Kapahayagan 15:3 - Marahay na Bareta Biblia

³ Inaawit ninda an awit ni Moises na sorogoon nin Dios, asin an awit kan Kordero: “Dakula asin makangangalas an saimong mga gibo, O Kagurangnan, Dios na Makakamhan! Matanos asin totoo an saimong mga dalan, O Hade nin mga nasyon!

Kapahayagan 15:3 ပူးပေါင်းရင်းမြစ်များ

Genesis 17:1

Kan nubenta y nuebe na an edad ni Abram, nagpahiling saiya an Kagurangnan asin nagtaram saiya, “Ako an Makakamhan na Dios; kuyogon mo ako asin danay mong gibohon an matanos.

1 Mga Cronica 6:49

Si Aaron asin an saiyang mga aki nagdarara nin mga dolot para sa altar nin mga tinutong na atang asin para sa altar nin insenso. Sinda an namahala kan gabos na pagsamba duman sa Kabanal-banaleng Lugar asin kan mga dolot para sa kabayadan nin mga kasalan kan mga Israelita, gabos sosog sa pagboot ni Moises na sorogoon nin Dios.

2 Mga Cronica 24:6

kaya ipinaapod ni Joas si Jehoiada na saindang pamayo asin sinabihan, “Tano ta dai mo pinagbotan an mga Levita na kolektahon sa mga taga Juda asin Jerusalem an buhis para sa Tabernakulo, buhis na ipinagboot ni Moises, na sorogoon nin Kagurangnan?” (

Nehemias 9:14

Tinukdoan mo sinda na pakabanalon an saimong mga Sabbath, asin huli kan saimong sorogoon na si Moises itinao mo sainda an saimong katogonan.

An Libro ni Job 36:24

Giromdomon mong ilangkaw an saiyang gibo, na inawit kan mga tawo.

An Libro ni Job 5:9

Siya an naggigibo nin darakula saka dai malaladop na mga bagay; makangangalas na mga bagay na dai mabibilang:

Salmo 100:5

Marahayon an Kagurangnan; an saiyang pagkamoot daing kasagkoran, an saiyang pagkamaimbod magdadanay sagkod pa man.

Salmo 105:5

Kamong kapagarakian ni Abraham na sorogoon nin Dios; kamong kapagarakian ni Jacob na saiyang pinili; giromdomon nindo an mga ginibo niyang ngangalasan, an mga milagro, asin an mga itinaram niyang mga sentensya.

Salmo 111:2

Makangangalas an mga gibo nin Kagurangnan, pinag-aadalan kan gabos na nawiwili kaiyan.

Salmo 111:7

Maimbod asin matanos siya sa gabos niyang gibo; an gabos niyang pagboot masasarigan,

Salmo 139:14

Inoomaw taka huli ta maninigo kang galangan. Ngangalasan an gabos mong gibo; midbid mo nanggad an buhay ko.

Salmo 145:17

An Kagurangnan matanos sa gabos niyang mga palakaw, maheherakon sa gabos niyang gibo.

Salmo 145:6

Ibabareta kan mga tawo an mangirhat mong mga gibo; an saimong kadakulaan irurukyaw ko.

Salmo 18:30

An Dios na ini—marahayon an mga gibo! An saiyang mga panuga totoong masasarigan! Siya an kalasag nin gabos na minapaataman saiya.

Salmo 78:12

Sa atubang kan saindang mga ginikanan, ginibo nin Dios an saiyang mga ngangalasan sa Egipto, sa kapatagan nin Zoan.

Salmo 92:5

Kadakula kan saimong mga gibo, Kagurangnan! Hararom na gayo an saimong mga kaisipan!

Salmo 99:4

Mapangyaring hade, namomoot ka sa hustisya; pinapangyari mo an katanosan sa Israel; nagdara ka nin hustisya asin katanosan.

Isaias 33:22

Mayo nin kamugtakan an mga gakod sa mga barkong iyan; dai pwedeng bikladon an saindang mga layag! Satong sasamsamon an gabos na yaman kan mga kaiwal na hukbo; kadakul kaiyan, kaya maski an mga pilay na lalaki magkakaigwa kan saindang kahirasan. An Kagurangnan mismo an satong magigin hade; siya an magsasakop asin mag-iingat sa sato.

Isaias 45:21

Madya asin daraha nindo an saindong kaso sa hukoman; tugoteng magpaharapot-hapot an mga isinumbong. Siisay kaidto an naghula kun ano an mangyayari? Bakong ako, an Kagurangnan, an Dios na nagliligtas kan saiyang banwaan? Pwera sako mayo na nin ibang dios.

Daniel 6:20

Pag-abot niya duman, may kahandalan na nag-apod siya, “Daniel, sorogoon kan buhay na Dios! Ikinaligtas ka sa mga leon kan saimong Dios na maimbod mong pinaglilingkodan?”

Daniel 9:11

Linapas kan bilog na Israel an saimong mga togon asin dai ninda dinangog an itinaram mo. Nagkasala kami tumang saimo, kaya dinarahan mo kami kan mga maldisyon na nasusurat sa Katogonan ni Moises, an saimong sorogoon.

Oseas 14:9

An nakasurat digdi masabotan logod kan mga madonong asin itanom logod ninda sa saindang puso. Matanos an mga paagi nin Kagurangnan, asin nabubuhay an mga matanos na tawo huli sa pagsunod kan mga iyan, alagad nasisingkog saka natutumba an mga parakasalang minasuway kaiyan.

Mikas 7:20

Ipapahiling mo sa saimong banwaan, an mga kapagarakian ni Abraham asin ni Jacob, an saimong kaimbodan saka danay na pagkamoot, siring sa ipinanuga mo sa samong mga ginikanan kaidtong panahon.

Sofonias 3:5

Alagad yaon pa sa syudad an Kagurangnan; ginigibo niya an tama asin bako an sala. Aga-aga asin mayo nanggad nin palihis, pinapahilingan niya nin hustisya an saiyang banwaan. Alagad an bakong matanos na mga tawo diyan padagos na naggigibo nin maraot asin dai nasosopog.

Zacarias 9:9

Pag-ogma, pag-ogma, banwaan nin Sion! Pagkurahaw sa kaogmahan, kamong mga taga Jerusalem! Hilinga, an saindong hade maabot na sa saindo! Maabot siyang mapandaog saka mapanggana, alagad mapakumbaba asin naglulunad sa sarong asno— sa sarong torilyo, na ogbon nin sarong asno.

Juan 1:17

An Katogonan itinao nin Dios sa paagi ni Moises, alagad an biyaya asin katotoohan nag-abot sa paagi ni Jesu-Cristo.

Deuteronomio 31:30

Mantang nagdadangog an bilog na banwaan nin Israel, inawit ni Moises an awit na ini.

Deuteronomio 32:3

Oomawon ko an ngaran nin Kagurangnan, asin an saiyang banwaan magpapahayag kan saiyang kadakulaan.

Deuteronomio 34:5

Kaya siring sa itinaram nin Kagurangnan, nagadan duman sa daga nin Moab si Moises, an sorogoon nin Kagurangnan.

1 Timoteo 1:17

Itao man logod sagkod pa man an paggalang asin an kamurawayan sa Hade na mayo nin kataposan, na mayo nin kagadanan, na dai nahihiling, iyo sanang Dios! Amen.

Hebreyo 3:5

Nagin maimbod si Moises sa harong nin Dios bilang sorogoon; nagtaram siya dapit sa mga bagay na ipapahayag nin Dios sa maabot na panahon.

Josue 22:5

Kuyogon nanggad nindo an togon na itinao saindo ni Moises: kamotan nindo an Kagurangnan na saindong Dios, gibohon an saiyang kabotan, kuyogon an saiyang mga pagboot, magmaimbod saiya, asin paglingkodan siya sa bilog nindong puso saka kalag.”

Kapahayagan 1:8

“Ako an Alfa asin an Omega,” an sabi kan Mapangyaring Kagurangnan Dios—an Dios ngunyan, kaidto, asin sa madatong pang panahon.

Kapahayagan 11:17

na nagsasabi, “Nagpapasalamat kami saimo, Kagurangnan Dios na Makakamhan, na iyo ngunyan asin kaidto; huli ta ginamit mo an saimong dakulang kapangyarihan, dangan nagpoon ka nang maghade!

Kapahayagan 14:3

Nakatindog an syento kwarenta y kwatro mil katawo sa atubangan kan trono, kan apat na buhay na linalang saka kan mga kamagurangan; nag-aawit sinda nin bagong awit na sinda sana an nakanood, sinda na mga tinubos sa kinaban.

Kapahayagan 14:8

May nagsunod na ikaduwang anghel na nagsabi, “Rumpag na! Rumpag na an bantog na Babilonia, an nagpainom sa gabos na nasyon kan arak nin saiyang karigsokan.”

Kapahayagan 17:14

Lalabanan ninda an Kordero, alagad dadaogon sinda kan Kordero saka kan saiyang mga inapod, pinili, saka maimbod na mga parasunod, huli ta siya an Kagurangnan nin mga kagurangnan asin Hade nin mga hade.”

Kapahayagan 19:16

Nakasurat sa gubing saka hita niya an ngaran na ini: “Hade nin mga hade asin Kagurangnan nin mga kagurangnan.”

Kapahayagan 19:2

Tama asin matanos an saiyang mga paghukom! Pinadusahan niya an pinakamaraot na babae na iyo an nagparaot kan kinaban huli kan saiyang karigsokan. Pinadusahan siya nin Dios dahel ta ginadan niya an mga sorogoon nin Dios.”

Kapahayagan 4:8

An lambang saro kaining buhay na linalang may anom na pakpak, pano nin mga mata an luwas asin an laog. Aldaw-banggi daing ontok an saindang pag-awit kaini: “Banal, banal, banal an Kagurangnan Dios na Makakamhan, na iyo kaidto, ngunyan, asin sa madatong pang panahon.”