Kapahayagan 21:24 - Marahay na Bareta Biblia

²⁴ Maglalakaw sa kaliwanagan kaiyan an mga nasyon, saka dadarahon diyan kan mga hade sa daga an saindang mga kayamanan.

Kapahayagan 21:24 ပူးပေါင်းရင်းမြစ်များ

Salmo 22:27

An mga poro kan daga makakagiromdom asin mabalik sa Kagurangnan; an gabos na pamilya kan mga nasyon magsasamba sa saiyang atubang.

Isaias 2:2

Sa mga aldaw na maabot, an bukid na namumugtakan kan Templo nin Kagurangnan iyo an magigin pinakahalangkaw sa gabos, halangkaw ki sa gabos na bulod. An gabos na nasyon maduruman,

Isaias 2:5

Ngunyan, kapagarakian ni Jacob, madya, maglakaw kita sa liwanag nin Kagurangnan!

Isaias 49:23

An mga hade magigin garo mga ama nindo; an mga reyna garo mga ina nindo. Maduruko sinda sa atubang nindo asin oomawon ninda kamo; mapakumbaba na ipapahiling ninda an paggalang saindo. Dangan maaaraman nindo na ako an Kagurangnan; dai mapapasopog an siisay man na naghahalat kan sakuyang tabang.”

Isaias 52:15

Alagad ngunyan mangalas saiya an dakul na nasyon, asin sa pagngalas maalo an mga hade. Huli ta mahihiling ninda an dai pa ninda nabaretaan, asin masasabotan ninda an dai pa ninda nadangog.”

Isaias 55:10

“An sakong tataramon siring sa nyebe saka sa uran, na naghuhugpa hale sa langit, nganing biribihon an daga. Pinapatalubo ninda an mga tinanom, na minatao nin banhi na isasabwag asin minatao nin pagkakan.

Isaias 55:5

Ngunyan aapodon nindo an dayuhan na mga nasyon; dai ninda kamo midbid kaidtong panahon alagad ngunyan magdadalagan na mapasiring sinda saindo nganing makiapil! Ako, an Kagurangnan na saindong Dios, an banal na Dios nin Israel, iyo an magibo nin paagi tanganing mangyari ini; itatao ko saindo an kaomawan asin kamurawayan.”

Isaias 60:13

“An pinakamarahay na kahoy hale sa kadlagan nin Lebanon, an aguho, an hunipero, asin an sipres dadarahon saimo tanganing pagayonon an sakong Templo, saka an syudad ko.

Isaias 60:16

Mga nasyon saka mga hade an mag-aataman saimo siring kan pagpasuso nin sarong ina sa saiyang aki. Maaaraman mo na ako, an Kagurangnan, an nagligtas saimo, na an mapangyaring Dios nin Israel an nagpatalingkas saimo.

Isaias 66:18

Aram ko an saindang mga iniisip saka ginigibo. Madatong ako sa pagtipon kan katawohan kan gabos na nasyon. Kun magkatiripon na sinda, mahihiling ninda kun ano an nagigibo kan sakong kapangyarihan

Jeremias 4:2

magigin matanos an pagsumpa nindo huli sa sakong ngaran. Dangan makikiolay sako an gabos na mga nasyon na bendisyonan ko sinda, asin oomawon ninda ako.”

Zacarias 2:11

Sa panahon na iyan dakul na nasyon an madolok sa Kagurangnan asin magigin saiyang banwaan. Maerok siya sa kaibahan nindo, dangan maaaraman nindo na sinugo niya ako sa saindo.

Roma 15:16

na magin sorogoon ni Cristo Jesus sa mga pagano. Naglilingkod ako arog sa sarong padi na naghuhulit kan Marahay na Bareta hale sa Dios, tanganing an mga pagano magin sarong dolot na maaako nin Dios, dolot na kinonsagra saiya kan Espiritu Santo.

Roma 15:26

huli ta an mga simbahan sa Macedonia saka sa Grecia nagkasararo na magtao nin tabang sa mga dukhang kaayon sa simbahan sa Jerusalem.

Deuteronomio 32:43

“Mga nasyon, mag-omaw kamo sa banwaan nin Kagurangnan, huli ta pinapadusahan nin Kagurangnan an minagadan sainda; binabalos niya an saiyang mga kaiwal asin pinapatawad an kasalan kan saiyang banwaan.”

Kapahayagan 21:26

Dadarahon sa syudad na iyan an kabantogan asin kayamanan kan mga nasyon.

Kapahayagan 22:2

sagkod sa tahaw kan tinampo kan syudad. Sa mag-ibong na pangpang kan salog idtoon an kahoy nin buhay, na minabunga doseng beses sa taon, sarong beses lambang bulan. An mga dahon kaiyan ginagamit na pambulong sa mga nasyon.