Kapahayagan 21:11 - Marahay na Bareta Biblia

¹¹ nagliliwanag sa kamurawayan nin Dios. Nagliliwanag an syudad siring sa mahalagang bato, arog sa haspeng malinaw siring sa kristal.

Kapahayagan 21:11 ပူးပေါင်းရင်းမြစ်များ

An Libro ni Job 28:17

An kadonongan mas mahalaga ki sa bulawan, ki sa bulawan na plorera o sa pinakamarahay na salming.

Isaias 4:5

Dangan sa ibabaw kan Bukid nin Jerusalem asin sa mga nagkatiripon duman, mapadara an Kagurangnan nin dampog sa aldaw, asin aso saka sarong maliwanag na kalayo sa banggi. An bilog na syudad tatahoban asin iingatan kan kamurawayan nin Dios.

Ezekiel 1:22

Sa itaas kan mga payo kan mga linalang, igwa nin sarong garo arko na gibo sa nagkikinang na kristal.

Ezekiel 1:26

Sa ibabaw kan arko igwa nin garo trono na gibo sa safiro; asin nagtutukaw sa trono an sarong garo tawo.

Ezekiel 28:16

An dakul mong negosyo iyo an nagdara saimo sa kadahasan asin sa kasalan. Kaya napiritan akong pahaleon ka sa sakong banal na bukid, asin pinahale ka kan bantay mong anghel sa tahaw kan nagkikintab na mga bato.

Ezekiel 43:2

Dangan nahiling kong nagdadangadang hale sa sirangan an kamurawayan kan Dios nin Israel. An tingog nin Dios nakakaarog sa hagubohob kan dagat, asin an daga nagliwanag huli kan saiyang kamurawayan.

Ezekiel 48:35

An kahalabaan kan kudal sa apat na lado kan syudad kaipuhan nuebe mil metros. Poon ngunyan an ngaran kan syudad magigin “An Kagurangnan Uya Digdi!”

Kapahayagan 15:8

An templo napano nin aso hale sa kamurawayan asin kapangyarihan nin Dios; mayo nin makakalaog sa templo sagkod na dai matapos an pitong peste na dinara kan pitong anghel.

Kapahayagan 22:1

Ipinahiling pa sako kan anghel an salog kan tubig nin buhay, nagkikintab siring sa kristal, na nagbubulos hale sa trono kan Dios asin kan Kordero,

Kapahayagan 22:5

Mayo na nin banggi, kaya dai na sinda mangangaipo nin ilaw o liwanag kan aldaw, huli ta an Kagurangnan na Dios iyo an magigin ilaw ninda, asin maghahade sinda sagkod pa man.

Kapahayagan 4:3

An lalawogon kan nakatukaw sa trono nagliliwanag siring sa mahalagang batong haspe saka kornalina; sa palibot kan trono may bulalangaw na kakolor kan batong esmeralda.

Kapahayagan 4:6

Igwa man nin garo dagat na salming, malinaw arog sa kristal. Sa palibot kan trono, sa lambang gilid kaiyan, igwa nin apat na buhay na linalang na pano nin mga mata sa atubangan saka sa likod.