Kapahayagan 15:6 - Marahay na Bareta Biblia

⁶ Nagluwas sa templo an pitong anghel na may darang pitong peste; nakagubing sinda nin nagkikintab na puting lino saka may mga pahang bulawan na nakabugkos sa saindang mga daghan.

Kapahayagan 15:6 ပူးပေါင်းရင်းမြစ်များ

Daniel 10:5

Nagtingkalag ako asin nahiling ko an sarong tawo na nakasulot nin gubing na lino saka may bulawan na habay.

Lukas 24:4

Nalilibong pa sinda huli kan nangyari, kan biglang magtunga sa kataed ninda an duwang lalaki na nakagubing nin puti na nagkikintab.

Kapahayagan 1:13

Sa tahaw kan mga kandelero, nakatindog an garo tawong nakagubing nin halaba sagkod sa bitis asin may pahang bulawan sa saiyang daghan.

Kapahayagan 14:15

May sarong anghel na nagluwas hale sa templo; kinurahawan niya idtong nakatukaw sa ibabaw kan panganoron, “Gamita na an saimong asyab, mag-ani ka na huli ta hinog na an anihon sa daga!”

Kapahayagan 14:17

Saro pang anghel an nahiling kong nagluwas sa templo sa langit; may kapot man siyang matarom na asyab.

Kapahayagan 15:1

Dangan nakahiling ako nin sarong dakula asin makangalas na tanda sa langit: pitong anghel na may darang pitong peste. Ini an mga huring peste na nagpapahiling kan makuring kaanggotan nin Dios.

Kapahayagan 19:8

Itinao na sa nobya an gubing na lino na nagkikintab sa kalinigan.” (An lino iyo an matanos na gibo kan mga banal.)