Kapahayagan 21:15 - Marahay na Bareta Biblia

¹⁵ An anghel na nagtaram sako may darang pansukol na bulawan na gagamiton sa pagsukol kan syudad, kan mga trangkahan saka kan mga kudal kaiyan.

Kapahayagan 21:15 ပူးပေါင်းရင်းမြစ်များ

Ezekiel 40:3

Irinani niya ako duman asin nahiling ko an sarong lalaki na nagkikintab arog sa bronse. Kapot niya an sarong lubid na lino saka sarong pansukol na bariw asin nakatindog siya sa may trangkahan.

Zacarias 2:1

Sa saro pang bisyon nakahiling ako nin sarong lalaki na igwang kapot na pansukol na pisi.

Zacarias 2:2

Hinapot ko siya, “Masaen ka?” Nagsimbag siya, “Susukolon ko an Jerusalem tanganing maaraman ko kun gurano kahalaba saka kahiwas iyan.”

Kapahayagan 21:12

Dakula asin halangkaw an kudal kaiyan, na may doseng trangkahan na binabantayan nin doseng anghel. Nakasurat sa mga trangkahan an mga ngaran kan doseng tribu nin Israel.

Kapahayagan 21:16

Kwadrado an syudad; an lakbang pareho sa laba kaiyan. Sinukol kan anghel an syudad kan saiyang pansukol na bulawan: dos mil kwatro syentos kilometros an laba kaiyan, siring man an hiwas, saka an langkaw.

Kapahayagan 21:21

Perlas an doseng trangkahan; an lambang trangkahan gibo sa saro sanang perlas. An tinampo kan syudad gibo sa purong bulawan, silag siring sa salming.

Kapahayagan 21:25

Bukas an mga trangkahan kan syudad sa bilog na aldaw; dai nanggad seserahan, huli ta mayo na duman nin banggi.