Kapahayagan 18:19 - Marahay na Bareta Biblia

¹⁹ Nagbugtak sinda nin alpog sa payo, nagtangis saka nagmondo patin nagsabi, “Makangingirhat! Makatatakot an nangyari sa dakulang syudad na iyan, saen nagyaman an gabos na mga may barkong naglalayag sa dagat huli kan saiyang kayamanan! Sa laog nin saro sanang oras nawara saiya an gabos!”

Kapahayagan 18:19 ပူးပေါင်းရင်းမြစ်များ

2 Samuel 13:19

Nagbugtak siya nin abo sa saiyang payo, ginisi an saiyang halabang gubing, dangan naglakaw na naghihibi mantang tinatahoban kan mga kamot an saiyang lalawogon.

Nehemias 9:1

Kan ikabeynte y kwatrong aldaw kan bulan na idto, nagtiripon an banwaan nin Israel sa pag-ayuno asin pagmondo para sa saindang mga kasalan. Nagsulot sinda nin sako saka nagbugtak nin daga sa saindang mga payo bilang tanda nin pagmondo.

An Libro ni Job 2:12

Harayo pa sinda, nahiling na ninda si Job, alagad dai ninda namidbidan. Kan mamidbid na ninda siya, naghiribi asin nagharaya sinda. Ginirisi ninda an saindang gubing sa kamondoan dangan nagpatoron nin alpog sa itaas saka sa saindang payo.

Isaias 13:19

An Babilonia iyo an pinakamagayon sa gabos na kahadean; iyan an orgulyo kan saiyang mga namamanwaan. Alagad ako, an Kagurangnan, an marumpag sa Babilonia siring kan ginibo ko sa Sodoma asin sa Gomorra.

Mga Panambitan 2:10

An mga kamagurangan nin Jerusalem mayong ribok na nagtutukaw sa daga; nagbugtak sinda nin abo sa payo, asin sa pagmondo naggubing nin sako. An mga daraga nin Jerusalem nagduko na kan saindang mga payo sa daga.

Ezekiel 27:30

Nagmomondo sinda nin makuri para saimo, nagbubugtak nin alpog sa saindang payo asin nagliligid sa abo.

Josue 7:6

Sa dakulang kamondoan ginisi ni Josue asin kan mga lider nin Israel an saindang mga gubing. Nagdapa sinda sa daga sa atubangan kan Kaban nin Tipan nin Kagurangnan sagkod sa banggi asin binugtakan ninda nin abo an saindang payo.

Kapahayagan 17:16

An nahiling mong sampolong sungay saka an hayop maoongis sa maraot na babae. Hahaleon ninda an gabos na nasa saiya saka babayaan ninda siyang huba; kakakanon ninda an laman niya dangan susuloon.

Kapahayagan 18:10

Matindog sinda sa harayo, huli ta takot sindang madamay sa saiyang kasakitan, dangan masabi sinda, “Makangingirhat! Ining dakula saka mapangyaring syudad nin Babilonia! Sa laog nin saro sanang oras nagdatong an padusa mo!”

Kapahayagan 18:3

Huli ta an gabos na nasyon nag-inom kan arak nin saiyang karigsokan. An mga hade sa kinaban nakipagdorogan saiya asin an mga negosyante sa daga nagyaman huli kan sobra niyang kapasloan sa laman.”

Kapahayagan 18:8

Huli kaini, sarabay na maabot saiya, sa laog nin sarong aldaw, an mga peste: helang, kamondoan saka gutom. Tututongon siya kan kalayo, huli ta makakamhan an Kagurangnan na Dios na mahukom saiya.”

1 Samuel 4:12

Sarong lalaki na gikan sa tribu ni Benjamin an nagdalagan hale sa lugar nin ralaban asin nakaabot sa Shilo kan aldaw man sanang idto. Ginirisi niya an saiyang gubing asin binugtakan nin daga an saiyang payo sa pagpahiling kan saiyang kamondoan.