Kapahayagan 14:2 - Marahay na Bareta Biblia

² Nadangog ko an sarong tingog hale sa langit na an ribok garo hinagawak nin busay, saka garo makosog na daguldol. An tingog na nadangog ko garo tugtog nin mga arpista.

Kapahayagan 14:2 ပူးပေါင်းရင်းမြစ်များ

2 Samuel 6:5

Si David asin an gabos na Israelita nagsasayaw saka nag-aawit sa bilog nindang kosog tanganing omawon an Kagurangnan. Nagtugtog sinda nin mga arpa, tamborin, lira, bombo, saka gimbal.

2 Mga Cronica 20:28

Pag-abot ninda sa syudad, nagduman sinda sa Templo nin Kagurangnan mantang nagtutugtog nin mga arpa, lira, saka mga trompeta.

Salmo 147:7

Mga awit nin pasalamat awiton sa Kagurangnan; tumugtog sa lira para sa satuyang Dios.

Salmo 149:3

Magsayaw sa kaomawan nin saiyang ngaran; mag-awit saiya sa tanog kan tamborin asin lira.

Salmo 33:2

Omawon nindo an Kagurangnan sa paagi nin lira, awitan siya sa paagi nin may sampolong kwerdas na arpa.

Salmo 43:4

Dangan madolok ako sa altar nin Dios, sa Dios na sakuyang kaogmahan. Oomawon taka sa pagtugtog kan lira, O Dios, sakuyang Dios.

Salmo 57:8

Pagmata, O kalag ko! Pagmata, sakong arpa asin lira! Pupukawon ko an kaagahon.

Salmo 92:3

sa tugtog nin plawta asin nin arpa asin sa tanog nin lira.

Salmo 93:4

Orog na makosog ki sa hagubohob nin mga katubigan, orog na makosog ki sa alon nin kadagatan, an Kagurangnan mapangyari sa kaitaasan.

Salmo 98:5

Mag-awit nin mga pag-omaw sa Kagurangnan! Musika tugtogon sa arpa!

Exodo 19:16

Pagkaaga kan ikatolong aldaw, nagkaigwa nin daguldol saka kikilat, nagtunga sa bukid an sarong mahibog na panganoron asin nadangog an makosog na tanog kan trompeta. An gabos na tawo sa kampo nagtarakig sa takot.

Exodo 20:18

Kan madangog kan mga tawo an daguldol saka an tanog kan trompeta asin kan mahiling ninda an kikilat sagkod an nag-aasong bukid, nagtarakig sinda sa takot; kaya nagtirindog sinda sa harayo.

Isaias 17:13

Nagdadangadang an mga nasyon siring sa nagdadangadang na mga alon, alagad sasagweon sinda nin Dios asin madurulag sinda; ipapadpad sinda siring sa alpog sa may bulod, siring sa dagami sa sarong aripuros.

Ezekiel 43:2

Dangan nahiling kong nagdadangadang hale sa sirangan an kamurawayan kan Dios nin Israel. An tingog nin Dios nakakaarog sa hagubohob kan dagat, asin an daga nagliwanag huli kan saiyang kamurawayan.

Zacarias 9:14

An Kagurangnan matunga sa ibabaw kan saiyang banwaan; garo kikilat na bubutasan niya an saiyang mga bosog. Papatanogon kan Kagurangnan Dios an trompeta, dangan mamartsa siya sa mga bagyong hale sa habagat.

1 Corinto 13:1

Maski makapagtaram ako sa mga lengwahe nin mga tawo asin nin mga anghel, kun mayo ako nin pagkamoot, garo man sana ako sarong kampanang maribok o simbal na matanog.

Kapahayagan 1:10

Kan Aldaw nin Kagurangnan, napano ako kan Espiritu asin nakadangog ako sa likodan ko nin makosog na tingog na garo tanog nin trompeta,

Kapahayagan 1:15

An saiyang mga bitis nagsisilyab arog kan bronseng tinunaw sa kalayo saka pinakintab; an saiyang tingog makosog arog kan hinagawak kan busay.

Kapahayagan 11:12

Nakadangog an duwang propeta nin makosog na tingog hale sa langit na nagsabi sainda, “Sakat kamo digdi!” Mantang naghihiling an saindang mga kaiwal, nagsakat sa langit an duwang propeta na nakalunad sa sarong panganoron.

Kapahayagan 11:15

Dangan pinatanog kan ikapitong anghel an saiyang trompeta, asin may mga makosog na tingog sa langit na nagsabi, “An kahadean kan kinaban nagin kahadean kan satong Kagurangnan asin kan saiyang Cristo; maghahade siya sagkod pa man!”

Kapahayagan 15:2

Dangan nakahiling ako nin garo dagat na salming na may kasalak na kalayo. Nahiling ko man an mga nakadaog sa hayop saka sa saiyang ladawan asin sa saro na an ngaran nasasambit sa numero. An mga nakadaog na ini nagtitindog sa tampi kan dagat na salming, kapot an mga arpa na itinao sainda nin Dios.

Kapahayagan 18:22

Dai na madadangog diyan saimo an tugtog kan mga arpista, mga paraawit, mga paraplawta saka mga paratrompeta! Mayo na nin makukuang trabahador para sa anoman na klaseng trabaho diyan saimo; mayo nang tanog nin gilingan na madadangog!

Kapahayagan 5:8

Kan makua na iyan kan Kordero, an apat na buhay na linalang asin an beynte y kwatrong kamagurangan nagluhod sa atubang niya. An lambang saro may kapot na arpa saka bulawan na mangko na pano nin insenso; an insensong idto iyo an mga pamibi kan mga banal.

Kapahayagan 6:1

Nahiling kong tinangkas kan Kordero an enot kan pitong selyo, dangan nagtaram na garo daguldol an saro kan apat na buhay na linalang, “Madya!”

Kapahayagan 8:7

Pinatanog kan enot na anghel an saiyang trompeta. Nag-uran sa daga nin yelo saka kalayong may kasalak na dugo. Nasulo an ikatolong kabtang kan daga, an ikatolong kabtang kan mga kahoy saka an gabos na berdeng doot.