Kapahayagan 19:10 - Marahay na Bareta Biblia

¹⁰ Duminapa ako sa pamitisan niya sa pagsamba saiya, alagad sinaway niya ako, “Dai mo iyan paggibohon! Sorogoon man akong arog saimo, arog kan saimong mga tugang na nagdadanay sa katotoohan na ipinahayag ni Jesus. Sambahon mo an Dios!” Huli ta an katotoohan na ipinahayag ni Jesus iyo an buhay kan propesiya.

Kapahayagan 19:10 ပူးပေါင်းရင်းမြစ်များ

2 Mga Hade 17:36

Kuyogon nindo ako, an Kagurangnan, na nagluwas saindo hale sa Egipto sa dakulang kapangyarihan asin kosog; magduko kamo sako asin magdolot nin atang.

Salmo 45:11

Mamawoton kan hade an saimong kagayonan; siya an saimong kagurangnan, kaya kuyogon mo siya.

Exodo 34:14

“Dai kamo magsamba sa ibang dios, huli ta ako an Kagurangnan, na an ngaran Maimon, sarong maimon na Dios.

Daniel 2:46

Dangan nagluhod sa daga si Hadeng Nebukadnezzar asin nagboot na mag-atang nin mga sakripisyo saka mga dolot ki Daniel.

Daniel 7:10

Hale sa saiyang trono nagbubulos an sarong salog nin kalayo. Yaon duman an ribo-ribong tawo na naglilingkod saiya, asin an milyon-milyon na nagtitindog sa saiyang atubang. Nagbukas an korte sa pagdangog kan mga kaso, asin binukasan an mga libro.

Mateo 4:10

Sinimbag siya ni Jesus, “Humale ka, Satanas! Huli ta nasusurat, ‘Sambahon mo an Kagurangnan mong Dios, asin siya sana an saimong paglingkodan.’”

Markos 5:22

kan umabot an saro sa mga namamayo kan sinagoga na an ngaran Jairo. Kan mahiling niya si Jesus, nagluhod siya sa pamitisan kaini,

Markos 7:25

Naaraman kan sarong babae, na may aking daragita na may maraot na espiritu, na idtoon si Jesus. Nagduman siya tolos ki Jesus dangan nagdapa sa atubangan kaini.

Lukas 1:19

Nagsimbag an anghel, “Ako si Gabriel na naglilingkod sa atubang nin Dios. Sinugo ako nganing taraman ka asin darahon saimo an marahay na baretang ini.

Lukas 24:44

Pakatapos, sinabihan niya sinda, “Iyo ini an mga sinabi ko saindo kan kaiba pa nindo ako: dapat maotob an gabos na isinurat dapit sako sa Katogonan ni Moises, sa kasuratan kan mga propeta asin sa mga Salmo.”

Juan 5:39

Pinag-aadalan nindo an mga Kasuratan, huli ta naghohona kamong diyan makukua an buhay na daing kataposan. An mismong mga kasuratan an nagpapatotoo dapit sako!

Mga Gibo 10:43

An gabos na propeta nagpatotoo dapit ki Jesus, na an siisay man na minatubod saiya papatawadon kan mga kasalan huli sa ngaran niya.”

Mga Gibo 13:27

Huli ta an mga tawong nag-eerok sa Jerusalem, saka an saindang mga lider, dai nakamidbid na si Jesus an Paraligtas. Dai man ninda nasabotan an mga tataramon kan mga propeta na pinagbabasa sa sinagoga kun aldaw na Sabbath; sinda mismo an nag-otob kan sinabi kan mga propeta kan hatolan ninda si Jesus.

2 Corinto 8:7

Nangongorog kamo sa gabos na bagay: sa pagtubod, sa pagtaram, sa pakaaram, sa saindong kaigotan na makatabang samo, asin sa saindong pagkamoot samo; kaya boot ko man na mag-orog kamo sa pagkamatinao.

Efeso 5:15

Kaya mag-ingat kamo sa saindong pamumuhay. Mamuhay kamo siring sa mga madonong, bakong siring sa mga tawong mangmang.

Efeso 5:33

Ini sinasabi ko man saindo: dapat na mamotan kan lambang lalaki an saiyang agom siring kan pagkamoot niya sa sadiri niya; dapat galangan kan lambang babae an saiyang agom.

Filipos 3:3

Kita an tunay na pagkaniserkomsisyonado, bakong sinda; huli ta nagsasamba kita sa Dios sa paagi nin Espiritu asin nagmumuraway diyan ki Cristo Jesus. Dai kita nananarig sa seremonya sa hawak,

1 Tesalonica 5:15

Hingowahon nindo na mayo saindong magbalos nin maraot sa maraot, kundi dayaday kamong maggibo nin marahay sa lambang saro saindo saka sa gabos na tawo.

Hebreyo 1:14

Kun siring, ano an mga anghel? Sinda an mga espiritung naglilingkod sa Dios; sinusugo niya sindang magtabang sa mga mag-aako nin kaligtasan.

Hebreyo 12:25

Mag-ingat kamo na dai nindo ipagsikwal an nagtataram saindo. Kun dai nakadulag an mga dai nagdangog sa mga patanid nin Dios kan magtaram siya sa paagi ni Moises, kita pa daw an makadulag kun isikwal ta an nagpapatanid sato hale sa langit?

1 Juan 5:10

Kaya an siisay man na minatubod sa Aki nin Dios igwa kan patotoong ini sa saiyang puso; alagad an dai minatubod sa Dios, ginigibo niyang putikon an Dios, huli ta dai siya minatubod kan sinabi nin Dios dapit sa saiyang Aki.

1 Juan 5:21

Mga aki, maglikay kamo sa mga dios-dios.

Kapahayagan 1:1

Nasusurat sa librong ini an kapahayagan hale ki Jesu-Cristo. Ipinahayag ini nin Dios saiya tanganing ikapahiling niya sa saiyang mga sorogoon an mga bagay na mangyayari na. Sinugo ni Cristo an saiyang anghel na sabihan si Juan kan kapahayagan.

Kapahayagan 1:9

Ako, si Juan na saindong tugang, huli sa pakisumaro ki Jesus, kadamay nindo sa kasakitan asin sa pagtios na minaabot sa mga kaayon sa Kahadean niya. Itinapok ako sa isla kan Patmos huli ta ipinaghulit ko an tataramon nin Dios asin an patotoo kaiyan ni Jesus.

Kapahayagan 12:11

Dinaog siya kan satong mga tugang huli kan dugo kan Kordero asin huli kan katotoohan kan saindang pagsaksi; dai sinda natakot na mawaraan nin buhay—andam sindang magadan.

Kapahayagan 12:17

Naanggot nin makuri an dragon sa babae, kaya kinalaban niya an ibang kapagarakian kan babae na nagkukuyog kan mga katogonan nin Dios asin nagsasaksi ki Jesus.

Kapahayagan 14:7

Nagtaram siya sa makosog na tingog, “Matakot kamo sa Dios asin omawon nindo siya, huli ta nag-abot na an panahon nin saiyang paghukom sa katawohan. Sambahon nindo an Kaglalang kan langit, daga, dagat saka kan mga burabod!”

Kapahayagan 15:4

Siisay an dai matatakot saimo, Kagurangnan? Siisay an dai maomaw kan saimong ngaran? Huli ta ika sana an banal. Gabos na nasyon madolok saka masamba saimo, huli ta an mga matanos mong gibo nahihiling kan gabos.”

Kapahayagan 19:9

Nagsabi sako an anghel, “Isurat mo ini: Paladan an mga imbitado sa bangkete sa kasal kan Kordero.” Nagtaram pa an anghel, “Ini an mga totoong tataramon nin Dios.”

Kapahayagan 4:10

an beynte y kwatrong kamagurangan minaluhod dangan minasamba sa atubang kan nagtutukaw sa trono, na nabubuhay sagkod pa man. Ibinubugtak ninda sa atubangan kan trono an saindang mga korona saka minaawit: