Kapahayagan 16:2 - Marahay na Bareta Biblia

² Nagduman an enot na anghel saka inula sa daga an nasa saiyang mangko. An mga tawong may marka kan hayop saka an mga nagsamba sa ladawan kaiyan, linuwasan nin makangingirhat saka makukulog na mga gatok.

Kapahayagan 16:2 ပူးပေါင်းရင်းမြစ်များ

2 Mga Cronica 21:15

Dangan ika mismo magkakaigwa nin sarong makuring helang sa bituka na orog na magngangana sa aroaldaw.’”

2 Mga Cronica 21:18

Pakatapos kaini, an hade pinadarahan nin Kagurangnan nin sarong makuring helang sa bituka.

Salmo 78:26

Pinahuyop-huyop niya an doros sa sirangan, asin huli kan saiyang kapangyarihan pinakosog niya an doros sa habagat;

Isaias 3:17

papadusahan ko sinda— aarisan ko an saindang mga payo asin magdadanay sindang siring.”

Isaias 3:24

Alagad embes na mamarong nin pahamot, magigin mabata sinda; embes na sarong paha, lubid an gagamiton ninda; embes na marahay na pakasukray na buhok, payo na mayong buhok; embes na sarong magayon na gubing, trapo an igugubing ninda; embes na kagayonan, kasosopgan!

Mga Gibo 12:23

Pinadusahan tolos si Herodes kan sarong anghel nin Kagurangnan, huli ta dai niya itinao sa Dios an kaomawan. Inulod siya dangan nagadan.

Deuteronomio 28:27

An Kagurangnan mapadara saindo nin mga pigsa arog kan ipinadara niya sa mga Egipcio. An saindong kublit mapapano nin mga gatok asin duldul na sobra an gatol, asin dai kamo mararahay.

Deuteronomio 28:35

Papanoon nin Kagurangnan an saindong mga bitis nin makukulog asin dai nabobolong na gatok; mapapano nin gatok an saindong hawak, magpoon sa bitis sagkod sa payo.

Deuteronomio 7:15

Irarayo kamo nin Kagurangnan sa anoman na kahelangan asin dai niya kamo papadarahan kan mga helang na nasaksihan nindo duman sa Egipto, alagad ipapadara niya iyan sa saindong mga kaiwal.

Kapahayagan 13:12

Ginamit niya an gabos na awtoridad kan enot na hayop. Pinirit niya an daga asin an gabos na nag-eerok diyan na magsamba sa enot na hayop na an lugad na ikakagadan narahay na.

Kapahayagan 14:16

Kaya an nakatukaw sa ibabaw kan panganoron nag-asyab sa daga, dangan naani an anihon.

Kapahayagan 14:9

May nagsunod naman na ikatolong anghel na nagtaram sa makosog na tingog, “An siisay man na magsamba sa hayop asin sa ladawan kaiyan, dangan mag-ako kan marka sa saiyang angog o sa saiyang kamot,

Kapahayagan 16:1

Dangan nakadangog ako nin makosog na tingog hale sa templo na nagtataram sa pitong anghel, “Paduman kamo asin iula nindo sa daga an nasa pitong mangko kan kaanggotan nin Dios!”

Kapahayagan 16:11

Minuda ninda an Dios sa kalangitan huli kan saindang tinios na kulog saka mga gatok; alagad dai sinda nagbaya sa maraot nindang mga gibo.

Kapahayagan 8:7

Pinatanog kan enot na anghel an saiyang trompeta. Nag-uran sa daga nin yelo saka kalayong may kasalak na dugo. Nasulo an ikatolong kabtang kan daga, an ikatolong kabtang kan mga kahoy saka an gabos na berdeng doot.

1 Samuel 5:6

Pinadusahan nin Kagurangnan an mga taga Asdod asin an mga nag-eerok sa kataraed na lugar; tinakot niya sinda sa paagi nin mga tumor.

1 Samuel 5:9

Alagad kan yaon na duman an Kaban, pinadusahan man nin Kagurangnan an syudad na idto, kaya nagkatarakot an mga tawo duman. Pinadusahan sinda nin Kagurangnan sa paagi nin mga tumor na nagtalubo sa gabos na nag-eerok sa syudad, aki man o gurang.