Kapahayagan 18:5 - Marahay na Bareta Biblia

⁵ Huli ta an saiyang mga kasalan tambak na sagkod sa kalangitan, dai malilingawan nin Dios an saiyang karatan.

Kapahayagan 18:5 ပူးပေါင်းရင်းမြစ်များ

2 Mga Cronica 28:9

Alagad may sarong propeta nin Kagurangnan, na an ngaran Oded, an nag-erok kaidto sa syudad nin Samaria. Sinabat niya an mga nagbaralik na Israelita kaiba an mga bihag na taga Juda, asin sinabihan, “Anggot sa Juda an Kagurangnan na Dios kan saindong mga ginikanan, kaya tinugotan niyang madaog nindo sinda. Alagad nakaabot sa langit an makuring paggadan nindo sainda.

Esdras 9:6

Nagsabi ako, “O Dios, nasosopog ako na iitaas an sakong lalawogon sa atubangan mo, huli ta mas halangkaw an samong mga kasalan ki sa samong mga payo, asin an samong karatan nakakaabot sagkod sa kalangitan.

Jeremias 51:9

Nagsabi an mga dayuhan na nag-eerok duman, ‘Hiningowa mi na tabangan an Babilonia, alagad huri na an gabos. Pabayaan ta na siya saka magbalik na kita sa sadiri tang banwaan. Bilog na kosog na pinadusahan nin Dios an Babilonia asin rinumpag niya nanggad ini.’”

Jonas 1:2

Nagsabi siya, “Magduman ka sa Nineve, idtong dakulang syudad, asin magtaram ka laban sa syudad, huli ta aram ko kun gurano karaot an mga namamanwaan duman.”

Kapahayagan 16:19

An dakulang syudad nabanga sa tolong kabtang; narumpag an mga syudad sa gabos na nasyon. Nagiromdoman nin Dios an bantog na Babilonia; pinainom niya ini nin arak sa kopa niya—an arak kan saiyang makuring kaanggotan.