Kapahayagan 16:21 - Marahay na Bareta Biblia

²¹ Nag-uran nin darakulang yelo na haros singkwenta kilo an gabat kan lambang saro, saka huminugpa iyan sa mga tawo. Minuda kan mga tawo an Dios huli kan nakakatakot na peste nin uran nin yelo. Nakakatakot an pesteng ini!

Kapahayagan 16:21 ပူးပေါင်းရင်းမြစ်များ

An Libro ni Job 38:22

“Nakalaog ka na daw sa mga sarayan kan nyebe, o nahiling an mga sarayan kan uran nin yelo,

An Libro ni Job 38:23

na sakong itinagama sa panahon nin kasakitan, para sa aldaw nin gera asin ralaban?

Exodo 9:18

Sa aga, sa siring kaining oras, papauranan ko nin sarong makosog na uran nin yelo an Egipto na dai pa nadangog sa istorya kan dagang ini.

Exodo 9:22

Dangan nagtaram an Kagurangnan ki Moises, “Unata paitaas an saimong kamot tanganing umuran nin yelo sa bilog na daga nin Egipto asin tumama sa mga tawo, sa mga hayop, dangan sa gabos na tinanom sa kaomahan.”

Isaias 30:30

Ipapadangog nin Kagurangnan sa gabos an saiyang mapangyaring tingog asin ipapamate niya an kosog kan saiyang kaanggotan. Magkakaigwa nin kalayo, kikilat, pag-uran nin yelo, saka makosog na uran.

Isaias 8:21

Maglalagalag an mga tawo sa daga, manluluya an boot ninda asin magugutom sinda. Sa saindang pagkagutom saka kaanggotan, mamaldisyonon ninda an saindang hade patin an saindang Dios. Matingkalag sinda sa langit

Ezekiel 13:11

Sabihan mo an mga propeta na an saindang kudal marurumpag. Mapadara ako nin makosog na uran. Tatamaan iyan kan uran nin yelo, asin hahampason iyan nin bagyo.

Ezekiel 13:13

Kaya ini an tataramon nin Kagurangnan Dios: “Sa sakuyang kaanggotan, mapadara ako nin bagyo saka uran, nin makosog na uran, nin yelo tanganing rumpagon an kudal.

Josue 10:11

Mantang nagdudurulag an mga Amoreo sa hukbo kan Israel duman sa dalan na paibaba kan Bet-horon, pinauranan sinda nin Kagurangnan nin yelo na garo mga gapo sagkod sa Azeka; mas dakul sainda an nagadan sa yelo ki sa nagadan kan mga Israelita.

Kapahayagan 11:19

Dangan nabuksan an templo nin Dios sa langit, kaya nahiling an Kaban nin Tipan nin Dios. Nagkaigwa nin mga kikilat, hagubohob, daguldol, linog saka makosog na uran nin yelo.

Kapahayagan 16:11

Minuda ninda an Dios sa kalangitan huli kan saindang tinios na kulog saka mga gatok; alagad dai sinda nagbaya sa maraot nindang mga gibo.

Kapahayagan 16:9

Alagad maski nasulo an mga tawo kan makuring init, minuda ninda an Dios na iyo an may kapangyarihan sa siring na mga peste; dai sinda nagsolsol kan saindang mga kasalan, dai sinda nag-omaw sa Dios.

Kapahayagan 8:7

Pinatanog kan enot na anghel an saiyang trompeta. Nag-uran sa daga nin yelo saka kalayong may kasalak na dugo. Nasulo an ikatolong kabtang kan daga, an ikatolong kabtang kan mga kahoy saka an gabos na berdeng doot.