Kapahayagan 17:8 - Marahay na Bareta Biblia

⁸ An hayop na nahiling mo dating buhay kaidto, alagad ngunyan gadan na; iyan madali nang humawas sa dai matugkad na kairaroman, dangan maduman na sa sadiri niyang kapahamakan. An mga tawong nag-eerok sa daga na an ngaran dai nakasurat sa libro nin buhay bago lalangon an kinaban, magngangalas pakahiling ninda kan hayop, huli ta iyan dating buhay kaidto, ngunyan gadan na, alagad matunga giraray.

Kapahayagan 17:8 ပူးပေါင်းရင်းမြစ်များ

Salmo 69:28

Paraa sinda sa libro kan mga nabubuhay; sa listahan kan mga matanos dai mo sinda ibilang.

Daniel 11:45

Papatindogon niya an saiyang garo mga palasyong tolda sa pagultanan kan dagat asin bukid na natutugdokan kan Templo. Alagad magagadan siyang mayo nin saro duman na matabang saiya.”

Daniel 7:11

Mantang naghihiling ako, nadadangog ko pa an paghambog saka pagpaabaw-abaw kan sadit na sungay. Mantang nagmamasid ako, ginadan an ikaapat na hayop dangan an bangkay kaini itinapok sa kalayo asin natutong.

Daniel 7:26

Dangan matukaw an langitnon na korte sa paghukom, sa paghale kan saiyang kapangyarihan, asin sa pagraot saiya sagkod lamang.

Daniel 7:3

Dangan may nagtungang apat na manlaen-laen na darakulang hayop.

Daniel 7:7

Mantang naghihiling pa ako, nagtunga an ikaapat na hayop. Makosog ini, makatatakot, asin makangingirhat. Rinonot kaini an saiyang mga biktima sa paagi kan darakulang lansang na ngipon, dangan tinimaktimakan. Napapalaen ini sa mga hayop na nagkaerenot; igwa ini nin sampolong sungay.

Mateo 25:34

Dangan masabi an Hade sa mga tawo na nasa too niya, ‘Madya kamo, mga paladan kan sakong Ama! Lumaog kamo sa Kahadean na inandam para saindo poon na lalangon an kinaban.

Lukas 10:20

Alagad mag-ogma kamo bakong huli ta nagkukuyog saindo an mga maraot na espiritu kundi huli ta nasusurat sa langit an saindong mga ngaran.”

Lukas 8:31

Nakimaherak ki Jesus an mga demonyo na dai sinda isubol sa hararom na ampas.

Juan 17:24

“Ama, mawot ko na sinda man na itinao mo sako makaiba ko kun saen ako, nganing mahiling ninda an kamurawayan na itinao mo sako; huli ta namotan mo ako bago lalangon an kinaban.

Mga Gibo 15:18

Ini an sinasabi nin Kagurangnan, na nagpahayag kan mga bagay na ini haloy nang panahon.’

Efeso 1:4

Bago lalangon an kinaban, pinili niya kita diyan ki Cristo tanganing magin kitang banal saka mayong digta sa atubangan niya. Huli sa pagkamoot,

Tito 1:2

basado sa paglaom tang magkaigwa nin buhay na daing kataposan. An Dios, na dai nagpuputik, nanuga sato kan buhay na iyan bago pa lalangon an kinaban.

1 Pedro 1:20

Dati na siyang pinili nin Dios bago pa lalangon an kinaban; ngunyan ipinahayag siya sa huring mga aldaw na ini dahel saindo.

Kapahayagan 11:7

Asin kun tapos na an saindang pagsaksi, lalabanan sinda kan hayop na maluwas hale sa dai matugkad na kairaroman. Dadaogon sinda kan hayop dangan gagadanon,

Kapahayagan 17:11

An hayop na buhay kaidto alagad ngunyan gadan na, iyo mismo an ikawalong hade na saro kan pito. Sa kapahamakan siya maduman.

Kapahayagan 17:2

An mga hade sa kinaban nakipagdorogan saiya. Naburat an mga nag-eerok sa kinaban huli kan saiyang arak nin karigsokan.”

Kapahayagan 20:10

Dangan an Diablo na nagdaya sainda itinapok sa danaw nin kalayo saka asupre, na tinapokan man kan hayop saka kan bakong tunay na propeta. Duman papasakitan sinda aldaw-banggi, sagkod pa man.

Kapahayagan 20:12

Pakatapos, nahiling ko an mga gadan, dakula asin sadit, na nakatindog sa atubangan kan trono. Binuklat an mga libro, dangan binuklat man an saro pang libro na iyo an libro nin buhay. An mga nagadan hinukoman sosog sa ginibo ninda na nakasurat sa mga libro.

Kapahayagan 20:15

An siisay man na an ngaran dai nasusurat sa libro nin buhay itinapok sa danaw nin kalayo.

Kapahayagan 3:10

Huli ta sinunod mo an pagboot ko na magin matinios ka, ililikay taka sa kasakitan na maabot sa bilog na kinaban, sa pagbalo kan gabos na tawo diyan.

Kapahayagan 3:5

An mga manggagana gugubingan man nin puti, saka dai ko paparaon an saindang ngaran sa libro nin buhay. Mimidbidon ko sinda sa atubang kan sakong Ama asin kan saiyang mga anghel.