Kapahayagan 16:6 - Marahay na Bareta Biblia

⁶ Pinabulos ninda an dugo kan mga banal asin kan mga propeta, kaya tinawan mo man sinda nin dugo na inomon. Minaako sinda ngunyan kan maninigo sainda!”

Kapahayagan 16:6 ပူးပေါင်းရင်းမြစ်များ

2 Mga Hade 24:4

asin huli kan paggadan niya sa mga tawong mayo nin kasalan. Huli kaiyan dai pwedeng mapatawad nin Kagurangnan si Manases.

Exodo 21:24

mata sa mata, ngipon sa ngipon, kamot sa kamot, bitis sa bitis,

Exodo 7:17

Kaya ini an itinaram nin Kagurangnan tanganing maaraman mo kun siisay siya huli sa gigibohon niya. Hilinga, papakulon ko kan sugkod na ini an Salog nin Nilo asin an tubig magigin dugo.

Isaias 49:26

Gigibohon ko na maggaradanan an mga nang-aapi saindo, asin mabuburat sinda sa sadiri nindang dugo arog sa pagkaburat sa arak. Dangan maaaraman kan katawohan na ako an Kagurangnan, an nagliligtas asin nagpapatalingkas saindo. Maaaraman ninda na ako iyo an mapangyaring Dios nin Israel.”

Jeremias 2:30

Pinadusahan taka, alagad mayo ini nin ibinungang karahayan; habo mong sagweon taka. Arog kan maringis na leon, ginadan mo an saimong mga propeta.

Jeremias 26:11

Dangan tinaraman kan mga padi asin kan mga propeta an mga lider saka mga tawo, “Maninigong hatolan nin kagadanan an tawong ini huli ta nagtaram siya laban sa satong syudad siring sa nadangog nindo.”

Jeremias 26:16

Dangan tinaraman kan mga lider asin kan mga tawo an mga padi saka an mga propeta, “An lalaking ini dai maninigong padusahan nin kagadanan huli ta nagtaram siya sato sa ngaran nin Kagurangnan na satong Dios.”

Mga Panambitan 4:13

Alagad nangyari ini, huli sa kasalan kan saiyang mga propeta, sa kasombikalan kan saiyang mga padi, na nagpabulos kan dugo nin mga matanos.

Ezekiel 32:6

Iuula ko an dugo mo sagkod na maglakop iyan sa mga bukid asin mapano kaiyan an mga sapa.

Mateo 7:2

Huli ta huhusgaran kamo nin Dios siring kan paghusgar nindo; kun ano an sukol na ginagamit nindo, iyo man an gagamiton saindo.

Lukas 12:48

Alagad an sorogoon na dai nakakaaram kan kabotan kan saiyang kagurangnan, asin naggibo nin anoman na maninigo nin padusa, hahampakon nin kadikit. An pinaniwalaan nin dakul, hahanapan nin dakul; an pinaniwalaan nin mas dakul, hahanapan man nin mas dakul.

Hebreyo 10:29

Kun siring, ano an mangyayari sa tawong nag-olog-olog kan Aki nin Dios, saka nagbasang-basang kan dugo kan tipan nin Dios na naglinig saiya, patin nag-insulto kan Espiritu nin biyaya? Isip-isipa kun gurano kagabat an padusa na itatao saiya!

Kapahayagan 11:18

Nagkaaranggot an mga nasyon, alagad an panahon kan saimong kaanggotan nagdatong, asin an panahon sa paghukom sa mga gadan, sa pagtao nin balos sa saimong mga sorogoon, an mga propeta saka an mga banal, asin an mga may pagkatakot sa saimong ngaran, sadit man o dakula. Nag-abot na an panahon sa paglaglag kan mga naglalaglag kan kinaban!”

Kapahayagan 13:10

An para sa pagkabihag, mabibihag mananggad; an para sa espada, magagadan sa espada. Kaya an mga banal dapat na magkaigwa nin pakatagal saka pagtubod.”

Kapahayagan 13:15

Tinugotan an ikaduwang hayop na tawan nin hinangos an ladawan kan enot na hayop tanganing makapagtaram iyan asin gadanon kaiyan an gabos na dai minasamba diyan.

Kapahayagan 18:20

Mag-ogma ka, O kalangitan, huli kan saiyang pagkarumpag! Mag-ogma kamo, mga banal, mga apostol asin mga propeta, huli ta hinukoman na siya nin Dios dahel kan ginibo niya saindo!

Kapahayagan 18:24

Pinadusahan an Babilonia huli ta sa saiya pinabulos an dugo kan mga propeta asin kan mga banal patin kan gabos na ginadan sa ibabaw kan daga.

Kapahayagan 19:2

Tama asin matanos an saiyang mga paghukom! Pinadusahan niya an pinakamaraot na babae na iyo an nagparaot kan kinaban huli kan saiyang karigsokan. Pinadusahan siya nin Dios dahel ta ginadan niya an mga sorogoon nin Dios.”