Kapahayagan 20:9 - Marahay na Bareta Biblia

⁹ Naglakop sinda sa kadagaan dangan pinalibotan ninda an kampo kan mga banal, asin an syudad na namomotan nin Dios. Alagad may kalayong nagdatong hale sa langit na tuminunaw sainda.

Kapahayagan 20:9 ပူးပေါင်းရင်းမြစ်များ

Genesis 19:24

Dangan, an Sodoma asin an Gomorra pinauranan nin Kagurangnan nin nagkakalayong asupre.

2 Mga Hade 6:15

Pagkaaga, nagbangon an sorogoon ni Eliseo, nagluwas sa harong asin nahiling an mga soldados, an mga kabayo saka an mga karwahe na nakapalibot sa syudad. Nagsabi an sorogoon, “Kagurangnan, ano an satong gigibohon?”

An Libro ni Job 38:18

Nasabotan mo na daw an kahiwasan kan kinaban? Simbagon mo ako kun aram mo an gabos na ini.

Salmo 106:18

Naghilig an kalayo sa saindang mga kaibahan, asin tinutong idtong mga tawong masombikal.

Salmo 87:2

namomotan nin Kagurangnan an syudad nin Jerusalem orog ki sa gabos na banwaan nin Israel.

Salmo 97:3

Kalayo an nangengenot sa atubang niya asin sinusulo an saiyang mga kaiwal sa palibot niya.

Isaias 30:33

Haloy nang panahon na inandam an sarong lugar saen susuloon an hade kan Asiria sa sarong dakulang kalayo. Hararom saka mahiwas an lugar, asin halangkaw an tambak nin kahoy. An Kagurangnan an mahangos nin kalayo nganing makutan iyan.

Isaias 37:36

Sarong anghel nin Kagurangnan an nagduman sa kampo kan mga taga Asiria asin ginadan an syento otsenta y singko mil na soldados. Pagkaaga, nahiling sindang nahuhutad, gabos gadan!

Ezekiel 38:16

Sasalakayon mo an sakuyang banwaan nin Israel siring sa sarong panganoron na matahob kan daga. Pag-abot kan panahon na iyan, susugoon taka sa pagsalakay sa sakuyang daga tanganing mamidbid kan mga nasyon kun siisay ako, asin mahiling ninda an sakuyang kabanalan huli kan ipapagibo ko saimo.

Ezekiel 38:22

Papadusahan ko siya sa paagi nin peste asin garadanan. Mahugpa sa saiya, sa saiyang hukbo asin sa mga nasyon na nag-apil saiya an uran asin an yelo, kaiba an kalayo saka asupre.

Ezekiel 38:9

Siya, an saiyang hukbo asin an dakul na nasyon na kaibahan niya, masalakay siring sa sarong bagyo asin garo panganoron na tatahoban ninda an daga.”

Ezekiel 39:6

Mapadara ako nin kalayo sa daga nin Magog asin sa mga baybayon nin dagat saen toninong na nag-eerok an mga tawo, dangan maaaraman nin gabos na ako an Kagurangnan.

Mikas 2:13

An Dios iyo an mabukas nin agihan para sainda dangan mahale sa sainda sa pagkatapokan. Maruluwas sinda sa mga trangkahan kan syudad asin magigin talingkas. An saindang hade, an Kagurangnan mismo, iyo an mangengenot sainda paluwas.

Habakkuk 1:6

Gigibohon kong magin mapangyari an mga taga Babilonia, an maringis saka dai napapamugtak na banwaan. Naglalakaw sinda sa kahiwasan kan daga tanganing sakopon an ibang nasyon.

Mga Bilang 11:1

Nagpoon pagreklamo sa Kagurangnan an mga Israelita manongod kan saindang mga kasakitan. Kan nadangog sinda nin Kagurangnan, naanggot siya asin pinadarahan niya sinda nin kalayo. Nasulo an nagkapira sainda saka an sarong poro kan kampo.

Mga Bilang 16:35

Dangan nagpadara an Kagurangnan nin kalayo asin sinulo an dos syentos singkwentang lalaki na nagdolot nin insenso.

Lukas 17:29

Alagad kan aldaw na maghale si Lot sa Sodoma, nag-uran nin kalayo saka asupre; nagadan sinda gabos.

Lukas 19:43

Huli ta maabot an panahon na papalibotan ka nin mga olang kan mga kaiwal mo, tatalikopan ka ninda asin lalaomon.

Lukas 21:20

“Kun mahiling nindo an Jerusalem na napapalibotan nin mga hukbo, aram na nindong madali na iyan rumpagon.

Lukas 9:54

Kan maaraman ini kan saiyang mga disipulo na si Santiago asin si Juan, nagsabi sinda, “Kagurangnan, boot mong maghagad kami nin kalayo na maghulog hale sa langit tanganing tunawon sinda arog kan ginibo ni Propeta Elias?”

Deuteronomio 23:14

Linigan nindo an saindong kampo huli ta kaiba nindo diyan an Kagurangnan na saindong Dios sa pagligtas saindo asin sa pagtao saindo nin kapangganahan laban sa saindong mga kaiwal. Dai kamo maggibo nin ano man na kadustaan tanganing dai kamo bayaan nin Kagurangnan.

2 Tesalonica 1:8

nganing padusahan an mga habong magmidbid sa Dios saka an mga dai nagkukuyog kan Marahay na Bareta ni Jesus na Kagurangnan.

Hebreyo 13:13

Kaya magduman kita sa luwas kan kampo saka makidamay kita sa saiyang kasosopgan.

Kapahayagan 11:5

Kun may magkulog sainda, maluwas an kalayo sa saindang ngoso na matomtom sa saindang mga kaiwal; sa paaging ini, an siisay man na magkulog sainda, magagadan.

Kapahayagan 13:13

Ining ikaduwang hayop naggibo nin makangangalas na mga milagro; nagpahulog siya nin kalayo sa daga hale sa langit sa atubang nin mga tawo.