Kapahayagan 20:11 - Marahay na Bareta Biblia

¹¹ Dangan nahiling ko an sarong dakula asin puting trono saka an nakatukaw duman. Napara sa atubang niya an daga saka an langit asin dai na nanggad nahiling an mga ini.

Kapahayagan 20:11 ပူးပေါင်းရင်းမြစ်များ

Genesis 18:25

Aram kong dai mo gagadanon an matanos kaiba kan maraot. Dai mo gigibohon iyan! Kun gibohon mo iyan, madadamay an mga matanos sa pagpadusa kan mga maraot. Imposibleng gibohon mo iyan! Matanos an Hukom kan bilog na kinaban!”

An Libro ni Job 9:6

Minapadara an Dios nin linog asin tinatanyog an daga; saiyang yinuyugyog an mga harigi kan kinaban.

Salmo 102:26

Matutunaw ini gabos, alagad ika magdadanay; magigin daan sinda siring sa gubing. Riribayan mo sinda arog kan pagsangle mo nin gubing, asin sinda mapapara.

Salmo 47:8

An Dios nagtutukaw sa saiyang banal na trono; siya naghahade sa mga nasyon.

Salmo 89:14

Katanosan asin hustisya an mga pundasyon kan saimong trono; pagkamoot asin kaimbodan nahihiling sa gabos mong gibo.

Salmo 97:2

Panganoron asin kadikloman an nasa palibot niya; katanosan asin hustisya an mga pundasyon kan saiyang trono.

Isaias 6:1

Kan taon na magadan si Hadeng Uzzias, nahiling ko an Kagurangnan. Nagtutukaw siya sa saiyang trono, halangkaw saka mamuraway, asin an bilog na Templo napapano kan saiyang gubing.

Daniel 2:35

Naronot tolos an lansang, laboy, bronse, plata saka bulawan asin nagin siring sa alpog sa ginikan kun tig-init. Ipinalid iyan kan doros, asin mayo nin natada kaiyan. Alagad an gapong tuminama sa estatwa nagin sarong dakulang bukid na nakapano sa bilog na daga.

Daniel 7:10

Hale sa saiyang trono nagbubulos an sarong salog nin kalayo. Yaon duman an ribo-ribong tawo na naglilingkod saiya, asin an milyon-milyon na nagtitindog sa saiyang atubang. Nagbukas an korte sa pagdangog kan mga kaso, asin binukasan an mga libro.

Mateo 11:22

Kaya sinasabihan ko kamo, sa Aldaw nin Paghukom mas magian an padusang itatao sa mga taga Tiro asin Sidon ki sa saindo!

Mateo 24:35

Mapapara an langit asin an daga, alagad an sakong mga tataramon dai nanggad mapapara.

Mateo 25:31

“Pag-abot kan Aki nin Tawo sa saiyang kamurawayan, kaiba an gabos na anghel, matukaw siya sa saiyang mamuraway na trono.

Roma 2:5

Alagad huli sa katagasan kan saimong puso asin dai pagsolsol, pinapagabat mo an padusa saimo sa Aldaw na ipahayag an kaanggotan asin an matanos na paghukom nin Dios.

2 Pedro 3:7

Huli man sa pagboot nin Dios, an langit saka an daga na yaon ngunyan, natatagama para sa kalayo na iyo an matutong kaiyan sa Aldaw nin Paghukom asin nin pagtunaw sa gabos na maraot na tawo.

Kapahayagan 12:8

Nadaog an dragon asin an mga anghel niya kaya pinahale na sinda sa langit.

Kapahayagan 16:20

Nawara an gabos na isla saka napara an gabos na bukid.

Kapahayagan 19:11

Dangan nahiling kong nagbukas an langit, asin nahiling ko duman an sarong puting kabayo. An nangangabayo kaiyan inaapod na Maimbod saka Totoo, huli ta matanos an saiyang paghukom saka pakipaglaban.

Kapahayagan 20:2

Dinakop niya an dragon, an kasuanoy na halas na iyo an Diablo o Satanas, saka kinadenahan sa laog nin sangribong taon.

Kapahayagan 21:1

Dangan nahiling ko an sarong bagong langit asin an sarong bagong daga. An enot na langit saka an enot na daga napara, siring man an dagat.

Kapahayagan 21:5

Dangan nagtaram an nakatukaw sa trono, “Ngunyan ginigibo ko nang bago an gabos na bagay!” Sinabihan man niya ako, “Isurat mo ini, huli ta an mga tataramon na ini totoo asin masasarigan.”

Kapahayagan 4:2

Tolos na napano ako kan Espiritu. Nahiling ko duman sa langit an sarong trono; duman may nakatukaw.

Kapahayagan 6:14

Napara an langit arog sa nalukot na banig asin an gabos na bukid saka isla nahale sa saindang mga namumugtakan.