Kapahayagan 18:9 - Marahay na Bareta Biblia

⁹ Pagtatangisan asin paghahayaan siya kan mga hade sa kinaban na nakipagdorogan saiya asin nagpalabi sa kaibahan niya, kun mahiling ninda an aso nin saiyang pagkasulo.

Kapahayagan 18:9 ပူးပေါင်းရင်းမြစ်များ

Genesis 19:28

Nagdungaw siya sa Sodoma saka sa Gomorra patin sa bilog na kapantayan asin nahiling niya an aso na nag-iitaas hale sa daga, siring sa aso na gikan sa sarong dakulang horno.

Salmo 58:10

An matanos mag-oogma kun mahiling niya an pagpadusa sa makasalan; mahanaw siya kan saiyang mga bitis sa dugo kan tampalasan.

Isaias 13:19

An Babilonia iyo an pinakamagayon sa gabos na kahadean; iyan an orgulyo kan saiyang mga namamanwaan. Alagad ako, an Kagurangnan, an marumpag sa Babilonia siring kan ginibo ko sa Sodoma asin sa Gomorra.

Isaias 30:33

Haloy nang panahon na inandam an sarong lugar saen susuloon an hade kan Asiria sa sarong dakulang kalayo. Hararom saka mahiwas an lugar, asin halangkaw an tambak nin kahoy. An Kagurangnan an mahangos nin kalayo nganing makutan iyan.

Jeremias 50:40

An nangyari sa Sodoma saka sa Gomorra kan raoton ko an mga syudad na iyan asin an mga kataraed na mga banwa, mangyayari man sa Babilon. Mayo na nin tawong mag-eerok duman sagkod lamang. Ako, an Kagurangnan, an nagtaram.

Jeremias 50:46

Sa ribok kan pagbagsak kan Babilon, makonogkonog an bilog na daga, asin an saiyang kinurahaw huli sa takot madadangog kan ibang mga nasyon.”

Jeremias 51:8

Bigla an pagbagsak saka pagraot sa Babilonia! Magmondo kamo para saiya! Magkua kamo nin bolong para sa saiyang mga lugad, ta tibaad maomayan siya.

Ezekiel 27:35

“An gabos na nag-eerok sa tampi kan dagat namongnan sa nangyari saimo. Nagtarakig maski an saindang mga hade, asin nahiling sa saindang lalawogon an pagkatakot.

Daniel 4:14

Nagpahayag siya sa makosog na tingog, ‘Paloda an kahoy asin purutola an mga sanga kaiyan; rapgosa nindo an mga dahon dangan warakan an mga bunga kaiyan. Pahalea nindo an mga hayop sa irarom kaiyan asin an mga gamgam sa mga sanga.

Deuteronomio 29:23

Magigin alang asin tutong an kaomahan na natatambonan nin asupre saka asin; dai iyan tatanoman asin dai tataluboan nin ano man maski kan doot. An saindong daga magigin siring sa mga syudad nin Sodoma saka Gomorra, nin Adma asin Zeboiim, na tinunaw nin Kagurangnan kan siya maanggot nin marahay.

1 Timoteo 5:11

Dai mo ipaglista an mga babaeng balo na hoben pa; huli ta kun magpaagom giraray sinda dahel kan saindang mga kamawotan, tatalikodan ninda si Cristo.

Kapahayagan 14:11

An aso kan kalayong magpapasakit sainda, mag-iitaas sagkod pa man. An mga nagsamba kan hayop asin kan saiyang ladawan, saka nag-ako kan marka kan ngaran kaiyan, mayo nin kapahingaloan aldaw-banggi.”

Kapahayagan 17:2

An mga hade sa kinaban nakipagdorogan saiya. Naburat an mga nag-eerok sa kinaban huli kan saiyang arak nin karigsokan.”

Kapahayagan 18:18

kan mahiling ninda an aso kan saiyang pagkasulo, nagkurahaw sinda, “Mayo pa nin syudad na arog kadakula kan syudad na iyan!”

Kapahayagan 18:20

Mag-ogma ka, O kalangitan, huli kan saiyang pagkarumpag! Mag-ogma kamo, mga banal, mga apostol asin mga propeta, huli ta hinukoman na siya nin Dios dahel kan ginibo niya saindo!

Kapahayagan 18:3

Huli ta an gabos na nasyon nag-inom kan arak nin saiyang karigsokan. An mga hade sa kinaban nakipagdorogan saiya asin an mga negosyante sa daga nagyaman huli kan sobra niyang kapasloan sa laman.”

Kapahayagan 18:7

Pasakitan saka papagtioson nindo siya, katimbang kan saiyang kapaabaw-abawan asin kalabihan. Huli ta dayaday siyang nagsasabi sa sadiri niya, ‘Nagtutukaw ako bilang reyna! Bako akong balo, dai nanggad ako magmomondo!’

Kapahayagan 19:3

Nagkurahaw giraray sinda, “Pag-omawon an Dios! An aso kan nagkakalayong dakulang syudad nag-iitaas sagkod pa man!”

Kapahayagan 2:22

Kaya papahelangon ko siya asin an mga nagsambay saiya. Gigibohon ko ini kun dai sinda magbakle sa mga maraot na ginibo ninda kaiba niya.