Kapahayagan 21:23 - Marahay na Bareta Biblia

²³ Dai na kaipuhan kan syudad an liwanag kan aldaw o kan bulan, huli ta an kamurawayan nin Dios iyo an liwanag kaiyan dangan an Kordero iyo an ilaw.

Kapahayagan 21:23 ပူးပေါင်းရင်းမြစ်များ

Salmo 84:11

An Kagurangnan iyo an samong parasurog asin mamurawayon na hade; benebendisyonan niya kami nin karahayan asin onra. Karahayan dai niya isasayuma sa mga naggigibo nin matanos.

Isaias 2:10

Magtago kamo sa mga lungib sa kagapoan asin sa mga kalot sa daga; magdulag kamo sa atubang kan kaanggotan nin Kagurangnan, patin sa kamurawayan nin saiyang kamahalan.

Isaias 2:19

An mga tawo matarago sa mga lungib sa kagapoan asin sa mga kalot sa daga, sa pagdulag sa kaanggotan nin Kagurangnan, asin sa saiyang kamurawayan sa saiyang pagtindog sa pagyugyog kan kinaban.

Isaias 2:21

Matarago sinda sa mga lungib sa kagapoan asin sa mga barana kan mga ampas sa pagdulag sa kaanggotan nin Kagurangnan, asin sa saiyang kamurawayan, sa saiyang pagtindog sa pagyugyog kan kinaban.

Isaias 24:23

Magdidiklom an bulan, asin dai na maliwanag an aldaw, huli ta an Kagurangnan nin mga hukbo an maghahade sa Jerusalem, sa Bukid nin Sion, asin mahihiling kan mga kamagurangan kan banwaan an saiyang kamurawayan.

Isaias 30:26

An liwanag kan bulan magigin siring sa aldaw, asin an aldaw magigin pitong beses an kaliwanagan ki sa dating liwanag kaini, arog sa liwanag nin pitong aldaw na nagliwanag sa saro sanang aldaw. An gabos na ini mangyayari kun bolongon dangan paomayan na nin Kagurangnan an mga lugad na itinao niya sa saiyang banwaan.

Habakkuk 3:3

Hale sa Edom madigdi giraray an Dios; hale sa kabubuldan nin Paran maabot an banal na Dios. Tinatahoban kan saiyang kamurawayan an kalangitan, asin an daga pano kan saiyang kaomawan.

Mateo 16:27

Huli ta maabot an Aki nin Tawo sa kamurawayan nin saiyang Ama kaiba an mga anghel, asin babalosan niya an lambang saro sosog sa saiyang mga naginibo.

Markos 8:38

An siisay man na ikasopog ako asin an mga katukdoan ko sa atubang kan mga tawong masombikal asin parakasala, ikakasopog man kan Aki nin Tawo sa aldaw nin saiyang pagdatong sa kamurawayan nin saiyang Ama kaiba an mga banal na anghel.”

Lukas 2:32

sarong ilaw na magliliwanag sa mga pagano, asin magtatao nin kamurawayan sa Israel na saimong banwaan.”

Juan 1:14

An Tataramon nagin tawo asin nag-erok sa kaibahan nyato, pano nin biyaya saka katotoohan. Nahiling mi an saiyang kamurawayan, an kamurawayan na itinao saiya kan saiyang Ama bilang bugtong niyang Aki.

Juan 1:18

Mayo pang nakahiling sa Dios; an bugtong na Aki, na nasa kaibahan kan Ama, iyo an nagpamidbid dapit sa Ama.

Juan 1:4

Nasa saiya an buhay; an buhay na ini iyo an nagtatao nin liwanag sa mga tawo.

Juan 1:9

An tunay na ilaw, na nagtatao nin liwanag sa gabos na tawo, minadatong sa kinaban.

Juan 17:24

“Ama, mawot ko na sinda man na itinao mo sako makaiba ko kun saen ako, nganing mahiling ninda an kamurawayan na itinao mo sako; huli ta namotan mo ako bago lalangon an kinaban.

Juan 5:23

tanganing galangan kan gabos an Aki, arog kan paggalang ninda sa Ama. An dai minagalang sa Aki dai man minagalang sa Ama na nagsugo saiya.

Mga Gibo 22:11

Nabuta ako huli kan makosog na liwanag, kaya kinabit ako kan mga kairiba ko dangan inantabayan pasiring sa Damasco.

Kapahayagan 14:4

Ini an mga lalaking dai nadigtaan nin mga babae, huli ta mga mabini sinda; sinda an nagsusunod sa Kordero saen man siya magduman. Sinda an mga tinubos hale sa gabos na katawohan bilang enot na mga bunga para sa Dios saka sa Kordero.

Kapahayagan 18:1

Pakatapos kaini, nakahiling naman ako nin sarong anghel na naghihilig hale sa langit. Dakula an saiyang kapangyarihan, asin an bilog na kinaban naliwanagan kan saiyang kamurawayan.

Kapahayagan 21:11

nagliliwanag sa kamurawayan nin Dios. Nagliliwanag an syudad siring sa mahalagang bato, arog sa haspeng malinaw siring sa kristal.

Kapahayagan 21:25

Bukas an mga trangkahan kan syudad sa bilog na aldaw; dai nanggad seserahan, huli ta mayo na duman nin banggi.

Kapahayagan 22:5

Mayo na nin banggi, kaya dai na sinda mangangaipo nin ilaw o liwanag kan aldaw, huli ta an Kagurangnan na Dios iyo an magigin ilaw ninda, asin maghahade sinda sagkod pa man.

Kapahayagan 5:6

Dangan nahiling ko an Kordero na nakatindog sa pagultanan kan trono asin kan apat na buhay na linalang, sa tahaw kan mga kamagurangan. Nahihiling an tanda na an Kordero ginadan. An Kordero igwa nin pitong sungay saka pitong mata, na iyo an pitong Espiritu nin Dios na ipinadara sa bilog na kinaban.

Kapahayagan 7:17

huli ta an Kordero na nasa tahaw kan trono iyo an saindang pastor. Dadarahon niya sinda sa mga burabod nin tubig na nagtatao nin buhay, asin papahidon nin Dios an gabos na luha sa saindang mga mata.”