Kapahayagan 14:15 - Marahay na Bareta Biblia

¹⁵ May sarong anghel na nagluwas hale sa templo; kinurahawan niya idtong nakatukaw sa ibabaw kan panganoron, “Gamita na an saimong asyab, mag-ani ka na huli ta hinog na an anihon sa daga!”

Kapahayagan 14:15 ပူးပေါင်းရင်းမြစ်များ

Genesis 15:6

Nagtubod si Abram sa Kagurangnan, asin huli kaini, ibinilang nin Kagurangnan an pagtubod ni Abram bilang sarong katanosan.

Isaias 62:1

Magtataram ako tanganing pakosogon an boot kan Jerusalem; dai ako magkakaalo sagkod na ligtas na siya, asin nagliliwanag an saiyang kapangganahan siring sa sarong karaba sa pagkabanggi.

Jeremias 51:33

Dai na mahahaloy aanihon na sinda kan kaiwal saka titimaktimakan arog kan mga inani sa lugar na pinaggiginikan. Ako, an Kagurangnan nin mga hukbo, an Dios nin Israel, an nagtaram.”

Joel 3:13

Dakula an saindang karatan; putola sinda arog sa mga poon nin trigo kun tig-ani; ronota sinda arog kan pagronot sa ubas sa sarong pano nang pugaan nin ubas, sagkod na magsupay an arak.”

Mateo 13:30

Pabayae sanang magtalubong sabay an paroy asin an doot sagkod sa tig-anihan. Pag-ani, ipapagabot kong enot sa mga paraani an mga doot, dangan ipapabugkos ko nganing suloon. Pakatapos, ipapaani ko an paroy, dangan ipapasaray sa harong-harong ko.’”

Mateo 13:39

An kaiwal na nagsabwag kan doot iyo an Diablo. An tig-anihan iyo an kataposan kan panahon, dangan an mga paraani iyo an mga anghel.

Mateo 23:32

Kun siring, taposa nindo an pinonan kan saindong mga ginikanan!

Markos 4:29

Kun an mga tipasi hinog na, pinuputol na nin asyab, huli ta panahon na nin pag-ani.”

1 Tesalonica 2:16

Hiningowa pa nindang paontokon kami sa paghulit sa mga pagano kan mensahe na magliligtas sa mga ini. Huli kaini uminabot na sa kasagkoran an gabos na kasalan na danay nindang ginigibo. Kaya ngunyan uminabot na an kaanggotan nin Dios sainda.

Kapahayagan 11:19

Dangan nabuksan an templo nin Dios sa langit, kaya nahiling an Kaban nin Tipan nin Dios. Nagkaigwa nin mga kikilat, hagubohob, daguldol, linog saka makosog na uran nin yelo.

Kapahayagan 13:12

Ginamit niya an gabos na awtoridad kan enot na hayop. Pinirit niya an daga asin an gabos na nag-eerok diyan na magsamba sa enot na hayop na an lugad na ikakagadan narahay na.

Kapahayagan 14:14

Dangan nakahiling ako nin sarong maputing panganoron na natutukawan kan sarong arog sa aki nin tawo na nakokoronahan nin bulawan saka may kapot na matarom na asyab.

Kapahayagan 14:16

Kaya an nakatukaw sa ibabaw kan panganoron nag-asyab sa daga, dangan naani an anihon.

Kapahayagan 14:17

Saro pang anghel an nahiling kong nagluwas sa templo sa langit; may kapot man siyang matarom na asyab.

Kapahayagan 14:18

Dangan saro pang anghel an nagluwas sa altar. Siya an namamahala kan kalayo. Kinurahawan niya an anghel na may matarom na asyab, “Gamita an saimong asyab; anihon mo na an mga ubas sa daga, huli ta hirinog na!”

Kapahayagan 15:6

Nagluwas sa templo an pitong anghel na may darang pitong peste; nakagubing sinda nin nagkikintab na puting lino saka may mga pahang bulawan na nakabugkos sa saindang mga daghan.

Kapahayagan 16:17

Inula sa doros kan ikapitong anghel an nasa saiyang mangko. May makosog na tingog hale sa trono duman sa templo na nagsabi, “Natapos na!”

Kapahayagan 6:10

Nagkurahaw sinda, “Mapangyaring Kagurangnan, banal asin totoo! Nuarin mo huhukoman asin papadusahan an mga tawong guminadan samo?”