Kapahayagan 16:3 - Marahay na Bareta Biblia

³ Dangan inula sa dagat kan ikaduwang anghel an nasa saiyang mangko. An tubig nagin garo dugo nin gadan na tawo, dangan an gabos na nabubuhay sa dagat nagadan.

Kapahayagan 16:3 ပူးပေါင်းရင်းမြစ်များ

Genesis 7:22

An gabos sa kinaban na naghahangos nagkagaradan.

Salmo 105:29

Pinangagin niyang dugo an mga katubigan asin ginadan an mga sira duman.

Salmo 78:44

Ginibo niyang dugo an mga salog, kaya nawaran nin tubig na maiinom an mga Egipcio.

Ezekiel 16:38

Kokondenaron taka huli kan pakidorog mo sa bako mong agom asin huli kan saimong panggagadan. Dangan sa sakong kaanggotan asin pag-imon, papadusahan taka nin kagadanan.

Mga Gibo 2:41

An mga nag-ako kan saiyang tataramon binunyagan. Kan aldaw na idto mga tolong ribo katawo an nakadagdag sa mga paratubod.

Kapahayagan 10:2

May nakakapotan siyang sarong sadit na libro na nabibiklad. Itinungtong niya an saiyang toong bitis sa dagat asin an saiyang walang bitis sa daga,

Kapahayagan 11:6

An duwang saksing ini igwa nin kapangyarihan sa pagsera kan langit nganing dai mag-uran sa panahon kan saindang pagpropesiya. May kapangyarihan man sinda na gibohon dugo an tubig, saka pasakitan an kinaban nin gabos na klaseng peste anoman na oras na booton ninda.

Kapahayagan 13:1

Dangan nahiling ko an sarong hayop na nagbubutwa sa dagat. May sampolong sungay idto saka pitong payo. Igwa nin korona an lambang sungay; asin sa lambang payo may nakasurat na ngaran na naglalanghad sa Dios.