Kapahayagan 16:16 - Marahay na Bareta Biblia

¹⁶ An mga hade tinipon kan mga espiritu duman sa lugar na inaapod Armagedon sa tataramon na Hebreyo.

Kapahayagan 16:16 ပူးပေါင်းရင်းမြစ်များ

2 Mga Cronica 35:22

Alagad boot nanggad na makilaban si Josias. Dai niya dinangog an tataramon nin Dios sa paagi ni Hadeng Neco. Nagsagin-sagin siya na bakong hade dangan nagduman sa kapantayan nin Meggido tanganing makilaban.

Zacarias 12:11

Sa panahon na iyan, an pagtangis sa Jerusalem makakaarog sa pagtangis para ki Hadad-rimmon sa kapantayan nin Megiddo.

Juan 19:13

Pagkadangog kaini ni Pilato, dinara niya sa luwas si Jesus asin nagtukaw sa tukawan kan hukom sa lugar na inaapod “Platapormang Gapo,” (sa tataramon na Hebreyo, “Gabbatha.”)

Juan 19:17

Nagluwas siya, pasan an saiyang krus pasiring sa lugar na inaapod “Lugar nin Bungo,” (sa tataramon na Hebreyo, “Golgota.”)

Juan 5:2

Duman sa Jerusalem, sa may Trangkahan kan Karnero, igwa nin sarong tangke nin tubig na sa Hebreyo inaapod Betesda. Igwa ini nin limang balkon.

Mga Gibo 26:14

Nahulog kami gabos sa kabayo dangan nadangog ko an sarong tingog na nagtataram sako sa Hebreyo, ‘Saulo, Saulo, tadaw ta pinapasakitan mo ako? Ika man sana an nakukulogan huli sa ginigibo mo. Garo ka nagsisikad sa mapanas.’

Kapahayagan 17:14

Lalabanan ninda an Kordero, alagad dadaogon sinda kan Kordero saka kan saiyang mga inapod, pinili, saka maimbod na mga parasunod, huli ta siya an Kagurangnan nin mga kagurangnan asin Hade nin mga hade.”

Kapahayagan 9:11

An anghel na namamahala kan dai matugkad na kairaroman iyo an hade ninda; an ngaran niya Abadon sa tataramon na Hebreyo; Apolion sa tataramon na Griyego, na an kahulogan, Paragadan.

Hukom 4:7

Dadarahon ko saimo si Sisera na pamayo kan hukbo ni Jabin tanganing labanan ka duman sa Salog nin Kison. Dadarahon niya an saiyang mga karwahe sagkod mga soldados, alagad itatao ko saimo an kapangganahan.’”

Hukom 5:19

Sa Taanac, sa may sapa nin Megido, nagdatong an mga hade asin nakilaban; nakilaban man an mga hade nin Canaan, alagad mayo sindang plata na nasamsam.