Kapahayagan 2:7 - Marahay na Bareta Biblia

⁷ “An may talinga, magdangog sa sinasabi kan Espiritu sa mga simbahan! “Sa mga manggagana, itatao ko an deretsong magkakan kan bunga kan kahoy nin buhay na nasa Paraiso nin Dios.

Kapahayagan 2:7 ပူးပေါင်းရင်းမြစ်များ

Genesis 2:9

Pinatalubo niya duman an manlaen-laen na kahoy na magayon paghilingon asin nagtatao nin masiram na bunga. Sa tahaw kan tatamnan idtoon an kahoy na nagtatao nin buhay, saka an kahoy na nagtatao nin pakaaram kan marahay asin kan maraot.

Mga Talinhaga 11:30

Buhay an itinatao kan katanosan, alagad kagadanan an dara kan kadahasan.

Mga Talinhaga 13:12

Kun nawawara an paglaom naroronot an puso, alagad an kamawotan na naotob nagtatao nin kaogmahan.

Mga Talinhaga 15:4

An marahay na mga tataramon minataong buhay, alagad an matarom na dila nakakakulog nin boot.

Mga Talinhaga 3:18

An kadonongan sarong kahoy nin buhay para sa mga namumugol saiya; an mga namumugol saiya nin maigot inaapod na paladan.

Ezekiel 28:13

Nag-erok ka sa Eden, an tatamnan nin Dios, dangan sulot mo an gabos na mahahalagang bato: rubi saka diamante; topasyo, berilo, kornalina, saka haspe; safiro, esmeralda asin karbunko. Igwa ka nin mga samno na gibo sa bulawan. Ginibo iyan para saimo kan aldaw na lalangon ka.

Ezekiel 31:8

Mayo nin arin pa man na sedro sa tatamnan nin Dios an makakaarog kaiyan. Mayo nin kahoy na pino na igwa nin siring na mga sanga, asin mayo nin kahoy na igwa nin mga sangang arog kaiyan; mayong kahoy sa tatamnan nin Dios an arog kaiyan an kagayonan.

Mateo 11:15

An may talinga, magdangog!

Mateo 13:43

Dangan magliliwanag siring sa aldaw an mga matanos sa Kahadean kan saindang Ama. An may talinga, magdangog!

Mateo 13:9

Nagsabi si Jesus, “An may talinga, magdangog!”

Markos 4:9

Nagsabi pa si Jesus, “An may talinga magdangog!”

Markos 7:15

Bakong an minalaog sa ngoso kan tawo an nakakapaati saiya sa atubang nin Dios kundi an minaluwas sa saiya.

Markos 7:16

An may talinga magdangog!”

Lukas 23:43

Sinabihan siya ni Jesus, “Sa katotoohan sinasabihan taka, ngunyan mismo makakaiba taka sa Paraiso.”

Lukas 8:8

Alagad an ibang banhi nakasabwag sa matubang na daga; nagtalubo asin namunga nin mananggatos.” Pakataram niya kaini, nagsabi siya nin makosog, “An may talinga, magdangog!”

Juan 16:33

Sinabi ko ini saindo tanganing magkaigwa kamo nin katoninongan huli kan saindong pakikisumaro sako. Magkakaigwa kamo nin kasakitan digdi sa kinaban; alagad pakosoga an saindong boot, huli ta nadaog ko an kinaban!”

1 Corinto 2:10

Alagad ipinahayag sato nin Dios an saiyang misteryo sa paagi kan saiyang Espiritu, huli ta an Espiritu iyo an nagsisiyasat kan gabos, maski pa kan mga hararom na katuyohan nin Dios.

2 Corinto 12:4

Nakadangog siya duman nin mga bagay na dai pwedeng ikataram, mga bagay na dai masambit kan ngoso nin tawo.

1 Juan 2:13

Sinusuratan ko kamo, mga ama, huli ta midbid nindo siya na dati nang nagdadanay poon pa sa kapinonan. Sinusuratan ko kamo, mga hoben, huli ta dinaog nindo an Maraot.

Kapahayagan 13:9

“Kaya, an may talinga magdangog!

Kapahayagan 14:13

Dangan nadangog ko an sarong tingog hale sa langit na nagsasabi, “Isurat mo ini: Poon ngunyan, paladan an mga magagadan na naglilingkod sa Kagurangnan!” Nagsimbag an Espiritu, “Totoong paladan! Makakapahingalo na sinda sa saindang mga pagpagal, huli ta magsusunod sainda an mga bunga kan saindang mga gibo.”

Kapahayagan 15:2

Dangan nakahiling ako nin garo dagat na salming na may kasalak na kalayo. Nahiling ko man an mga nakadaog sa hayop saka sa saiyang ladawan asin sa saro na an ngaran nasasambit sa numero. An mga nakadaog na ini nagtitindog sa tampi kan dagat na salming, kapot an mga arpa na itinao sainda nin Dios.

Kapahayagan 2:11

“An may talinga, magdangog sa sinasabi kan Espiritu sa mga simbahan! “An mga manggagana dai na maagi kan ikaduwang kagadanan.

Kapahayagan 2:17

“An may talinga, magdangog sa sinasabi kan Espiritu sa mga simbahan! “Sa mga manggagana itatao ko an iba kan natatagong manna. An lambang saro sainda tatawan ko man nin puting gapo na nasusuratan nin bagong ngaran na mayong siisay man na makakaaram pwera sa maako kaiyan.

Kapahayagan 21:7

An siisay man na manggagana, maako sako kan pamanang ini: ako magigin Dios niya asin siya magigin aki ko.

Kapahayagan 22:14

Paladan an mga naglinig kan saindang mga gubing, huli ta tatawan sinda nin deretsong magkakan kan bunga kan kahoy nin buhay, saka maglaog sa mga trangkahan kan syudad.

Kapahayagan 22:17

“Madya!” an sabi kan Espiritu asin kan Nobya. An makadangog kaini dapat man magsabi, “Madya!” Magdolok an siisay man na napapaha; an nagmamawot, mayong bayad na makakakua kan tubig nin buhay.

Kapahayagan 22:2

sagkod sa tahaw kan tinampo kan syudad. Sa mag-ibong na pangpang kan salog idtoon an kahoy nin buhay, na minabunga doseng beses sa taon, sarong beses lambang bulan. An mga dahon kaiyan ginagamit na pambulong sa mga nasyon.