Kapahayagan 14:7 - Marahay na Bareta Biblia

⁷ Nagtaram siya sa makosog na tingog, “Matakot kamo sa Dios asin omawon nindo siya, huli ta nag-abot na an panahon nin saiyang paghukom sa katawohan. Sambahon nindo an Kaglalang kan langit, daga, dagat saka kan mga burabod!”

Kapahayagan 14:7 ပူးပေါင်းရင်းမြစ်များ

Genesis 22:12

“Dai mo pagkulogan an aki o paggibohan nin ano man,” an sabi kan anghel. “Ngunyan, aram ko nang igwa kang pagkatakot sa Dios, huli ta dai mo isinayuma an saimong bugtong na aki kan hagadon ko siya saimo.”

Nehemias 9:6

Dangan an banwaan nin Israel namibi nin siring: “Kagurangnan, ika sana an Kagurangnan; linalang mo an kalangitan asin an mga bitoon sa kaitaasan. Linalang mo an daga saka an dagat, asin an gabos na yaon diyan; ika an nagtao nin buhay sa gabos. An langitnon na hukbo nagsasamba saimo.

Salmo 115:15

Bendisyonan logod kamo nin Kagurangnan, na naggibo kan langit asin kan daga!

Salmo 124:8

An satong tabang yaon sa ngaran nin Kagurangnan, na naggibo kan langit asin daga.

Salmo 33:6

Sa pagboot nin Kagurangnan, nalalang an kalangitan, an aldaw, an bulan asin an mga bitoon huli kan saiyang tataramon.

Salmo 36:1

An kasalan nagtataram sa tawong maraot sa kairaroman nin saiyang puso; mayo nin pagkatakot sa Dios sa saiyang mga mata.

Salmo 89:7

Siya sarong Dios na ginagalangan sa katiriponan nin mga banal; dakula asin kinatatakotan kan gabos na nasa palibot niya.

Salmo 95:5

Saiya an dagat, huli ta ini ginibo niya; huli ta an mamarang daga hinaman kan saiyang mga kamot.

Exodo 20:11

Huli ta sa anom na aldaw ginibo ko an daga, an langit, an kadagatan sagkod an gabos na yaon diyan, alagad sa ikapitong aldaw, nagpahingalo ako. Kaya benendisyonan ko an Sabbath asin pinabanal iyan.

Isaias 40:3

Sarong tingog an nagkukurahaw, “Andama sa kalangtadan an dalan para sa Kagurangnan! Tanosa sa desyerto an sarong tinampo para sa satong Dios!

Isaias 40:6

Sarong tingog an nagkukurahaw, “Ipahayag mo an sarong mensahe!” “Anong mensahe an ipapahayag ko?” an hapot ko. “Ipahayag mong an gabos na katawohan nakakaarog sa mga doot; dai sinda nahahaloy siring sa mga burak sa kadlagan.

Isaias 40:9

Jerusalem, sumakat ka sa sarong halangkaw na bukid asin ipahayag mo an marahay na bareta! Magkurahaw ka sa makosog na tingog, Sion; ibalangibog mo an marahay na bareta! Magtaram ka asin dai ka matakot. Sabihi an mga banwa nin Juda, “Uya na an saindong Dios!”

Isaias 42:12

Magtao nin pag-omaw saka kamurawayan sa Kagurangnan an mga nag-eerok sa harayong mga daga!

Isaias 44:23

Pagkurahaw sa kaogmahan, o kalangitan! Pagkurahaw, o hararom na mga lugar kan daga! Pagkurahaw sa kaogmahan, o kabukidan, asin lambang kahoy kan kadlagan! Ipinahiling nin Kagurangnan an saiyang kadakulaan sa pagligtas kan saiyang banwaan na Israel.

Isaias 58:1

Nagsasabi an Kagurangnan, “Pagkurahaw nin makosog! Sabihi an sakong banwaan na Israel dapit kan saindang mga kasalan!

Jeremias 10:10

Alagad ika, Kagurangnan, an totoong Dios, ika an Dios na buhay, an hade na mayo nin kataposan. Nagtatakig an kinaban kun ika naaanggot, dai natatagalan kan mga nasyon an saimong kaanggotan. (

Ezekiel 7:2

“Aki nin tawo, iyo ini an tataramon ko, an Kagurangnan Dios, para sa daga nin Israel: Iyo na ini an kataposan para sa bilog na daga!

Ezekiel 7:6

Tapos na an gabos. Iyo na ini an kataposan. Tapos ka na.

Daniel 8:19

Nagsabi siya, “Ipinapahiling ko saimo an magigin bunga kan kaanggotan nin Dios. An bisyon ipinapanongod sa panahon kan kataposan.

Oseas 8:1

Nagsasabi an Kagurangnan, “Huyopa an trompeta huli ta nagdadangadang na sa sakong daga an mga kaiwal siring sa mga agila! Linapas kan sakong banwaan an sakong tipan, asin nagrebelde sinda tumang sa sakong katukdoan.

Malakias 2:2

Kaipuhan na omawon nindo ako sa paagi kan saindong ginigibo. Kun dai kamo magdangog sa sakong sinasabi, dadarahan ko kamo nin maldisyon. Mamaldisyonon ko man an mga biyaya na inaako nindo. Sa katunayan, minaldisyon ko na an mga iyan, huli ta dai nindo pinahalagahan an sakong pagboot.

Mateo 25:13

Dangan sinabihan sinda ni Jesus, “Kaya magpuka kamo, ta dai nindo aram an aldaw ni an oras.

Lukas 17:18

Tadaw ta an dayuhan sanang ini an nagbalik sa pagpasalamat sa Dios?”

Mga Gibo 14:15

“Mga tugang, tadaw ta ginigibo nindo ini? Mga tawo man kami arog nindo! An katuyohan mi digdi iyo an pagtukdo saindo kan Marahay na Bareta, tanganing bayaan nindo an mga bagay na ini na mayo nin halaga, dangan magsunod kamo sa Dios na buhay na naglalang kan langit, daga, dagat, asin kan gabos na yaon diyan.

Josue 7:19

Sinabihan ni Josue si Acan, “Aki ko, isabi mo an totoo digdi sa atubangan nin Kagurangnan, an Dios nin Israel. Ituga mo sako kun ano an ginibo mo. Dai ka magputik sako.”

1 Pedro 4:7

Harani na an kataposan kan gabos na bagay. Kaya dapat magkaigwa kamo nin malinaw na isip asin pagpupugol sa sadiri, tanganing makapamibi kamo.

Kapahayagan 11:13

Kan oras man sanang iyan naglinog nin makosog asin narumpag an ikasampolong kabtang kan syudad; pitong ribo katawo an nagadan. Sa makuring takot kan mga natadang buhay, inomaw ninda an Dios nin langit.

Kapahayagan 11:18

Nagkaaranggot an mga nasyon, alagad an panahon kan saimong kaanggotan nagdatong, asin an panahon sa paghukom sa mga gadan, sa pagtao nin balos sa saimong mga sorogoon, an mga propeta saka an mga banal, asin an mga may pagkatakot sa saimong ngaran, sadit man o dakula. Nag-abot na an panahon sa paglaglag kan mga naglalaglag kan kinaban!”

Kapahayagan 15:4

Siisay an dai matatakot saimo, Kagurangnan? Siisay an dai maomaw kan saimong ngaran? Huli ta ika sana an banal. Gabos na nasyon madolok saka masamba saimo, huli ta an mga matanos mong gibo nahihiling kan gabos.”

Kapahayagan 16:9

Alagad maski nasulo an mga tawo kan makuring init, minuda ninda an Dios na iyo an may kapangyarihan sa siring na mga peste; dai sinda nagsolsol kan saindang mga kasalan, dai sinda nag-omaw sa Dios.

Kapahayagan 18:10

Matindog sinda sa harayo, huli ta takot sindang madamay sa saiyang kasakitan, dangan masabi sinda, “Makangingirhat! Ining dakula saka mapangyaring syudad nin Babilonia! Sa laog nin saro sanang oras nagdatong an padusa mo!”

Kapahayagan 18:17

Sa laog nin saro sanang oras nawara saiya an gabos na kayamanan na iyan!” An gabos na kapitan nin mga barko, mga pasahero, mga tripulante dangan an gabos na naghahanap-buhay sa dagat nagtindog sa harayo;

Kapahayagan 18:19

Nagbugtak sinda nin alpog sa payo, nagtangis saka nagmondo patin nagsabi, “Makangingirhat! Makatatakot an nangyari sa dakulang syudad na iyan, saen nagyaman an gabos na mga may barkong naglalayag sa dagat huli kan saiyang kayamanan! Sa laog nin saro sanang oras nawara saiya an gabos!”

Kapahayagan 19:5

Dangan may tingog na nagtaram hale sa trono, “Omawon nindo an satong Dios, kamo gabos na sorogoon niya asin kamo na mga may pagkatakot saiya, dakula o sadit!”

Kapahayagan 4:11

“Samong Kagurangnan asin Dios! Maninigo kang mag-ako nin kamurawayan, kaomawan saka kapangyarihan. Huli ta linalang mo an gabos na bagay, nabubuhay sinda asin nagdadanay huli kan saimong kabotan.”

Kapahayagan 4:9

Sa lambang pag-awit kaining apat na buhay na linalang kan mga awit nin pagpamuraway, pag-omaw, saka pagpasalamat duman sa atubangan kan nagtutukaw sa trono na nabubuhay sagkod pa man,

Kapahayagan 8:10

Pinatanog kan ikatolong anghel an saiyang trompeta. Hale sa langit, nahulog an sarong dakulang bitoon na garo karabang naglalaad; nahulog ini sa ikatolong kabtang kan mga salog saka mga burabod. (

1 Samuel 6:5

Kaya kaipuhan maggibo kamo nin mga porma kan mga tumor asin kan mga kino na nagraot kan saindong daga, dangan omawon nindo an Dios nin Israel; tibaad paontokon na niya an pagpadusa saindo, sa saindong mga dios asin sa saindong daga.