Kapahayagan 2:26 - Marahay na Bareta Biblia

^26-27 An mga manggagana saka magpapadagos sa paggibo kan boot ko sagkod sa kataposan, tatawan ko kan kapangyarihan arog kan itinao sako kan sakong Ama: magsasakop sinda sa mga nasyon na may kapot na pamakol na lansang; papasaon sindang garo mga dalipay na koron.

Kapahayagan 2:26 ပူးပေါင်းရင်းမြစ်များ

Salmo 2:8

Maghagad ka asin ipapamana ko saimo an gabos na nasyon, ipapasadiri ko saimo an bilog na kinaban.

Salmo 2:9

Babarion mo sinda sa paagi nin sarong sugkod na lansang; roronoton mo sinda siring sa sarong koron.”

Salmo 49:14

Arog kan mga karnero, magagadan man sinda; an Kagadanan iyo an saindang magigin pastor. Dadaogon sinda kan mga matanos, mantang an saindang mga hawak naglalapa sa lugar nin mga gadan, harayo sa saindang mga harong!

Daniel 7:18

Alagad an mga banal kan Kahorohalangkaweng Dios iyo an maako nin kapangyarihan na maghade, asin magigin kagsadiri kan kahadean sagkod pa man.”

Daniel 7:22

sagkod na nagdatong an danay na buhay asin naghukom sa ikakarahay kan mga banal kan Kahorohalangkaweng Dios. Nagdatong na an panahon tanganing akoon kan mga banal nin Dios an kapangyarihan na maghade.

Daniel 7:27

An kapangyarihan saka kadakulaan kan gabos na kahadean sa daga itatao sa mga banal kan Kahorohalangkaweng Dios asin magigin mayong tapos an saindang kapangyarihan sa paghade, patin paglilingkodan saka kukuyogon sinda kan gabos na pamayo.”

Mateo 10:22

Ikakaongis kamo kan gabos dahel sako. Alagad an magdanay sagkod sa kataposan makakaligtas.

Mateo 19:28

Nagsimbag si Jesus, “Sa katotoohan sinasabihan ko kamo, sa Bagong Kinaban, kun an Aki nin Tawo magtukaw na sa saiyang mamurawayon na trono, kamo na mga disipulo ko matukaw man sa doseng trono, sa paghukom kan doseng tribu nin Israel.

Mateo 24:13

Alagad an makakatagal sagkod sa kataposan, makakaligtas.

Juan 6:29

Nagsimbag si Jesus, “An ipinapagibo saindo nin Dios iyo ini: magtubod kamo sa sinugo niya.”

Roma 2:7

An mga tawong padagos na naggigibo nin marahay, saka naghahanap nin kamurawayan, nin kaomawan asin buhay na daing kagadanan, tatawan nin Dios nin buhay na daing kataposan.

Roma 8:37

Dai! An gabos na ini madadaog ta huli ki Cristo, na namoot sato!

1 Tesalonica 3:5

Kaya kan dai na ako makatios, sinugo ko si Timoteo na magsiyasat dapit kan saindong pagtubod, huli ta nahandal ako na tibaad nasugotan na kamo kan Diablo, asin masayang sana an samong kapagalan.

Hebreyo 3:6

Alagad maimbod si Cristo bilang Aki na pinaniwalaan kan harong nin Dios. Kita an saiyang harong, kun magdanay kitang pusog asin masarig sa satong pinaglalaom.

Santiago 2:20

Boot mong maaraman, o tawong lolong, na gadan an pagtubod na mayong gibo?

1 Juan 2:19

An mga tawong ini hale sato, alagad bakong kabilang sato; huli ta kun kabilang ta sinda, nagdanay kutana sinda sa kaibahan ta. Alagad huminale sinda tanganing magin maliwanag nanggad na bako sindang kabilang ta.

1 Juan 3:23

An togon niya iyo ini: dapat kitang magtubod sa saiyang Aking si Jesu-Cristo asin magkaminorootan kita, siring sa ipinagboot sato ni Cristo.

1 Juan 5:5

Siisay an nakakadaog kan kinaban? An tawo sana na nagtutubod na si Jesus iyo an Aki nin Dios.

Kapahayagan 2:11

“An may talinga, magdangog sa sinasabi kan Espiritu sa mga simbahan! “An mga manggagana dai na maagi kan ikaduwang kagadanan.

Kapahayagan 2:17

“An may talinga, magdangog sa sinasabi kan Espiritu sa mga simbahan! “Sa mga manggagana itatao ko an iba kan natatagong manna. An lambang saro sainda tatawan ko man nin puting gapo na nasusuratan nin bagong ngaran na mayong siisay man na makakaaram pwera sa maako kaiyan.

Kapahayagan 2:7

“An may talinga, magdangog sa sinasabi kan Espiritu sa mga simbahan! “Sa mga manggagana, itatao ko an deretsong magkakan kan bunga kan kahoy nin buhay na nasa Paraiso nin Dios.

Kapahayagan 20:4

Dangan nakahiling ako nin mga trono. An mga nakatukaw duman iyo an tinawan nin kapangyarihan na maghukom. Nahiling ko man an mga kalag kan mga ginaradan huli kan saindang pagpatotoo dapit ki Jesus saka dapit sa tataramon nin Dios. Dai sinda nagsamba sa hayop o sa ladawan kaini; dai man sinda nagpabugtak kan marka kan hayop sa saindang mga angog o mga kamot. Nabuhay sinda dangan naghade kaiba ni Cristo sa laog nin sangribong taon.

Kapahayagan 21:7

An siisay man na manggagana, maako sako kan pamanang ini: ako magigin Dios niya asin siya magigin aki ko.

Kapahayagan 22:5

Mayo na nin banggi, kaya dai na sinda mangangaipo nin ilaw o liwanag kan aldaw, huli ta an Kagurangnan na Dios iyo an magigin ilaw ninda, asin maghahade sinda sagkod pa man.

Kapahayagan 3:12

An mga manggagana gigibohon kong garo harigi sa templo kan sakong Dios; dai na nanggad sinda mahale diyan. Isusurat ko sa mga hariging iyan an ngaran kan sakong Dios saka an ngaran kan syudad kan sakong Dios, an bagong Jerusalem na maibaba hale sa langit, hale sa sakong Dios. Isusurat ko man sa mga iyan an sakong bagong ngaran.

Kapahayagan 3:21

An mga manggagana kataed kong patutukawon sa sakong trono, arog sako na nanggana, kaya ngunyan nagtutukaw ako kataed kan sakong Ama sa saiyang trono.

Kapahayagan 3:5

An mga manggagana gugubingan man nin puti, saka dai ko paparaon an saindang ngaran sa libro nin buhay. Mimidbidon ko sinda sa atubang kan sakong Ama asin kan saiyang mga anghel.