahadean an gabos na nagin dahelan nin kasalan asin an gabos na paragibo nin maraot.

Markos 7:2

Namasdan ninda na an nagkapira sa mga disipulo ni Jesus nagkakakan na maati an mga kamot; dai sinda naghanaw nin kamot bago magkakan. (

Lukas 10:20

Alagad mag-ogma kamo bakong huli ta nagkukuyog saindo an mga maraot na espiritu kundi huli ta nasusurat sa langit an saindong mga ngaran.”

Efeso 5:5

Aram nindo na an tawong marigsok o dusta o paslo (an kapasloan sarong pagsamba sa dios-dios) dai magkakaigwa nin pamana sa Kahadean ni Cristo asin nin Dios.

Filipos 4:3

Ika man na maimbod kong kaiba sa trabaho, hinahagad kong tabangan mo an mga babaeng ini, huli ta nagtrabaho sindang maigot kaiba ko sa pagbalangibog kan Marahay na Bareta, kaiba ni Clemente asin kan iba pang mga kapwa ko trabahador na an mga ngaran nasusurat sa libro nin buhay.

1 Timoteo 1:10

para sa mga marigsok asin mga nakikidorog sa kapareho nindang lalaki o babae, para sa mga parakidnap, mga putikon, mga nagsasaksi nin putik, saka sa mga naggigibo nin anoman na tumang sa tamang katukdoan.

Hebreyo 12:14

Hingowahon nindong magkaigwa nin katoninongan sa kaibahan kan gabos; mamuhay kamong banal, huli ta kun mayo kaiyan, mayo nin siisay man na makakahiling sa Kagurangnan.

2 Pedro 3:13

Alagad naghahalat kita kan ipinanuga nin Dios na bagong kalangitan asin bagong daga saen mag-eerok an katanosan.

Kapahayagan 13:8

Sasambahon an hayop na iyan kan gabos na tawo sa daga, pwera kan mga tawo na an ngaran nasusurat, bago pa lalangon an kinaban, sa libro nin buhay na sadiri kan Kordero na ginadan.

Kapahayagan 20:12

Pakatapos, nahiling ko an mga gadan, dakula asin sadit, na nakatindog sa atubangan kan trono. Binuklat an mga libro, dangan binuklat man an saro pang libro na iyo an libro nin buhay. An mga nagadan hinukoman sosog sa ginibo ninda na nakasurat sa mga libro.

Kapahayagan 20:15

An siisay man na an ngaran dai nasusurat sa libro nin buhay itinapok sa danaw nin kalayo.

Kapahayagan 21:8

Alagad an mga matalaw, an mga parapasaluib, an mga maati an gibo, mga paragadan, mga marigsok, mga salamangkero, mga parasamba sa dios-dios, saka an gabos na putikon—sinda gabos ihuhulog sa danaw nin kalayo saka asupre, na iyo an ikaduwang kagadanan.”

Kapahayagan 3:5

An mga manggagana gugubingan man nin puti, saka dai ko paparaon an saindang ngaran sa libro nin buhay. Mimidbidon ko sinda sa atubang kan sakong Ama asin kan saiyang mga anghel.