Kapahayagan 18:8 - Marahay na Bareta Biblia

⁸ Huli kaini, sarabay na maabot saiya, sa laog nin sarong aldaw, an mga peste: helang, kamondoan saka gutom. Tututongon siya kan kalayo, huli ta makakamhan an Kagurangnan na Dios na mahukom saiya.”

Kapahayagan 18:8 ပူးပေါင်းရင်းမြစ်များ

An Libro ni Job 9:19

Kun kosog an sakong gamiton, mangyari daw iyan? Kun paatubangon ko siya sa hukoman, siisay an makakapaduman saiya?

Salmo 62:11

Sobra sa sarong beses nadangog kong nagtaram an Dios na saiya sana an kapangyarihan

Isaias 27:1

Sa aldaw na iyan, gagamiton nin Kagurangnan an saiyang mapangyari saka nakakagadan na espada tanganing padusahan an Leviatan, an nagdudulag saka nagbubulonbukon na halas, asin tanganing gadanon an dragon na yaon sa dagat.

Isaias 9:14

Kaya papadusahan nin Kagurangnan an mga lider saka an banwaan nin Israel sa saro sanang aldaw; pupuhoon niya sinda, payo sagkod ikog.

Jeremias 50:31

“Babilonia, pano ka nin kapaabaw-abawan, kaya ako, an Kagurangnan Dios nin mga hukbo, kalaban mo. Nag-abot na an saimong aldaw, an panahon tanganing padusahan taka.

Jeremias 50:34

Alagad makosog an saindang Paratubos; an ngaran niya iyo an Kagurangnan nin mga hukbo. Siya an nakikilaban para sainda, asin mapadara siya nin katoninongan sa daga, alagad kahorasaan sa mga taga Babilonia.”

Jeremias 51:58

An mahiwas na kudal nin Babilonia papatagon, saka an halangkaw na mga trangkahan susuloon. Mayo nin halaga an gibo kan mga nasyon; magkakalayo an saindang pinagpagalan. Ako, an Kagurangnan nin mga hukbo, an nagtaram.”

Jeremias 51:6

Maghale kamo sa Babilonia! Iligtas nindo an sadiri nindong buhay! Dai nindo ipahamak an saindong sadiri nin huli kan kasalan kan Babilonia. Binabalos ko siya ngunyan asin pinapadusahan kan maninigo saiya.

Joel 2:11

Pakurahaw na pinagbotan nin Kagurangnan an saiyang hukbo. Dakul asin makosog an mga soldados na nagkukuyog sa saiya. Mangirhat nanggad an aldaw nin Kagurangnan! Siisay an makakatagal kaiyan?

1 Corinto 10:22

O tibaad boot nyatong mag-imon an Kagurangnan? Mas makosog daw kita saiya?

Kapahayagan 11:17

na nagsasabi, “Nagpapasalamat kami saimo, Kagurangnan Dios na Makakamhan, na iyo ngunyan asin kaidto; huli ta ginamit mo an saimong dakulang kapangyarihan, dangan nagpoon ka nang maghade!

Kapahayagan 17:16

An nahiling mong sampolong sungay saka an hayop maoongis sa maraot na babae. Hahaleon ninda an gabos na nasa saiya saka babayaan ninda siyang huba; kakakanon ninda an laman niya dangan susuloon.

Kapahayagan 17:18

“An nahiling mong babae iyo an dakulang syudad na may kapangyarihan sa mga hade kan kinaban.”

Kapahayagan 18:17

Sa laog nin saro sanang oras nawara saiya an gabos na kayamanan na iyan!” An gabos na kapitan nin mga barko, mga pasahero, mga tripulante dangan an gabos na naghahanap-buhay sa dagat nagtindog sa harayo;

Kapahayagan 18:19

Nagbugtak sinda nin alpog sa payo, nagtangis saka nagmondo patin nagsabi, “Makangingirhat! Makatatakot an nangyari sa dakulang syudad na iyan, saen nagyaman an gabos na mga may barkong naglalayag sa dagat huli kan saiyang kayamanan! Sa laog nin saro sanang oras nawara saiya an gabos!”

Kapahayagan 19:3

Nagkurahaw giraray sinda, “Pag-omawon an Dios! An aso kan nagkakalayong dakulang syudad nag-iitaas sagkod pa man!”