Kapahayagan 21:2 - Marahay na Bareta Biblia

² Nahiling ko man an Banal na Syudad, an bagong Jerusalem, na nag-iibaba hale sa langit gikan sa Dios, garo nobya na nakagubing nin pangkasal asin masabat sa nobyo niya.

Kapahayagan 21:2 ပူးပေါင်းရင်းမြစ်များ

Salmo 87:3

Mga magayon na bagay sinasabi manongod saimo, O syudad nin Dios:

Isaias 1:21

Paano nagin arog sa maraot na babae an maimbod na syudad, na pano kaidto nin katanosan? Kaidto nag-erok saiya an mga matanos, alagad ngunyan mga paragadan an yaon diyan.

Isaias 52:1

Pagmata, O Jerusalem! Pagmakosog asin pagin dakula giraray! Banal na syudad nin Dios, sulotan an magagayon mong gubing! Dai na nanggad makakalaog sa saimong mga trangkahan an mga pagano.

Isaias 54:5

An saimong Kaglalang magigin siring sa agom mo— Kagurangnan nin mga hukbo an saiyang ngaran. Ililigtas ka kan banal na Dios nin Israel— siya an kagsakop kan bilog na kinaban.

Isaias 61:10

Nag-oogma an Jerusalem huli kan ginibo nin Kagurangnan. Nakakaagid siya sa sarong nobya na nakagubing nin pangkasal. Ginubingan siya nin Dios nin gubing nin kaligtasan saka kapangganahan.

Isaias 62:4

Dai ka na nanggad aapodon “Pinabayaan,” o aapodon an saimong daga na “Babaeng Sinuhayan.” “An Dios Nawiwili Saiya,” an saimong magigin bagong ngaran. An saimong daga aapodon “Maogmang Pag-inagoman,” huli ta nawilihan ka nin Kagurangnan asin makakaagid siya sa agom na lalaki kan saimong daga.

Jeremias 31:23

An Kagurangnan nin mga hukbo, an Dios nin Israel, nagtataram, “Kun ibalik ko na an banwaan sa saindang daga, masabi giraray sinda sa daga nin Juda asin sa saiyang mga banwa, ‘Bendisyonan logod nin Kagurangnan an sagradong bulod nin Jerusalem, an banal na lugar na saiyang pinag-eerokan.’

Juan 3:29

An nobya para sa nobyo; an katood kan nobyo na nagtitindog asin nagdadangog saiya naoogma nin marahay sa tingog kan nobyo. Kaya nagsusupay an kaogmahan ko ngunyan.

2 Corinto 11:2

Arog sa Dios, maimon ako para saindo. Kamo garo daragang birhen na ipinanuga kong ipakasal sa saro sanang lalaki, na iyo si Cristo.

Hebreyo 11:10

Huli ta mawot niya an syudad na igwa nin mga pundasyon, na an kagtugdok asin kaggibo iyo an Dios.

Hebreyo 11:16

Alagad mawot ninda an sarong mas marahay na lugar, an lugar na langitnon. Kaya an Dios dai nasosopog na apodon siyang Dios ninda, huli ta nag-andam siya nin syudad para sainda.

Hebreyo 12:22

Kundi nagdolok kamo sa Bukid nin Sion asin sa syudad kan buhay na Dios, an langitnon na Jerusalem, na may dai mabilang na mga anghel na maogmang nagtitiripon.

Hebreyo 13:14

Huli ta digdi sa daga mayo kita nin nagdadanay na syudad, kundi hinahanap ta an syudad na maabot.

Kapahayagan 1:1

Nasusurat sa librong ini an kapahayagan hale ki Jesu-Cristo. Ipinahayag ini nin Dios saiya tanganing ikapahiling niya sa saiyang mga sorogoon an mga bagay na mangyayari na. Sinugo ni Cristo an saiyang anghel na sabihan si Juan kan kapahayagan.

Kapahayagan 1:4

Ako, si Juan, nagsusurat sa pitong simbahan na yaon sa Asia: Mapasaindo an biyaya asin an katoninongan hale sa Dios—Dios ngunyan, kaidto, asin sa madatong pang panahon—hale man sa pitong espiritu na nasa atubangan kan saiyang trono,

Kapahayagan 1:9

Ako, si Juan na saindong tugang, huli sa pakisumaro ki Jesus, kadamay nindo sa kasakitan asin sa pagtios na minaabot sa mga kaayon sa Kahadean niya. Itinapok ako sa isla kan Patmos huli ta ipinaghulit ko an tataramon nin Dios asin an patotoo kaiyan ni Jesus.

Kapahayagan 11:2

Alagad dai mo pagsukolon an patyo sa luwas kan templo, huli ta itinao na iyan sa mga pagano na matimak-timak kan Banal na Syudad sa laog nin kwarenta y dos na bulan.

Kapahayagan 21:10

Sinangkoban ako kan Espiritu, dangan dinara ako kan anghel sa alitoktok nin sarong halangkaw na bukid. Ipinahiling niya sako an Jerusalem, an Banal na Syudad na nag-iibaba hale sa langit gikan sa Dios,

Kapahayagan 21:9

Nagdolok sako an saro kan pitong anghel, na tinarawan kan pitong mangko na pano kan pitong huring peste, saka nagsabi, “Madya, asin ipapahiling ko saimo an Nobya, an agom kan Kordero.”

Kapahayagan 22:17

“Madya!” an sabi kan Espiritu asin kan Nobya. An makadangog kaini dapat man magsabi, “Madya!” Magdolok an siisay man na napapaha; an nagmamawot, mayong bayad na makakakua kan tubig nin buhay.

Kapahayagan 22:19

An siisay man na mag-ina nin anoman sa mga propesiya sa librong ini, hahalean man nin Dios kan saiyang kahirasan sa bunga kan kahoy nin buhay asin sa Banal na Syudad na isinurat sa librong ini.

Kapahayagan 3:12

An mga manggagana gigibohon kong garo harigi sa templo kan sakong Dios; dai na nanggad sinda mahale diyan. Isusurat ko sa mga hariging iyan an ngaran kan sakong Dios saka an ngaran kan syudad kan sakong Dios, an bagong Jerusalem na maibaba hale sa langit, hale sa sakong Dios. Isusurat ko man sa mga iyan an sakong bagong ngaran.