Kapahayagan 19:18 - Marahay na Bareta Biblia

¹⁸ Madya, kakana nindo an laman kan mga hade, mga heneral saka mga soldados, an laman nin mga kabayo sagkod kan mga nangangabayo, saka an laman kan gabos na tawo, oripon o talingkas, sadit o dakula!”

Kapahayagan 19:18 ပူးပေါင်းရင်းမြစ်များ

Jeremias 16:4

Magagadan sinda huli sa makangingirhat na mga helang, saka mayo nin matangis ni malubong sainda. An saindang mga bangkay garo odo na matatambak sa daga. Magagadan sinda sa gera saka sa gutom, dangan an saindang mga bangkay magigin kakanon kan mga gamgam asin kan mga lalaw na hayop.

Jeremias 19:7

Sa lugar na ini hahalean ko nin halaga an mga plano kan mga taga Juda saka mga taga Jerusalem. Ipapadaog ko sinda asin ipapagadan sa saindang mga kaiwal. An saindang mga bangkay itatao ko sa mga gamgam saka sa mga lalaw na hayop bilang kakanon.

Jeremias 34:20

Itatao ko sinda sa mga kaiwal ninda, na boot gumadan sainda, asin an bangkay ninda kakakanon kan mga gamgam asin kan mga lalaw na hayop.

Jeremias 7:33

An mga bangkay magigin pagkakan kan mga gamgam saka mga lalaw na hayop; mayo nin mabugaw sainda.

Ezekiel 29:5

Ika asin an mga sira itatapok ko sa kalangtadan. An hawak mo mabagsak sa daga, babayaan diyan asin dai ilulubong. Itatao ko iyan sa mga gamgam saka mga hayop bilang kakanon.

Ezekiel 39:17

Nagtaram sako an Kagurangnan Dios, “Aki nin tawo, apodon mo an gabos na klase nin gamgam saka hayop tanganing magdigdi hale sa gabos na direksyon, tanganing kakanon an sakripisyo na inaandam ko para sainda. Saro iyan na dakulang bangkete sa kabukidan nin Israel, saen makakan sinda nin laman asin mainom nin dugo.

Mateo 24:28

“Kun saen an bangkay, diyan man magkakatiripon an mga uwak.

Lukas 17:37

Naghapot an mga disipulo, “Saen ini mangyayari, Kagurangnan?” Nagsimbag si Jesus, “Kun saen an bangkay, duman man matipon an mga uwak.”

Deuteronomio 28:26

Kun garadan na kamo, an saindong mga bangkay kakakanon kan mga gamgam asin mga lalaw na hayop, asin mayong maalaw sainda.

Kapahayagan 11:18

Nagkaaranggot an mga nasyon, alagad an panahon kan saimong kaanggotan nagdatong, asin an panahon sa paghukom sa mga gadan, sa pagtao nin balos sa saimong mga sorogoon, an mga propeta saka an mga banal, asin an mga may pagkatakot sa saimong ngaran, sadit man o dakula. Nag-abot na an panahon sa paglaglag kan mga naglalaglag kan kinaban!”

Kapahayagan 13:16

Pinirit man kan hayop an gabos na tawo, sadit man o dakula, mayaman o dukha, oripon o talingkas, na markahan an saindang toong kamot o an saindang angog.

Kapahayagan 17:16

An nahiling mong sampolong sungay saka an hayop maoongis sa maraot na babae. Hahaleon ninda an gabos na nasa saiya saka babayaan ninda siyang huba; kakakanon ninda an laman niya dangan susuloon.

Kapahayagan 19:5

Dangan may tingog na nagtaram hale sa trono, “Omawon nindo an satong Dios, kamo gabos na sorogoon niya asin kamo na mga may pagkatakot saiya, dakula o sadit!”

Kapahayagan 6:15

Dangan an mga hade sa kinaban, an mga darakulang tawo, an mga opisyal kan hukbo, an mga mayaman saka mga mapangyari asin an gabos na iba pang mga tawo, oripon o bako, nagtago sa mga lungib asin sa mga darakulang gapo nin kabukidan.

1 Samuel 17:44

Nagsabi siya ki David, “Madya na asin itatao ko an saimong hawak sa mga gamgam asin sa mga hayop.”

1 Samuel 17:46

Ngunyan man sanang aldaw, itatao ka nin Kagurangnan sa sakong kamot; dadaogon taka asin pupugoton ko an saimong payo. Itatao ko sa mga gamgam asin sa mga hayop an mga bangkay kan mga Filisteong soldados. Dangan maaaraman kan bilog na daga na igwa nin sarong Dios an Israel.