Kapahayagan 18:20 - Marahay na Bareta Biblia

²⁰ Mag-ogma ka, O kalangitan, huli kan saiyang pagkarumpag! Mag-ogma kamo, mga banal, mga apostol asin mga propeta, huli ta hinukoman na siya nin Dios dahel kan ginibo niya saindo!

Kapahayagan 18:20 ပူးပေါင်းရင်းမြစ်များ

Salmo 107:42

Nahihiling ini kan matanos asin naoogma sinda, alagad dai pinapagirong an mga maraot.

Salmo 109:28

Maldisyonon man ninda ako, alagad ako bebendisyonan mo. Mapasopog logod an mga nang-aapi sako; asin mag-ogma logod an sorogoon mo.

Salmo 18:47

Tinawan niya ako nin kapangganahan tumang sa sakong mga kalaban; pinasakop niya sako an mga nasyon,

Salmo 48:11

mag-ogma an mga taga Sion! Mag-ogma an mga aking babae nin Juda, huli kan mga matanos mong paghukom!

Salmo 58:10

An matanos mag-oogma kun mahiling niya an pagpadusa sa makasalan; mahanaw siya kan saiyang mga bitis sa dugo kan tampalasan.

Salmo 94:1

Kagurangnan, ika sarong Dios na nagpapadusa; pahilingan an saimong kaanggotan!

Mga Talinhaga 11:10

Nag-oogma an syudad kun an matanos nagkakaigwa nin marahay na palad, asin nagkakaigwa nin maogmang mga kinurahaw kun nagagadan an maraot.

Isaias 26:21

Huli ta madatong an Kagurangnan hale sa langitnon niyang erokan tanganing padusahan an mga tawo kan saindang mga kasalan. An mga panggagadan na ginibo sa hilom mahahayag, asin dai na tatagoon kan daga an mga bangkay kan mga nagkagaradan.

Isaias 44:23

Pagkurahaw sa kaogmahan, o kalangitan! Pagkurahaw, o hararom na mga lugar kan daga! Pagkurahaw sa kaogmahan, o kabukidan, asin lambang kahoy kan kadlagan! Ipinahiling nin Kagurangnan an saiyang kadakulaan sa pagligtas kan saiyang banwaan na Israel.

Isaias 49:13

Pag-awit, kalangitan! Pagkurahaw sa kaogmahan, kinaban! Mag-arawit logod an kabukidan! Huli ta rarangahon nin Kagurangnan an saiyang banwaan; maheherakan niya an nagtitios niyang banwaan.

Sofonias 3:15

Inontok nin Kagurangnan an pagpadusa saimo; hinale niya an gabos mong kaiwal. An Kagurangnan, an Hade nin Israel, kaibahan mo; mayo ka na nin dahelan tanganing matakot.

Efeso 2:20

Kamo man pinatindog sa pundasyon na ibinugtak kan mga apostol saka kan mga propeta, na an gapong patugmadan iyo si Cristo Jesus mismo.

Efeso 3:5

Kan mga panahon na nakaagi, dai ipinahayag an misteryong ini sa kiisay man, alagad ngunyan ipinahayag ini kan Espiritu sa mga banal niyang apostol saka sa mga propeta.

Efeso 4:11

Siya an “nagtao nin mga balaog sa mga tawo.” An iba ginibo niyang apostol, an iba propeta, an iba ebanghelista, an iba mga pastor saka mga paratukdo.

Deuteronomio 32:42

Ipapainom ko sa sakong pana an saindang dugo. Kakakanon kan sakong espada an laman kan gabos na minasuhay sako. Mayo akong itatada sa mga minalaban sako; magagadan maski an mga nalugadan asin an mga bilanggo.’

2 Pedro 3:2

Boot kong giromdomon nindo an mga sinabi kaidto kan mga banal na propeta, saka an togon kan Kagurangnan asin Paraligtas na itinukdo saindo kan mga apostol nindo.

Judas 1:17

Alagad mga namomotan, kaipuhan giromdomon nindo an mga sinabi saindo kaidto kan mga apostol ni Jesu-Cristo na satong Kagurangnan.

Kapahayagan 12:12

Kaya mag-ogma kamo, kalangitan asin kamo gabos na nag-eerok diyan! Alagad herak man saindo, o daga asin dagat! Huli ta yaon na diyan saindo an Diablo; anggot siya nin makuri, huli ta aram niyang halipot na sana an panahon na natatada para saiya.”

Kapahayagan 18:6

Gibohon nindo saiya an ginibo niya saindo; baloson nindo nin doble an saiyang ginibo. An saiyang kopa panoon nindo nin inomon na doble an isog ki kan inandam niyang inomon para saindo.

Kapahayagan 6:10

Nagkurahaw sinda, “Mapangyaring Kagurangnan, banal asin totoo! Nuarin mo huhukoman asin papadusahan an mga tawong guminadan samo?”

Hukom 5:31

Magkagaradan logod, sa siring na paagi an gabos mong kaiwal, O Kagurangnan, alagad magliwanag logod an saimong mga katood siring sa minasirang na aldaw! Dangan nagkaigwa nin katoninongan sa daga sa laog nin kwarentang taon.