Kapahayagan 19:16 - Marahay na Bareta Biblia

¹⁶ Nakasurat sa gubing saka hita niya an ngaran na ini: “Hade nin mga hade asin Kagurangnan nin mga kagurangnan.”

Kapahayagan 19:16 ပူးပေါင်းရင်းမြစ်များ

Salmo 136:3

Magpasalamat kamo sa Kagurangnan nin mga kagurangnan; an saiyang pagkamoot mayo nin kataposan.

Salmo 72:11

Gabos na hade magluhod logod sa atubang niya, gabos na nasyon maglingkod saiya.

Salmo 89:27

Gigibohon ko siyang aki kong matua, an pinakahalangkaw sa mga hade kan daga.

Daniel 2:47

Nagsabi an hade, “Totoo mananggad na an saimong Dios iyo an pinakadakula sa gabos na dios, an Kagurangnan kan mga hade, asin an nagpapahayag kan mga misteryo. Aram ko ini huli ta ikinapaliwanag mo an misteryong ini.”

Mateo 25:40

Masimbag an Hade, ‘Sa katotoohan sinasabihan ko kamo, an anoman na ginibo nindo sa saro kan pinakasadit kong mga tugang, ginibo nindo iyan sako!’

Deuteronomio 10:17

Huli ta an Kagurangnan na saindong Dios iyo an Dios nin mga dios, an Kagurangnan nin mga kagurangnan, an dakula, an makakamhan asin maninigong katakotan na Dios. Dai siya nin inaapilan asin dai siya nag-aako nin mga suhol.

1 Timoteo 6:15

Sa tamang panahon, ihahayag siya nin Dios—an Dios na banal saka iyo sanang Kagsakop, Hade nin mga hade, asin Kagurangnan nin mga kagurangnan.

Kapahayagan 1:5

asin hale ki Jesu-Cristo, an maimbod na saksi, na iyo an enot na binuhay liwat, saka iyo man an kagsakop kan mga hade sa kinaban. Namomotan kita ni Cristo. Sa paagi kan saiyang dugo, kinalda niya kita sa satong mga kasalan.

Kapahayagan 17:14

Lalabanan ninda an Kordero, alagad dadaogon sinda kan Kordero saka kan saiyang mga inapod, pinili, saka maimbod na mga parasunod, huli ta siya an Kagurangnan nin mga kagurangnan asin Hade nin mga hade.”

Kapahayagan 2:17

“An may talinga, magdangog sa sinasabi kan Espiritu sa mga simbahan! “Sa mga manggagana itatao ko an iba kan natatagong manna. An lambang saro sainda tatawan ko man nin puting gapo na nasusuratan nin bagong ngaran na mayong siisay man na makakaaram pwera sa maako kaiyan.