Kapahayagan 19:12 - Marahay na Bareta Biblia

¹² An saiyang mga mata garo naglalaad na kalayo; dakul na korona an nasa payo niya. Nasusurat sa saiya an sarong ngaran na siya sana an nakakaaram.

Kapahayagan 19:12 ပူးပေါင်းရင်းမြစ်များ

Genesis 32:29

Nagsabi si Jacob, “Sabihan man sako an ngaran mo.” Nagsimbag an lalaki, “Tano ta gusto mong maaraman an sakong ngaran?” Dangan benendisyonan niya si Jacob.

Salmo 8:5

Alagad ginibo mo siyang hababang kadikit sa mga anghel. Kinoronahan mo siya nin kamurawayan asin kaomawan.

Exodo 23:21

Magdangog kamo saiya asin magsunod sa gabos niyang sasabihon. Dai nindo siya pagkontrahon huli ta sugo ko siya, asin dai niya papatawadon an saindong pagkakasala.

Mga Talinhaga 30:4

Siisay an nagsakat sa langit dangan naghilig? Siisay an nakapugol kan doros sa saiyang mga kamot? Siisay an nakapatos kan katubigan sa sarong pedaso nin tela? Siisay an nagbugtak kan mga pagdolonan kan kinaban? Siisay siya, kun aram mo? Siisay an saiyang aking lalaki?

Awit nin mga Awit 3:11

Mga babae nin Sion, madya asin hilinga nindo si Hadeng Solomon. Sulot niya an korona na ibinugtak kan saiyang ina sa aldaw na siya kinasal, sa aldaw nin saiyang kaogmahan.

Isaias 62:3

Makakaagid ka sa sarong magayon na korona para sa Kagurangnan.

Isaias 9:6

Huli ta sarong aki an namundag sato! Sarong aking lalaki an itinao sato! Siya an satong magigin pamayo. Aapodon siyang, “Makangangalas na Parahatol,” “Makakamhan na Dios,” “Amang daing kataposan,” “Prinsipe nin Katoninongan.”

Daniel 10:6

An saiyang hawak nagkikinang siring sa sarong mahalagang bato. An saiyang lalawogon maliwanag siring sa kikilat, asin an saiyang mga mata naglalaad siring sa kalayo. An saiyang mga takyag saka mga tabay nagliliwanag siring sa pinakinang na bronse; nakakaagid sa ribok nin kadakul na tawo an saiyang tingog.

Zacarias 9:16

Pag-abot kan aldaw na iyan, ililigtas nin Kagurangnan an saiyang banwaan, siring kan pagligtas nin sarong pastor sa saiyang mga karnero na nasa pag-alaman. Magliliwanag sinda sa saiyang daga arog sa mamahalon na bato sa sarong korona.

Mateo 11:27

“Itinao sako kan sakong Ama an gabos na bagay. Mayong nakakamidbid sa Aki kundi an Ama sana; mayo man nin nakakamidbid sa Ama kundi an Aki sana, asin an boot kan Aki na pahayagan.

Mateo 21:5

“Sabihan nindo an syudad nin Sion, Hilinga, an saimong hade madatong saimo. Siya mahuyo saka nakalunad sa sarong asno, asin sa sarong torilyong ogbon nin asno.”

Mateo 28:18

Dinolok sinda ni Jesus asin sinabihan, “Itinao sako an gabos na kapangyarihan sa langit asin sa daga.

Lukas 10:22

“Itinao sako kan sakong Ama an gabos na bagay. Mayong nakakamidbid sa Aki kundi an Ama sana; mayo man nin nakakamidbid sa Ama kundi an Aki sana asin an boot kan Aking makamidbid sa Ama.”

Juan 17:11

Ngunyan madiyan na ako saimo; mayo na ako sa kinaban, alagad mawawalat sinda sa kinaban. O Banal na Ama, huli kan kapangyarihan kan saimong ngaran, pangatamana an mga itinao mo sako, tanganing magkasararo sinda siring na kita saro.

Juan 17:12

Kan ako kaiba pa ninda, ilinikay ko sinda huli sa kapangyarihan kan ngaran mo, an ngaran na itinao mo sako. Binantayan ko sinda asin mayo sainda nin nawara, pwera kan saro na talagang mawawara, tanganing maotob an kasuratan.

Efeso 1:21

Sakop duman ni Cristo an gabos na langitnon na paghahade, awtoridad, kapangyarihan, asin mga pamamayo; an ngaran niya mas halangkaw ki sa gabos na ngaran, bako sanang sa panahon na ini kundi sa maabot pa.

Hebreyo 2:9

Alagad nahihiling ta si Jesus, na sa dikit na panahon ginibong mas hababa ki sa mga anghel, tanganing sa paagi kan biyaya nin Dios, magadan siya para sa gabos na tawo. Ngunyan nahihiling ta siyang nakokoronahan nin kamurawayan asin kaomawan huli kan kagadanan na tinios niya.

Kapahayagan 1:14

Maputi an saiyang buhok arog kan gapas o nyebe; an mga mata niya garo kalayong naglalaad.

Kapahayagan 12:3

Saro pang tanda an nagtunga sa langit; igwa nin sarong dakulang dragon na kolor pula, may pitong payo saka sampolong sungay, asin may korona an lambang payo kaiyan.

Kapahayagan 13:1

Dangan nahiling ko an sarong hayop na nagbubutwa sa dagat. May sampolong sungay idto saka pitong payo. Igwa nin korona an lambang sungay; asin sa lambang payo may nakasurat na ngaran na naglalanghad sa Dios.

Kapahayagan 19:16

Nakasurat sa gubing saka hita niya an ngaran na ini: “Hade nin mga hade asin Kagurangnan nin mga kagurangnan.”

Kapahayagan 3:12

An mga manggagana gigibohon kong garo harigi sa templo kan sakong Dios; dai na nanggad sinda mahale diyan. Isusurat ko sa mga hariging iyan an ngaran kan sakong Dios saka an ngaran kan syudad kan sakong Dios, an bagong Jerusalem na maibaba hale sa langit, hale sa sakong Dios. Isusurat ko man sa mga iyan an sakong bagong ngaran.

Kapahayagan 6:2

Nahiling ko an sarong kabayong puti. An nangangabayo may kapot na pana, asin tinawan siya nin korona. Dangan nagluwas siya bilang sarong mapanggana tanganing padagos pang manggana.

Hukom 13:18

Naghapot an anghel, “Tano ta boot nindong maaraman? An ngaran ko sarong ngaran nin ngangalasan.”